Nehemaia 6:11 - Nobonob Baibel

¹¹ Semaia nug anam aum, amge da nug amegppa ami. “Danab da bia nug aha oolkku am enate? O laa nug da bia amu, nug laa ii qemanu, nug bau daakkunu nug oola, Kayaknu mettid lag, amuppa gokku am enate? Da appa ii gopa!” awe ami.

Nehemaia 6:11 Referans Kwoze

Aposel 21:13

Ig anam amut, amge Pol nug aum. “Ag aɗinu anam gaan, aakku da oolppa guittak okkai meɗatteb? Da Naɗi Jesus onig attan ta daakkunu Jerusalem appa maniguittakppa daakkulnu am elele doottem, amge amu aakkuib iitta. Da Jerusalem appa, Naɗi Jesus Nug onig attan ta daakkunu mauhkkulnu ele elele doottem,” awa aum.

Prowerb 28:1

Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

Pilipai 2:17

Ag Jesusnu oolagppa genab dootteb, diig amunu ag Kayak waappa daan, Nug oɗe dim lamidtteb. Anam amu, amuam ag doɗ manan Kayak medatteb bia. Aria, da am wain gokkaɗaknu ofa ahilag mana mettak amu qaɗeppa gokkaɗaknu bia daakkul dayeb amu, da maɗoɗppan gamag ahak doottem, amu da ag ele maɗoɗppan gamag ahak amu dooglagnu ool daatte.

Aposel 20:24

Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.

Sam 112:8

Nug ɠagattag daatte. Nug aɗi keeke laanu ii baɗama. Nug nuhikkud kekeɗ ag nena qeppeg, nug anadkku.

Sam 112:6

Aɗinu? Danab nug anam hette ele, nug keeke laa heeb, nug ii ottaia na qema. Ao, laa ag genab tutukku hak danab laa anam, ag nug hanhan dabmekkulag.

Hibru 11:27

Moses nug Kayaknu ooppa genab doyom amunu, nug Isip wan uua, aha ukkom. Nug Paronu oo nauhak amunu oo ii baɗom. Amu danab ag Kayak amelagppa anidkkulagnu elele iitta, amge Moses nug anttom bia daya, nug uug doyaya eɗittaknuib dabmak awak kobol dim lamitta dayom.

Pilipai 2:30

Aɗinu? Nug Kristusnu uɗatppa mauhkkunu miagnab dayom, amge nug bau daakkunu am anuqak dab-ii-meum. Iitta. Nug ag da ehaniɗkkulagnu elele iitta daaeg doya, nug amu elele medakkunu am anuqaknu dabmak okkai awa, uɗat amu heum.

Eklisiastis 10:1

Qabuttid ag leppu muttuɗig enanag eleppa mauhna beɗaegeg, uɗig otte; amubia danab nug kobol doyak dabmak ena ele, kobol binag ele dim lamat-tte, me deɗ laa nug Kayak dab-ii-maama hak kobol laa he, nuhig kobol aɗit laa aa honap nettep.

Nehemaia 6:9

Ihinkad kekeɗ ag anam heppignu diig am ag, “Ig hepput, Juda ag baɗan, uɗat ag hetteb amu ag uun, ii hena malamna,” anana, ag anam heppig. Ag amu heppig doomi, amunu da Kayak unuqidmi. “O Kayak, na da ɠagattag meɗakkutnu oɗ medattem,” awe unuqidmi.

Nehemaia 6:3

Aa anam dabmepiɗ amunu, da danab laala ag dahil nai nob aon gona, mataglagnu maatti goppig. Dahil nai aon goppig am inam. “Da imuppa uɗat naɗi hein daattem; da aa madipiɗppa nokkulnu elele iitta. Diig aɗinu da uɗat imu uuppi, hamu dayebeb, aa anatkkulnu gokkul? Am elele iitta.” Da nai amu appeg dooglahnu maatti goppig.

1 Samuel 19:5

Haen Dawit nug Goliat, Pilistia ted, nug ele ban heya, nug daakku, o nug mauhkku, nug amunu ii dabmeum. Iitta. Yawe ehanitte, nug ban ha, Pilistia amu qe mauhe, nug Israel aɗi oh ehanatte, ag ban naɗi amu eɗidppig. Dawit nug amu he, na nug anidna, na nuhignu gaman ahom. Nug am eheɗ laa ii heum amunu, na nug qeppe mauhkku amu, na nuhigppa hipunin hekkut. Am aɗinu na diig ena iittappa anam hekkut?” Jonatan nug Saul amegppa anam aum.

Aposel 8:1

Stiven menppa makkuɗeg mauhehe, Saul nug amunu oo ena dayom. Amu genab tutukku hak danab laala ag nug gaɗa aon gona boumna, mahiak okkai heppig. Aria, haen amuppa Juda dilag okkai ag ahan digmena, Kristen tamaniak Jerusalem dayom amu heeg nauha auta awom amunu, Kristen ag ahan, matatun gona, Judanu wan atu, Samarianu wan atu eleppa daappig. Kristen ag ahan goppig, amge totol danab 12 ag Jerusalem ii uuppig; ag daappig.

Aisaia 10:18

⌊Asiria dilag daup ag am⌋ atuppa, ad huanaknab daatteb, o ad meu otteb dadppa eppak kuɗumnab daatteb, ⌊ag amubia daatteb, amge⌋ Yawe heeb, ag iitta mekkulag. Ag danab nug oɗe nau awa, ebehi teete ukke mauhtte, ag amubia iitta mekkulag.

Nehemaia 6:12

Amu da dabmei ukke, da aakku doomi, Kayak Nug nai amu Semaia ii mettom. Iitta. Tobia, Sanbalat ele aa heyaya, men doɗo medapiɗ amunu, nug nai amu mattiom doomi.

Namba 3:10

Aron, nug bekkod ele amu, ag mana mettak danab daaglagnu otiatte! Ag aakkuib amu hekkulagnu daatteb. Danab laa nug amu heeb amu, ag qeppeg mauhkkuoitte,” awa aum.