Nehemaia 5:15 - Nobonob Baibel

¹⁵ Juda dilag gawana tatam daappig, da ahilag okkai ii bemi haenppa amu, okkai amu ag Juda danab ah uug okkai madappig. Ag deɗ anen anen 500 gram silwa, ee digdig, wain ele mattaglagnu aeg madappig. Okkai amu dilag ehanittak anuqak ele ag eheɗ heegeg, Juda danab ah ag ahilkad maɗi nid bia daappig. Laa da okkai ii daami haenppa okkai daappig amu, ag anam heppig, amge da Kayaknu ebehil oh bodoetta le meum amunu, da anam ii hemi.

Nehemaia 5:15 Referans Kwoze

Nehemaia 5:9

Ag anam oɗelag qamutna, nai iitta daaegeg, da tuɗitten ami. “Ag hetteb ele amu, ag amuppa kobol genab tutukku ii hetteb. Ag ihinig kekeɗ, ag am iitta aɗi amu, ag anigna, aon aon iqaglagnu ib laa ii anidmananu, ag Kayaknu ebehilag oh bodoetta le meeb, oɗe dim lamidlob am ena.

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

Prowerb 16:6

Danab nug hipuninnu oo mauhaknab kobolppa, oo metta ii uuak kobolppa ele eheɗ haknu nob nau iitta mekkunu he elele medatte. Amu danab nug Yawenu ebehi oh bodoetta le mette doya amu, nug eheɗ ii hema.

2 Korint 11:9

Anukka, haen da ag ele oh daata, da keeke laanu tutu dayeye, da ag oolagppanu danab laa amunu uug ii mettami. Iitta. Da lailad aɗi ag Makedonianu ahan gona, Korint tena, da aɗi keeke laalanu tutu memi amu ag meɗappig amunu, da ag Korint danab ag uug nakok laa ii mattami; geha ele da anamib hekkulnu dabmettem.

Matyu 5:47

Ag lailkadib humadnana, ag danab laala kobol aɗippa ag eɗadtteb? Iitta aɗi danab ag ele amu iite hetteb?

Job 31:23

Amge da eheɗ amu ii hemi. Aɗinu? Da Kayak heiɗeb nauhpanu baɗami. Ao, Kayak Nug dagom onig ɠagattag ele amunu, da keeke amu hekkulnu elele iittanab doomi.

2 Korint 12:13

Da Kristen tamaniak laappa kobol laa hettem, anamib aakku ahilagppa ele hettem. Laippuib amu da ahilagppa ii hemi. Amuam da uug madette, ahilagppa ehanittak laa ii aomi. Gadon ag dahil hak nau amu uhuqna meɗeg!

Prowerb 29:12

Gumak danab laa nug hambuppuak danab dilag nai dootte dayeb amu, nuhig ehanittak anuqak danab oh ele ag aakku nau hak danab bena daaglag.

Sam 147:11

Yawe Nug hosnu ɠagattag, o danabnu ɠagattag, Nug amunu gamag ahak ii dootte. Iitta. Nug laa ag nuhignu ebehilag oh bodoetta le mette ele, Nug amu dilagnu enanagnab dootte. Ao, laa ag Nug ahilagnu oo mauhaknab dootteb, ag nuhig kobol dabmenan daanna, ag amuppa ehanittak aon, gogppa tekkulagnu ameg metteb ele amu, Nug amu dilagnu enanagnab dootte.

Sam 112:1

Ag Yawe binag meig! Danab nug Yawenu ebehi oh bodoetta le mette, nug itittak ena awom daatte. Ao, danab amu nug Yawenu ɗo ohnu enanagnab doyaya oitte ele, amu nug itittak ena awom daatte.

1 Samuel 8:15

Nug heeb, ag ahilag ee aeg ohnu obatak eblaih tanig ele ooppanu obatak laippu king mettaglag; ag ahilag grep meu ele anamib hekkulag. Nug awa, nuhikkud ehanittak anuqak danab, maɗi nid laala ele madakku.

Genesis 20:11

Nug anam a amu, Abraham nug Abimelek oɗeppa awa aum. “Da dakka da nai inam oolppa mattimi. ‘Aben imuppanu danab ag Kayaknu ebehilag oh bodoetta le mak ii dootteb amunu, ag Sarah aoglagnu hena, da iuppeg mauhkkul.’

Genesis 42:18

Amu deɗ ewamppa Josep amelagppa aum. “Da Kayaknu ebehil oh bodoetta le mette amunu, ag inam hena, ag bau, ena daaglag.

Nehemaia 5:16

Da kobol nau amu ii hemi. Iitta. Da aɗ eɗue bappaidkkulnu anuqak doyen hein, da wan ahilag laa daden mekkulnu ii hemi. Laa da ele uɗat hemut ele, ag ele anamib heppig.

Jeremaia 32:9

da wan maha amu daden mein, da amal Hanamel eppegppanu aomi. Wan amuam Anatot guguittak daatte. Da 200 gram silwa awen, wan amu daden mekkulnu Hanamel mettami.

Gayak Nai 5:8

Danab anukka laa dilag begbeg maɗi nid daappig amu, gemu ag ihinig okkai danab daan, ag ig gumigtteb; laa nug ehanikkeb, ig laa gumigtteb ele eppelagppanu ahat, ag eppelagppa ii daamtanu ii daatte.