Nehemaia 7:2 - Nobonob Baibel

² da, da amal Hanani, amu danab laa Hanania ele, aa Jerusalem gumaglahnu otiatmi. Hanania nug aben aɗ ɠagattagnab ele, nug appanu daup dilag okkai dayom. Nug danab nug dabmak oiyak nuhig ele am tutukkuib. Nug Kayaknu ebehi oh bodoetta le mette. Danab kuɗum ag anam dootteb, amge nug okkainab dootte. Nug anam dayom amunu, da nug otimi.

Nehemaia 7:2 Referans Kwoze

Nehemaia 1:2

da awalag amalag oolagppan laa, Hanani, nug danab laala ele Judanu uɗippig. Ag uɗieg, da Juda danab ah Juda appa daatteb ele, ag attem attem daappignu, Jerusalem aab attem attem dayomnu ele oɗ mattami.

Matyu 25:21

Anam a amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Sam 101:6

Da danab ah ag Yawenu oo metta ii uuak kobol dim lamidtteb ele, da ag ele ihinig wanppa daagnignu ag atognoadkkul. Da heppi, laa ag Kayaknu neekkakppa oolagppa kaliak laa iitta ele amu, ag da gumiɗna daaglagnu elele daaglag.

Nehemaia 10:23

Hosea, Hanania, Hasup,

Nehemaia 2:8

Laa ele amu, danab onig Asap, nug appa adnu dad nahip gumam daatte, amu na pas laa nuhignu ele yaan meɗappe, da awe ukken ippunidppi, nug da aben aɗ ɠagattagnab ele Kayaknu mettid lagnu guguittak daatte, nug aɗ amunu od hekkulnu, da aab okkainu aɗnu od ele hekkulnu, amu da laul ele buukkulnu nug dad amuppanu ad okkai meɗakkunu oɗ medattem.” Da king anam oɗ mettami. Da anam oɗ mettai, Kayak, Nug enanag atognoiɗtte amu, Nug ehaniɗom amunu, king nug keeke oh da nug amunu oɗ mettami amu, nug keeke amu oh da meɗom.

1 King 18:3

King Ahap nug Obadaia gumitta uɗikkunu onigppa eum. Obadaia nug kingnu lag enanagnab gumak danab. Nug Yawenu ebehi oh bodoetta le meum.

2 Timoti 2:2

Am nai oh dahil, da danab ah kuɗum noolagppa mattiyi doome ele amu, na danab diilag ena ele, ag am oɗe dim lamittak danab, ag laa nai amu ippunadkkulagnu elele amu, na ag amelagppa madippe doyeg!

1 Korint 4:2

Aria, uɗat gumak danab nug nuhig okkai noobppa ena daakkunu, nug nuhig danab okkai uɗat aɗi aɗi hekkunu atte, nug uɗat amu hekkunu oo metta ii uuak kobolppa hekkuoitte.

Daniel 6:4

King nug anam maittak awe, danab okkainab aɗit laa, danab okkai 120 laa ele ag Daniel gumak uɗat nuhig haaha, eheɗ laa heeb anidna, king amegppa akkulagnu dabmeppig, amge ag meidna daaegeg, nug eheɗ laa ii heum amunu, ag nuhig eheɗ hak laa king amegppa akkulagnu laa iitta. Daniel nug nuhig uɗat elelenab haaha, kobol eheɗ laa nukka ehanidkkunu aɗi laa ii heum amunu, danab laa amu ag nuhigppa eheɗ laa anidkkulagnu elele iitta.

Job 1:1

Anukkanab danab laa onig Job nug Us wanppa dayom. Danab amu nug Kayaknu neekkakppa ooppa kaliak laa iitta ele. Nug genab tutukku hak danab. Nug Kayaknu ebehi oh bodoetta le me, nug eheɗ laa hekkunu uua autanab awom.

