Nehemaia 9:15 - Nobonob Baibel

¹⁵ Haen ag enug aqom amu, na habppanu bret me ne lappig. Ag le baalag diie, na hee, le menppanu ne, ag aon lappig. Amu wan laa, na wan amu ag madakkutnu na eppen human, madakkutnu anana, nahip nai am ɠagattag qettan ame amu, na ag gona, wan amu aoglagnu amelagppa ame.

Nehemaia 9:15 Referans Kwoze

Duteronomi 1:8

Da wan imu oh ag madattem!” Yawe Nug anam aum. Wan amu ohnu amu, Yawe Nug ag mamelkad aɗi, amuam Abraham, Aisak, Jakop ele, amu ag buɗulkadppa ele madakkunu nuhig nai ɠagattag qetta aum amunu, ag amuppa nona, aon dayeg!

Eksodas 17:6

Na gobeppe, da geha men laa Horep guguittak daatte amu, da men amu attan daappi, na da gukkuiɗna doppe, da na noomppa daappi, na dudqak hokkat amuppa men amu oppe, geha men amuppanu le beeb, danab ah ag lakkulag,” awa aum. Aria, Israel dilag ikki danab ag Moses anam he, menppanu le be anidppig.

Eksodas 16:4

Ag anam aeg, aria Yawe Nug Moses amegppa inam aum. “Da geha heppi, ee habppanu na qeeb, ag aoglag. Deɗ laib laib anen anen danab ah ag gona, deɗ amunu ee aakkuib ag aoglag. Da geha ag ee madakkul, kobol amuppa da ag ma anttak madappi, ag nai dahil dim lamidkkulag, o iitta am, da dookkul.

Esekiel 20:15

Da hei, ag padal ii meppig, amge atu taɗakppa da inam hemi. Da eppel hume, da omaladppi, ag wan laappa, wan amuam wan enanag, wan ittag ele, amuppa ee meu huana otte, wan amu neekkak nuhig ele enanag, wan laa oh eɗattak, da wan amu madakkulnu ami amu, ag wan amuppa ii gomananu dahil nai ɠagattag qetten mattimi.

Sam 114:8

Nug he, men eɗua le ameg dayom. Ao, Nug he, lenag ag men ɠagattagppanu neppig.

Duteronomi 8:3

Nug he, ag enug daaeg, amu Nug ag maana matte lappig. Ee maana amu, ag anukka amunu ii dooppig, mamelkad aɗi ele ag amunu ii dooppig. Nug ahilagnu anam ha, amuppa Nug ag onilag qe neum. Nug amu heumnu diig am, Nug anam heeb, danab ah eeppaib bau daanna ii oitteb. Iitta. Danab ah ag Yawenu nai ohppa bau daan oitteb ippunadkkunu heum.

Nehemaia 9:20

Na nahip Ouɗi, Nug Ouɗi enaib, Nug ag ulum madakkunu ag mattame. Ag ee lakkulagnu amu, na maana mattana, ag le baalag diieye, na le ele mattame.

Duteronomi 1:21

Yawe, ahilag Kayak, Nug aakku ag noolagppa meumde, ag antteg! Ag gona, Yawe, ag mamelkad aɗi dilag Kayak, Nug aum bia ahilagnu aweg! Ag aib baɗappig! Ag oolagppa gai-iitta aib dooppig!” ami.

Namba 14:30

Da eppel humen, ag wan imu madappi, ag amuppa daaglagnu dahil nai ɠagattag qetten mattimi, amge ⌊ag da dimeɗan, dahil nai tappaeg ne, ag eɗun Isip gokkulagnu appig amunu,⌋ laippu laa wan amuppa iinab noma; Kalep, Jepune bekka amu Nan bekka Josua ele, aa aakkuib nokkulah.

Genesis 14:22

Sodom dilag king nug anam a amu, Abram nug Sodom dilag king oɗeppa awa aum. “Genabnab da Yawe, Nug Kayak Attannab Laa Oh Eɗattak, Nug hab, wan ele oh heum amu, da eppel nuhigppa humen, da inam hekkulnu Kayak onigppa dahil nai ɠagattag qetten, inam ami.

Eksodas 6:8

Da geha ag omalatte ukke, wan da Abraham, Aisak, am Jakop ele madakkulnu eppel humen, nai ain qakkami amu, da wan amu geha da ag madappi, geha wan amu ahilagnab daakku. Da am Yawe,’ ” awa aum.

Eksodas 17:3

Amge danab ah ag le baalag diie, ag tuɗidna, Mosesnu naittuɗ mena, mattina, ag inam appig. “Aɗinu na ig, nid naunau ihinkad, amu ihinkad doɗ ele ig oh geha le baanig diieb mauhkkunignu Isipnu aigna, omaigna uɗime?” aon appig.

Aisaia 48:21

⌊Ag gobeppeg, haen amuppa kobol digdig Yawe Nug Israel Isipnu diia ukke daappig bia daaglag. Yawe Nug Israel Isipnu diia ukkom, haen amuppa⌋ Nug omalatte, ag atu taɗakppa oippig, amge ag le baalag ii diiom. Nug he, le ahilagnu menppa neum. Ao, Nug he, men oppate, le huanaknab noa ukkom.

Jeremaia 32:23

Na ag mattae, ag wan amuppa uɗin, danab daappig eppelagppanu aoppig, amge ag na oɗen ii dim lamidppig, nahip ɗo ele dim ii lamidppig. Ag na aɗi hekkulagnunab ame amu, ag ii heppig amunu, na uug nau imu ahilagppa hee beum.