Nehemaia 4:7 - Nobonob Baibel

⁷ Ig anam heut, Sanbalat, Tobia, nug Arebia danab, Amon danab, aab Asdot danab ele, ag ig Jerusalemnu aɗnu anam heutut, aɗ attan teete, aɗ giɗo am ele heut qelakkak daaglagnu hemut ele doon, ag oolag huana nauhom.

Nehemaia 4:7 Referans Kwoze

Nehemaia 4:1

Aria, ig uɗat amu heutut, Sanbalat nug ig aɗ anam eɗut babaittutut doya, nug oo aeg huan be, oo nauhe, nug ig Juda awa awa iqom.

Nehemaia 2:10

Da ippuanatti, kingnu ehanittak anuqak danab aɗit laa, aa am aab nakok Horon danab Sanbalat, Amon wanppanu ehanittak anuqak danab Tobia ele, aa laa nug Israel danab ehanadkkunu uɗiom doopiɗ amu, aa oolah am ena iittanab iitta.

Revelesen 12:17

Anam daye amu, mat naɗinab nug oppoɗi huana be, danab ah ag Kayaknu ɗo dim lamidnana, nuhignu nai mehuqnana, Jesus dim lamidtteb ele amu, mat naɗinab nug ag ele ban hekkulagnu ukkom.

Aposel 5:33

Ag nai amu aeg doonna, ag oppoɗilag be amelag kokoɗ eppe, totol danab 12 aqappeg mauhkkulagnu appig.

Amos 1:13

Yawe Nug inam atte. “Amon danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag wan tuɗidna aoglagnu ag Gileatnu ah oolkad ele qep elabppa oolkad oppatattegeg nauhppig.

Jeremaia 25:20

Da Isip danab ah lakkulagnu anam matte, danab ah atu laihnu uɗin, Isip wanppa daatteb ele, da ag ele lakkulagnu mattami. Amu dimppa da Us dilag king, Pilistia dilag king anen anen ele mattami. Pilistia dilag king amuam Askelonnu, Gasanu, Ekronnu, amu danab ah Asdot appanu ii mauhppig daatteb, amu dilag ele.

Amos 1:8

Da heppi, Pilistia dilag king laa Asdot appanu amu, nug nauheb; Pilistia dilag king laa Askelon appanu amu, nug ele nauheb; amu Pilistia dilag king Ekron appanu amu, nug ele nauhkku. Da eheɗ hadappi ukkeb ukkeb, Pilistia danab ohnab ag mauhadna malaglag.” Naɗi Yawe Nug anam awa atte.

Nehemaia 2:19

Ig anam bappaidmut, amge haen Horon ted Sanbalat, Amon dilag ehanittak anuqak danab Tobia, Arebia ted Gesem ele ag amunu nai doon, ag aon aon iqan, ig amenigppa inam appig. “Ag Juda ag attem hetteb? Ag king waappa daaglagnu uun, nuhig nai tabappeg nekkunu hettebte?” aon appig.

Esra 5:8

Amu ig ihinig dabmak imu na king, na imu dookkutnu am ena, anam dabmettem. Ig ahat, Juda atuppa gota, ig Kayak Attannab, nuhig mettid lag hettebppa temut. Juda danab ag gemu lag amu men okkai okkaippa henana, ag ad okkai ele gililppa metteb. Ag uɗat amunu yagbak doon hetteb; bodoettak iitta hetteb. Ag uɗat amu heegeg, elelenab gotte.

2 Stori 20:1

Aria, amu dimppa amu Moap danab, Amon danab, Meun danab laala ele ag ahan, Jehosapat ele ban hekkulagnu uɗippig.

2 King 24:2

Haen amuppa Yawe Nug danab ag ban hena, danab aqadna, ahilkad keeke aotteb amu, Nug danab amu Babilonnu, Aramnu, Moapnu, amu Amonnu ele, ag Jehoiakim ele ban hena, Juda wan heppeg nauhkkunu maatte goppig. Yawe Nug nuhikkud maɗi nid propet oɗelagppa mehuqom amu, am anamnab beum.

1 Samuel 11:2

Jabes danab ag Nahas amegppa anam appig, amge Nahas, Amon ted, nug aum. “Am ena, da ag ele nug tituanta nai qakkagnig, amge Israel danab ah oh ag uɗalag eheɗ naunab nekkunu tatam da ag Jabes daatteb, da ag oh amelag naɗiap otuladppi nauhppeg, da ag ele nug tituankkunig,” awa aum.

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

Amos 3:9

Laa nug Pilistia dilag danab okkai, am Isip dilag danab okkai ele, nug amu oh amelagppa inam ab doyeg! “Ag ahan uɗin, qauko Samaria guguittak daattebppa qagmen daan, ag Israel danab ah ag maɗoɗ iinab daan, ag akka akka, ag laa eheɗ hadatteb ele antteg!” Laa nug anam ab doyeg!

Nehemaia 4:6

Ag anam appig, amge Juda danab ag uɗat amu hekkulagnu meulag oh medappig amunu, ag wagai meegeg, aɗ amu oh attan taata, gamagppa teum.

Nehemaia 4:8

Ag oolag huana nauhe, ag qagmena, ag banenig uɗin heppeg, ig danab ah Jerusalem daattem ele ootot daagnignu maittak aoppig.

Nehemaia 6:16

Ihinig Kayak ehanikke, ig aɗnu uɗat heut, gogppa teum. Kayak he, gogppa teum amunu, ihinkad kekeɗ, ag wanppan wan laala Juda wan talilidna daatteb, appan danab ah amu, ag amu doon, ag baɗan, akka ahilagnu elele iitta dooppig.

Jeremaia 41:10

Nebusaradan, nug daup Nebukatnesar gumappig dilag okkai amu, nug Judanu king aɗekkud, danab ah laala ele Mispa appa uuatta, Ahikam bekka Gedalaia nug ahilag okkai daakkunu he ukke, ag aakku daappig. Ag daappig, amge Netania bekka Ismael nug Gedalaia aɗi aqe mauheg, nug laala ele oh aɗalatta diia, Jodan le mataɗa, Amon wanppa gokkunu ukkom.