Amge ag amunu aib ottaippig. Kayak Nug kobol laala, wan danab ag amunu, “Dabmak tutukku iittappan kobol,” aon atteb ele amu, Nug wanppan doyak dabmak ena ele danab uɗalag nekkunu, kobol amu tituanattom. Amu keeke wan danab ag amunu, “Keeke ɠagattag iitta,” atteb ele amu, Kayak Nug wanppan danab ɠagattag ele amu, ag uɗalag nekkunu keeke amu tituanattom.
Nehemaia 4:2 - Nobonob Baibel2 Nug awa awa iqaaqa, nug laikkud amelagppa, Samaria dilag daup ele amelagppa aum. “Juda danab imu, ebehilag iitta ele, ag attem dabmena hetteb? Ag eɗun, aɗ hekkulagte? Ag eɗun, doɗ manadna, ahilag Kayak mettaglagte? Ag uɗat dabmetteb ele am paha malaglagte? Ag men kekeɗ loppaɗeg nena, aab ewakppa nauhppig, kinipan ameg okkai hume tak niitteb amu, ag amu eɗun aon, keeke laa hekkulagte?” awa aum. Gade chapit la |
Nehemaia 4:2
17 Referans Kwoze
Yawe Nug Jerusalem danab ehanatteb, kekeɗ eɗaɗkkulag, deɗ amuppa amu Nug aun aɗi Jerusalem daatteb, Nug amu dilag guppiɗ daakku. Nug ehanatteb, aun laa nug ɠagattag iittanab ele ag oolagppa daatteb, ag ɠagattag ahilag am Dawitnu bia oiglag. Amu Dawit buɗub ag Jerusalem danab ah gumadkkulag. Ahilag gumak, amuam tatam Yawenu engel laa ag omalatta gumattom, ag amubia gumadkkulag; Kayak gumadtte bia daakku.
O Yawe, da na onin, binan okkai elenu nai doomi. Ao, O Yawe, nahip haknu amu, da dabmein, da ebehil oh bodoetta le mette. Da na nahip hak okkai baula gemu hekkutnu oɗ medattem. Ao, na ihinig haenppa nahip ɠagattag hak baula ippunigkkutnu oɗ medattem. O Yawe, na ihinignu oppoɗin beum daatte, amge na oppoɗin anam dayeye, na oo gai-iitta doya oo metta ehanittak kobol ele dabmekkutnu oɗ medattem.
Aria Nehemaia, Juda laa ele ag uɗat amu heppig ele amu, ag Jerusalem aabnu aɗ hena malona, ag Kayaknu daakkunu tituanna, Nug mettaglagnu mettid hekkulagnu dabmena, ag Lewi buɗub laala adeppa adeppa daappigppa, ag nai meeg ukke, ag Jerusalem uɗin, ag gamag ahak doon, ag Kayak amegppa, “Ena hen mekkame,” anana, ag musik haknu keeke digdig, amuam simbal, harp, laia ele, ag amu henana, aɗ amu Kayaknu tituana mettak daakkunu Nug mettaglagnu mettid hekkulagnu nai dooppig. Ag nai amu doon, ag aakku uɗippig.
“Hesekaia nug ig Juda, ihinig king dayeye, propet onig Maika, Moreset ted, nug dimppa aɗi bekkunu nai mattia, nug Juda danab ah amelagppa inam aum. ‘Yawe Nukka Ɠagattag Oh Ele, Nug inam atte. “Kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak daakku. Anam amu, dahil mettid lag, nuhig tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.” Yawe Nug anam atte,’ awa aum.
“Jeremaia, na wan laappan danab ag, ‘Yawe Nug Israel danab ah, Juda danab ah ele, Nug ag nuhikkud daaglagnu tituanattom amu, Nug ag geɗatom,’ atteb ele amu, na amu iite doome? Ag amu atteb amunu, ag dahilad danab ah dilagnu ena iinab doon, ag danab ah dahilad dilagnu, ag wan imuppan wan laala oolagppan wan laanu danab ah ii dabmetteb.
Amu danab nug keeke digmette amu, digmakppa laa ag keeke am nakokib anidtteb, amge ag keeke nakok imunu ena iinab doyak aib dooppig. Aɗinu? Danab ag mettid lag imu haknu plam lain Serubabel eppegppa dayebeb anidna, ag gamag ahak dooglag. Amu lam eblaih aɗit ele amu ag Yawe, Nug ameg eblaih aɗit ele, amuppa Nug keeke oh anidtte amu, lam amu ag amu ippunadtte,” awa anam meɗom.
Daniel, na keeke doon, diignu doyak tutukku aɗe! King laa nug Juda, Israel ele ag gona, Jerusalem eɗun bappaidkkulagnu ɗo laa meeb, haen amuppa digmeeb ukkeb, laa king daakkunu goɗen gokkaɗakppa tituanak ele, nug nuhig gumak abenppa tekku amu, amuam haen maha 7, amu haen maha 62 laa ele; oh am 69 aakku. Ag Jerusalem eɗun bappaidnana, ag aab ooppan ib hena, ag aab dimittim daug daug ohppa, kekeɗ ag talilidna, aab ooppa gomananu le moɗ ele buuglag. Ag haen uug eleppa aab okkai amu eɗun bappaidnana, amu hekkulag; uug haenppa ii helob bia, amge ag anam hekkulag.
Piblisite