Nehemaia 8:15 - Nobonob Baibel

¹⁵ Ag amu anidna, Yawe Nug ag nai laa imu Israel danab ah dilag aab ohppa, Jerusalem appa ele inam meppeg gokkunu aum ele anidppig. Nai am inam. “Ag Israel danab ah oh, Pehppa Dayaknu Hobulppa daaglagnu haenppa ag ahan, aab dimittim qauko qaukoppa gona, appa ag olip ad ebekkud, olip dakkuɗ ebekkud, ad mirtel ebekkud, ad pam ebekkud, amu ad laala lokko ena ele eppelkad okkuladna, peh hekkulagnu aon uɗieg!” Kayak nai amu Moses bukppa yom amu, ag eɗun anidppig.

Nehemaia 8:15 Referans Kwoze

Lewitikas 23:40

Aria, hobul amu dayaknu haen, deɗ tatam amuppa amu, ag ad meu ena oppig ele amu aonna, ad pam eppeg okkuladnan, ad laala uɗug kuɗum ele eppeg matakkadnan, ad popla ele imuag peh maknu okkulatteg! Anam hewona, ag deɗ eblaih aɗit oh, Yawe, ahilag Kayak, ag Nug noobppa gamalag ahaɗ!

Duteronomi 16:16

Maɗ anen anenppa haen ewam ag Israel danab oh, ag Yawe, ahilag Kayak, ag aben Nug epeɗikkuppa Nug noobppa dup nona binag mekkulagnu, ag Nug amegppa uɗieg! Ag amu hobul gamag ahak ele ewamppa hekkulagoitte. Hobul dayak ewam amuam Bret Yis Iitta Lanaknu Hobul Nakok, Ee Tatam Oɗue Digma Awaknu Hobul, amu Pehppa Dayaknu Hobul ele. Ag Yawe, ahilag Kayak, ag Nug aben epeɗikku, amuppa haen anen anen amu ohppa Nug noobppa miag atiglag, ag ɗo hamu mettak Yawenu aon wakkulagoitte. Ag hamu aib goppig.

Lewitikas 23:4

Yawenu sabat am anam daatte. Aria, amu ele tuɗittak am hobul dayaknu haen epeɗiak daatteb. Haen amuam ele ag Yawe noobppa qagmena, dup nona, Nug binag mekkulagnu haen. Anam ha dayaknu amu, ag maɗ anen anen ohppa haen epeɗiak eleleppa, ⌊mana mettak danab ag appeg, ag⌋ hekkulag.

Revelesen 7:9

Imu oh dimppa da baula neekke, danab ah kuɗum kuɗumnab qagmena daaegeg anadmi. Aun laa nug danab ah amu oh ebaqakkunu elele? Iitta! Elele iitta! Danab ah amu ag wanppan wan ohppanu, huu ohppanu, beɗulag iɗu iɗu ohppanu amu nai ohppanu ele, ag Sipsip Nag amu Kayak, Nug sia king ⌊anuqak,⌋ appa daatte ele, ag aa noolahppa hippaidna daappig. Ag lamen elab hakkab takkaladna, ad pam ebekkud eppelagppa aɗualadna daappig.

Jon 12:13

Ag anam doona, ag ad pam eppeg uɗug ele qiialadna, Jesus uɗa tekkulagnu gona eppig. “Ig Kayak onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Naɗi Nug Israel dilag king itidkkunu oonig daatte!” aon appig.

Matyu 21:1

Aria ag gona, Jerusalem gukkuidna, ag aab Betpasi, Olipnu Qaukoppa dayom, ag aab amuppa tekkulagnu tenana, appa Jesus Nug ippunittak awak danab aɗit laa maate gokkulahnu a daaeheh,

Genesis 8:11

oiya oiya, tueb, haen nug eɗua uɗiaya, nug olip ad, nug ad amu uɗug nobohippa awa ele uɗie, Noa antta, le hiɗa noum amu, nug aakku doyom.

Sekaraia 1:8

Da Sekaraia, da tuqan tulegleg laa anidmi. Tulegleg amuppa, da danab laa anidmi. Hos nug attan daya oiyom ele amu, hos amuam kokoɗ. Amu danab amu nug ad mirtel kuɗum oolnu noak nakokppa daappig, nug ad amu oolagppa hibaitta dayom. Danab amunu hos dimugppa amu, hos laala ele daappig. Hos amu laala am kokoɗ, bedupped, hakkab ele. ⌊Amu hos anen anen ohppa danab laa attan ta dayom. Aria, ad mirtel amu oolagppa Yawenu engel ele dayeye anidmi.⌋