Nehemaia 8:9 - Nobonob Baibel

⁹ Esra nug nai amu ebqeeqe, danab, ah, nid daappig ele amu, ⌊ag ɗo nai doon, elele ii heppig anidna,⌋ ag oh gaappig. Ag gaappig amunu, Juda dilag gawana Nehemaia, mana mettak danab Esra, nug ele yaak danab amu, aria Lewi buɗubppan mana mettak danab iitta, ag danab ah nai amunu meu tutukku ippunadppig, ag ele, ag oh appig. “Imuam deɗ Yawe, ahilag Kayak, Nug amunu, nuhignu tituanak daatte anidtte. Ag aib mahippig, aib gaappig,” aon appig.

Nehemaia 8:9 Referans Kwoze

Nehemaia 7:70

Amu ag Kayaknu mettid lag eɗun hekkulagnu, Juda danab ah ag men doɗo keeke meppig. Amu Juda dilag gawana nug 8.5 kilogram gol, tappiɗ 50, mana mettak danab dilag lamen 530 en maknu oo, amuppa meum.

Nehemaia 7:65

Ag anam daappig amunu, Juda dilag gawana nug ag anam hamu daan, ag ee Kayaknu tituanaknab daatte ii lamananu aum. Ag uun, ii lappeg ukkeb ukkeb, mana mettak danab laa nug Urim, Tumim eleppan doyak aokku batak.

Duteronomi 12:12

Am ag Yawe, ahilag Kayak, ag Nug noobppa gamag ahak hekkulag. Ag, amu ag bekkalkad, aɗelkad, ahilkad maɗi nid maɗi ah ele, aria Lewi buɗub ag appalkadppa daatteb ele, ag oh oo gamag ahak hekkulag. Lewi buɗub ag ahilag wan laa ag aulag daakkunu ii mattak amunu, ag amu dilagnu ele dabmetteg!

Nehemaia 8:2

Ag anam appig amunu, kalam ebqak eblaih aɗit ele, kalam amunu deɗ digmakppa amu, mana mettak danab Esra nug ɗonu buk amu awa uɗia, danab, ah, nid ag nakok okkai mak, nai doon diig dooglagnu elele daappig, ag ele oh noolagppa hibaitta dayom.

Duteronomi 16:11

Haen amuppa ag Yawe, ahilag Kayak, ag Nug aben Nug onig aguppa daakkunu epeɗikku amu, amuppa ag Nug noobppa gamag ahak ele Ee Tatam Oɗue Digma Awaknu hobul hekkulag. Ag, amu ag baelkadppa ele, ahilkad maɗi nid maɗi ah ele, Lewi buɗub aab naunau ooppa ag ele oh daatteb, wan laihnu danab, ag oolagppa daatteb, nid ag mamelkad mauhppig, ah qab, ag oolagppa daatteb oh ele, ag hobul amu gamag ahak ele hekkulag.

Eklisiastis 3:4

Danab ag gaanna daaglagnu haen daatte; danab ag imanna daaglagnu haen ele daatte. Danab ag mahiglagnu haen daatte; danab ag ahi goɗaglagnu haen ele daatte.

Esra 2:63

Ag anam daaeg, Juda dilag gawana nug ag anam hamu daan, ag ee Kayaknu tituanaknab daatte ii lamananu aum. Ag uun, ii lappeg ukkeb ukkeb, mana mettak danab laa nug Urim, Tumim eleppan doyak aokku batak.

Duteronomi 12:7

Aben amuppa ag, amu ag baelkadppa ele, ag Yawe, ahilag Kayak, ag Nug noobppa hobul naɗi hekkulag. Ag hobul henana, ag Yawe, ahilag Kayak, ag ahilag uɗat heegeg, Nug itittak ena mattom, amunu ag ee, keeke elelenab ele daan oittebnu dabmena, ag gamag ahak okkainab dooglag.

Lewitikas 23:24

“Na Israel danab ah nai imu appe doyeg!” awa aum. ⌊Nug anam a amu, Moses nug inam ag amelagppa aum.⌋ “Kalam ebqak eblaih aɗit ele, kalam amunu deɗ digmakppa, ag hik aoglagnu daatte. Deɗ amuppa ag uɗat hekkulagnu ii daatte. Ag uɗin, Kayak noobppa qagmena dup nona Nug binag mekkulagnu daatte. Amuam Trampet Iwalaknu Hobul dayak haen aakku. Trampet huana iwaleb, ag qagmekkulag.

Rom 7:9

Anukka dahilppa ɗo ii dayeye, haen amuppa da bau daami. Amge dimppa Kayaknu ɗo dahilppa uɗie, hipunin dahilppa ele uɗie, da mauhmi.

Rom 3:20

Ɗo nai am danab oh dilag daatte, amge danab ohnab ag pehettak ii dim lamidtteb amunu, ɗo dim lamittak kobolppa danab laippu laa Kayak amegppa genab tutukku hak danab daakkunu elele iittanab. Aɗinu? Ɗo nai am ig hipunin ihinig uhuqa megakkunu keeke iitta. Ɗo nug he, eheɗ hak ihinig miag atitte aakkuib.

Malakai 2:13

Imuam keeke laa ag danab ah Judanu, ag hetteb. Yawe Nug ahilag mana mettaknu ii dabmette, Nug amunu ena doya ag eppelagppanu ii aotte amunu, ag gaanna, mahinna, ag Yawenu qaɗab amelag lebppa haut-tteb.

