Nehemaia 5:13 - Nobonob Baibel13 Ag amu hena malaeg, da lamen elab dahil aɗe uɗale, da ami. “Da lamen aɗe uɗali, aɗi keeke lamenppa daatte gotte, amubia ag anuqak danab oh, ag nai Kayak onigppa ɠagattag qedappig, ag amu ii dim lamidkkulag dayeb, Kayak Nug ahilagppa da hettem bia ahilagppa heeb, ag keeke iitta ele daaglagnu ool daatte. Ge, danab aun nug nuhig nai amu ii dim lamidkku amu, nuhigppa anam baɗ!” awe ami. Da anam ai, danab oh daappig ele, amu oh ag, “Genab, anam dayaɗ!” anana, ag Yawe binag meppig. Anam amunu, anuqak danab, Juda dilag ehanittak anuqak danab ele, ag appig bia heppig. Gade chapit la |
King nug nai amu ebqewowa, nug Yawenu mettid lag, amuppa biidod daugppa, nug aguppa, Yawe noobppa daye, nug nug tituana nai qakkak amu dim lamidkkunu nai baula qakkom. Nug nai amu qagakka, nug Yawe dim lamittatta, Yawenu haknunab anak, nuhig ɗo iɗu iɗu oh ele nug meu ohppa, oo ohppa ele dim lamitta, nug nug tituana nai qakkak bukppa nai aɗi aɗi dayom amu, nug nai amu ele dim lamidkkunu Yawe amegppa aum. Nug amu hekkunu amu, nug aɗi aɗi nai buk itoɗiak amuppa dayom ele, nug amu oh dim lamidkkunu aum. Nug anam he, dimppa danab ah oh ag ele nug tituana nai qakkak amu dim lamidkkulagnu appig.
Yo, le ninig imu, am he, ah nug eheɗ laa awaknu anak waappa daatte amu, na ootppa noa heeb, na oot titiɗeb, tuɗin laih laih ebehi teeb, na ah mattoi, meunuak laa iitta oikkut.’ Mana mettak danab nug anam awowa, nug heeb, ah nug Yawe onigppa nuhig nai ɠagattag qetta, nug, ‘Genab, anam dayaɗ!’ awa akku.