Nehemaia 13:13

Da mana mettak danab Selemia, yaak danab onig Sadok, Lewi buɗubppan mana mettak danab iitta onig Pedaia ele, oo amu gumadkkulagnu tituanatten, amu hekkulagnu maadmi. Da anam hewoya, da Sakur bekka Hanan nug ag ehanadkkunu ele tituanen memi. Sakur mameg am Matania. Da amu heminu diig am, laa ag danab amunu genab elele dooglagnu elele. Ag anam amunu, da uɗat amu hekkulagnu maatti, ag ee keeke ee bakkalenu maknu ooppanu aon, paniadppeg, Lewi buɗubppan mana mettak danab iitta, ag aoglagnu aakku daappig.

Nehemaia 5:15

Juda dilag gawana tatam daappig, da ahilag okkai ii bemi haenppa amu, okkai amu ag Juda danab ah uug okkai madappig. Ag deɗ anen anen 500 gram silwa, ee digdig, wain ele mattaglagnu aeg madappig. Okkai amu dilag ehanittak anuqak ele ag eheɗ heegeg, Juda danab ah ag ahilkad maɗi nid bia daappig. Laa da okkai ii daami haenppa okkai daappig amu, ag anam heppig, amge da Kayaknu ebehil oh bodoetta le meum amunu, da anam ii hemi.

1 King 18:12

Amge da na uuitte goppi, Yawenu Ouɗi Nug na awitta, aben laih da ii doottemppatai meitteb daappe, da ukken, Ahap amegppa appi, nug na maditta, ii anitta amu, geha da iweb mauhkkul. Amge da nid nakokppanu uɗie, gemu batak, haen amu oh da Yawenu ebehil oh bodoetta le meum.

2 Samuel 23:3

Israel dilag Kayak Nug da dookkulnu nai mattiom. Ao, Israel dilag kekeɗ nikkamanu ehanittak, Nug da amelppa nai laa imu aum. ‘Danab nug king dayaya, kobol genab tutukkuib dim lamittatta; nug dahilnu ebehi oh bodoetta le meeme, nuhikkud danab ah atognoadtte amu,

Namba 12:7

Amge Moses, dahil maɗi nid amu, nug dahilad danab ah oolagppa oo metta ii uuak kobol elelenab dim lamidtte amunu, da nug amegppa ib anamppa nai ii madittem.

Eksodas 18:21

Na anam hekkut, amge na inam ele hekkut. Na danab ah oolagppanu danab ag keeke haknu elelenab daatteb laala, ag Kayaknu ebehilag oh bodoetta le mette, laa ag danab amunu genab elele dooglagnu elele, danab amu ag men doɗo awaknu nai hambuppuak ii mattimna ele amu, na danab amubia otiadna heppe, ag laala danab ah 1,000 gumadna, ahilag okkai daappeppeg, laala 100, laala 50, am laala 10 anam gumadnana, ahilkad ehanittak anuqak danab daaglag.

Genesis 42:18

Amu deɗ ewamppa Josep amelagppa aum. “Da Kayaknu ebehil oh bodoetta le mette amunu, ag inam hena, ag bau, ena daaglag.

Matyu 24:45

Jesus Nug anam ana, Nug nai tuɗitta aum. “Maɗi nid laa doyak dabmak ena ele, nug oo metta ii uuak kobol haaha daatte amu, nuhig okkai nug maɗi nid amu nuhikkud maɗi nid laa gumattatta, haenppa ee madakkunu uɗat medakkunu elele.

Nehemaia 7:3

Da otiaten, da aa amelahppa ami. “Aa hepeɗ, danab ag buttuanab Jerusalemnu od aib matuladppig. Iitta. Uuppeg ukkeb, aam ba, gakkaɗak okkai bia dayeb ag matulatteg! Aam aam eeɗebeb, od gumak danab uɗat malaglagnu henana, ag od manadna, manak qaknu keeke ele qakkalatteg! Aa ele uug bemanu neekkak danab laala ag aɗ attan daappeg, laa ag laulkad guguittak ele daanna, uɗat amu hekkulagnu otiatteɗ!” ami.