Hosea 4:6

Dahilad danab ah ag da ii dooiɗtteb amunu, laa ag heeg nauhtteb. Mana mettak danab ag, ag da dooiɗaknu uuppig amunu, gemu da ag, ag dahilad mana mettak danab daaglagnu geɗadttem. Ge, ag da, Kayak, ahilag Kayak, ag dahil ɗo nai ii dabmeppig amunu, da geha nid naunau ahilkad ii dabmadapa.

Nehemaia 12:26

Danab amu ag Jesua bekka Joiakim, nug Josadak alag, amu nug dayeye, Juda dilag gawana Nehemaia ele dayeye, mana mettak danab Esra, nug am yaak danab ele, nug ele dayeye, danab amu oh ag haen amuppa daanna, ag ahilag uɗat amu heppig.

Nehemaia 10:1

Laa nai qakkakppan pepappa ahilkad at stemp-ppa daappig ele meppig am inam: Hakalia bekka Nehemaia, nug Juda dilag gawana. Aria laa am Sedekaia,

Esra 7:11

Esra nug am mana mettak danab, nai yaak danab ele laa, ippunittak danab ele dayom. Nug Yawenu haknunab nai, ɗo iɗu iɗu ele, Israel ag doon dim lamidkkulagnu daappig amu, nug amu ohnu ippunittak okkai awa, doyak okkainab ele dayom. Nug anam daye, King Artekserksis nug pas laa nug mettom. Pas amuppa nai dayom am iikku.

2 Stori 35:3

Nug Lewi buɗubppan mana mettak danab iitta, ag Yawenu tituana mettak daan, Israel danab ah ippunittak madappig amu, nug ag amelagppa aum. “Yawenu Tituanak Nainu Kunup, nuhignu tituanak daatte amu, ag amu Yawenu mettid lag, Dawit bekka, Israel dilag King Solomon buuom, am appa meppig daatte. Gemu ag kunup amu ag gukkalkadppa ii maon oitteb. Anam amunu, ag Nug laugppa daana, ag Yawe, ahilag Kayak, ag Nug waappa daan, Nug oɗe dim lamidna, ag nuhikkud danab ah ele dabmattan, ehanatteg!

2 Stori 34:21

“Ag da oul, Israel danab ah, Juda danab ah ele, ag oɗo yaak danab ah daatteb amu, ag oulkad ele daanna, ag gona, buk imu laa anttom amu, ag buk imunu nainu Yawe oɗ medappeg, ig aɗi hekkunignu ab dooglag. Ig mamenkad aɗi ag Yawenu nai amu ii dim lamidppig, ag nai amu oh aɗi aɗi ippunigtte ii heppig amunu, Yawe Nug ihinignu oo nauhak okkai dootte,” awa aum.

2 Stori 34:19

Sapan nug ɗo nai amu ebqe, haen king nug ɗo nai amu doya, nug lamen elab nuhig aɗa pattiɗom.

2 Stori 30:22

Lewi buɗub ag Yawenu maɗi ahilag hekkulagnu diignu doyak tutukku ele oinna heppig amunu, Hesekaia nug ag ɠagattag aqom. Lewi buɗub amu ag deɗ eblaih aɗit ele aɗi ee mana mettakppanu aoglagnu daappig amu, ag ee amu aon lappig. Amu ag ele laippu dayaknu ofa Kayak mettan, ag Yawe, ag mamelkad aɗi dilag Kayak, ag Nug binag meppig.

2 Stori 15:3

Haen elab Israel ag Kayak genab ele ouqak ii daappig. Mana mettak danab laa Kayaknu ippu ag ippunadkkunu ii dayom. Ag Kayaknu ɗo ii dooppig.

2 King 22:19

‘Na dahil nai laa, nai amuppa uug naunab wan imuppa, wan imunu danab ah ele dilagppa bekkunu daatte, amuam uug beeb, wan imuam nauhakib dayeb, ippan danab ah ag eheɗ laa awaknu anak waappa daaglag, na nai amu doon, na uug doon, na nakka na da noolppa na onin qe ne, na nahip lamen elab pattiɗna, da noolppa amen leb neum amunu, da nahip unuqittak doomi.’ Yawe Nug anam atte.

2 King 22:11

Nug ebqeeqe, king nug Kayaknu Ɗo Nai Bukppa dayom amu doyaya, nug ooppa uugnab doya, nuhig lamen elab aɗa pattiɗom.

Duteronomi 26:14

Da mahiakppa dayeye amu, da obatak 10 ooppanu, obatak laippunu ee laa ii lami; da Kayak ele ouqa dayaknu elele iitta haenppa keeke laa ii lauɗidmi; mauhakppa iinab mei waum. Da na, Yawe, ihinig Kayak, da na oɗen dim lamitte, na keeke ohnu, haknunab anak nai ig mekkame amu, da hemi.

Jems 4:9

Ag eheɗ hak ahilag amu, ag amunu dabmenan, ag oolagppa guittak doon, huana gayeg! Ag danab ag imatteb ele, ag imak am uuna gayeg! Ag danab ag oolag gamag ahatte ele, ag oo gamag ahak amu uuna, ag oolagppa uug ele doyeg!