Nehemaia 9:14 - Nobonob Baibel

¹⁴ Na ig mamenkad aɗi ag nahip deɗ, nahipnu tituanak daatte, am Sabat, na ag nahip deɗ amu ippunatte doon, na nahip haknunab nai, ɗo iɗu iɗu ele, na nahip maɗi nid Moses amegppa ae, nug ag amelagppa a dooppig.

Nehemaia 9:14 Referans Kwoze

Esekiel 20:12

Da ag tituanatti, ag dahilnu tituanak daaegeg, da ag amu dabmettalagnu at daakkunu da ag dahil Sabat deɗ ag mattami. Da ag da, Yawe, da hei, ag dahilnu tituanak daatteb dooglagnu Sabat deɗ, at daakkunu ag mattami.

Genesis 2:3

Nug anam ha amu, deɗ amu Kayak Nug tituana, ititta, nuhig tituanak daakkunu meum. Aɗinu? Nug uɗat oh he ukke, malak dayeye, Nug hik awom.

Esekiel 20:20

ag dahil Sabatnu am dahilnu tituanak daatte dabmenana, ɗo da deɗ amunu mattami ele dim lamitteg! Ag anam hekkulag dayeb amu, Sabat deɗ am ag Israel ag dahilad daattebnu dooglagnu at dayebeb, ag dooglag, da Yawe, da ahilag Kayak daattem.”

Eksodas 16:29

Yawe Nug anam a amu, Moses nug danab ah amelagppa aum. “Ag imu doon autna aweg! Aɗinu? Yawe Nug ag deɗ imu, am Sabat, Nug ag mattom amunu, deɗ ebqak eblaih laippuppa amu, geha Nug ag ee deɗ aɗitnu elele madatte. Aria, deɗ ebqak eblaih aɗitppa amu, danab ah oh ag daattebppaib daaglag. Danab o ah laa nug ee wanppanu awaknu dimittim ii goma,” awa aum.

Eksodas 16:23

Ag amunu aeg, Moses nug ag amelagppa aum. “Yawe Nug buttinu, am inam haknunab aum. Butti am Sabat laa, Sabat amuam Yawenu tituanak daatte; am Yawe binag awaknu. Aria, gemu ag ee otiak laa aabppa maiglagnu oolag dayeb, aria ag maneg! Am otiak laa ag waappa uhiglag dayeb, am waappa uhippeg ewaɗ! Aria, laih ag ii lappeg dayeb amu, ag buttinu meppeg dayaɗ!” awa aum.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Nehemaia 1:8

Anam, amge gemu na eɗun, aɗi keeke laala hekkutnu nahip maɗi nid Moses amegppa ame amu, na amu dabmekkutnu oɗ medattem. Na inam ame. ‘Ag da ippunadminu oo metta ii uuak kobol ii dim lamidkkulag dayeb amu, da heppi, ag wan atu laalappa matatun gona, appa daaglag,

Duteronomi 5:31

Amge haknunab anak dahil, ɗo iɗu iɗu dahil ele, na medakkulnu amu, na da ele ippa daagnih. Danab ah ag wan laa, wan amu ag aulag daakkunu madakkulnu hettem amu, ag wan amuppa haknunab anak dahil, ɗo iɗu iɗu dahil ele oh dim lamidkkulagnu amu, na danab ah ippunadkkut,” awa aum.

Duteronomi 4:45

Amu Israel danab ah ag Isip uun ukkaeg, Moses nug ɗo iɗu iɗu, haknunab anak ele mattom am imu.

Duteronomi 4:5

Antteg! Ɗo iɗu iɗu imu amu, wan ag nona aon daaglagnu hetteb ele, ag amuppa nona daanna, ag ɗo imu dim lamidkkulagnu, Yawe, dahil Kayak, Nug da nai amu meɗa, ippunadkkulnunab da amelppa aum, amu da amubia aakku hemi.

Lewitikas 27:34

Yawe Nug ɗo imu oh, Israel ag dim lamidkkulagnunab ana, Sinai Qaukoppa Moses eppegppa meum.

Eksodas 24:12

Amu dimppa, Yawe Nug Moses amegppa aum. “Na qaukoppa bena, da gumuiɗna uɗin daappe, da ɗo men maha aɗit laappa yaami, ɗo amuam danab ah ulum madatte amu, geha da na men maha aɗit amu medakkul,” awa aum.

Lewitikas 19:3

Ag anen anen anilkad mamelkad dilagnu ena elele dooglagoitte. Amu dahil sabatnu ɗo da ag mattami amu, ag haen oh dabmettan, amu waappa daaglagoitte. Da am Yawe, ahilag Kayak.

Nehemaia 10:32

Maɗ anen anen ohppa laa ag Kayaknu mettid lag, amuppa maɗi ahilkad hekkulagnu elele daaglagnu, ig 4 gram silwa ɗo mak daatte bia mekkunig.

Esekiel 20:11

Ag ukkaeg, da dahil ɗo iɗu iɗu matten ippunadmi. Da amu heminu diig am, danab nug amu dim lamidtte ele, nug amuppa bau daakku; padal ii mema.