Nehemaia 2:8 - Nobonob Baibel

⁸ Laa ele amu, danab onig Asap, nug appa adnu dad nahip gumam daatte, amu na pas laa nuhignu ele yaan meɗappe, da awe ukken ippunidppi, nug da aben aɗ ɠagattagnab ele Kayaknu mettid lagnu guguittak daatte, nug aɗ amunu od hekkulnu, da aab okkainu aɗnu od ele hekkulnu, amu da laul ele buukkulnu nug dad amuppanu ad okkai meɗakkunu oɗ medattem.” Da king anam oɗ mettami. Da anam oɗ mettai, Kayak, Nug enanag atognoiɗtte amu, Nug ehaniɗom amunu, king nug keeke oh da nug amunu oɗ mettami amu, nug keeke amu oh da meɗom.

Nehemaia 2:8 Referans Kwoze

Esra 7:6

Matu anak amuib, Esra amu, nug am nai yaak danab, nug Babilon appanu uɗia, Jerusalem beum. Nug am ippunittak danab laa, nug Mosesnu ɗo nainu sul okkai ha malom. Yawe, Israel dilag Kayak, Nug ɗo amu Israel danab ah mattom. Kayak Nug Esra ehanittom amunu, Esra nug keeke laa oh amunu king oɗ mettom ele, king nug nug mettom.

Aisaia 66:14

Yawe Nug ahilagnu keeke oh hekku amu, ag anidna, ag oolag gamag eheɗnab ahakku. Ag am enanag, gikkiɗah ena bia, daaglag. Danab ag amu anidna inam dooglag; Yawe Nug laa ag Nug dim lamidtteb ele, ag am nuhikkud maɗi nid maɗi ah amu, Nug ag ehanadtte, amge Nug kekeɗ nuhikkud dilag amu oppoɗi bette.

Nehemaia 7:2

da, da amal Hanani, amu danab laa Hanania ele, aa Jerusalem gumaglahnu otiatmi. Hanania nug aben aɗ ɠagattagnab ele, nug appanu daup dilag okkai dayom. Nug danab nug dabmak oiyak nuhig ele am tutukkuib. Nug Kayaknu ebehi oh bodoetta le mette. Danab kuɗum ag anam dootteb, amge nug okkainab dootte. Nug anam dayom amunu, da nug otimi.

Daniel 1:9

Amu Kayak Nug matu he, danab okkai amu nug Danielnu oo ena daye, nug Danielnu oo ele doyom,

Esra 5:5

⌊Uug Juda dilagppa bekkunu elele dayom,⌋ amge Kayak, Juda dilag Kayak, Nug Juda dilag ikki danab amu ehanatte, Tatenai aɗi ag paha Juda ag uɗat amu uuglagnu ii heppig. Iitta. Ag Juda hettebnu nai amu meppeg ukkeb, Darius antta mala, nai eɗua meeb uɗieb, aɗi ab doon, ag nai amu dim lamidkkulagnu heppig. Darius nug ag heppeg, Juda ag uɗat amu uuglagnu nai meeb uɗikku dayeb amu, haen amuppa ag amu hekkulagnu dabmeppig.

Genesis 32:28

A amu, danab amu nug aum. “Na onin baula Jakop iitta; na onin Israel daakku. Aɗinu? Na Kayak, danab ele nug wagai mak hena, wagai maknu ii uume.”

2 Korint 8:16

Aria, da am Kayak amegppa, “Ena heme,” attem. Aɗinu? Nug Taitus ehanitte, nuhig dabmak, dahil bia, laippu awa, nug ele ag ehanadkkunu oo huan daatte.

Aposel 26:22

Amge Kayak Nug da ehaniɗe uɗie, gemu ele ehaniɗtte amunu, da gemu iikku hibaitten dayeye, danab okkai aɗi amu danab okkai iitta ele amelagppa nai imu madittem. Da nai laa ii madittem. Iitta. Propet aɗi, Moses ele ag aɗi bekkunu appig amu, da amu aakkuib madittem.

Aposel 7:10

Josep nug uug digdigppa dayeye, Kayak Nug amu ohppa ehanitte qagaiettakppa ii dayom. Amuam Kayak Nug doyak dabmak ena ele Josep mette, Paro, Isip dilag king, nug Josepnu oo daye, awa me Isip dilag gabman anuqak dayaya, king laugppanu keeke oh gumama, nug kingib waappa dayom.

Prowerb 21:1

King nug Yawe eppegppa daatte, amuam lenag bia. Ao, Nug le ippu adeppa gokkunu he, le gotte bia, Nug kingnu dabmak attem bekkunu he bette.

Esra 7:9

Nug maɗ amunu kalam digmaknu deɗ digmakppa Babilonnu ahom. Nug ahe, Kayak, nuhig Kayak, Nug ehanittom amunu, nug uɗia uɗia, nug maɗ amuppaib kalam ebqak tanig ele, kalam amunu, deɗ digmakppa Jerusalem teum.

Esra 6:22

Yawe Nug gamag ahak naɗi mattom amunu, ag deɗ eblaih aɗit ele Bret Yis Iitta Lanaknu Hobul Nakok lanan, gamag ahak dooppig. Yawe Nug he, Asiria dilag king nug ahilagnu ena doya ehanatte, ag Kayak, Israel dilag Kayak, ag Nug laug buuglagnu elele daan heppig amunu, ag gamag ahak dooppig.

Eklisiastis 2:5

Da ad meu ottebnu dad, hik awa dayaknu aben enanag ele bappalatten, da appa ad digdig meulkad okkulagnu eppaladmi.

Eklisiastis 2:6

Da amu hein, da le gottu dayebeb, ad kuɗumnab le mattaknu wan moɗ anam ele buumi.

Esra 6:8

Laa amu, da geha iikku ɗo laa imu ele mettem. Ag danab okkai le Yupretis heqo laih appa dahil ehanittak daatteb, ag appan danab ah dilagppa takis aotteb amu, ag men doɗo aotteb amuppanu, ag men doɗo elele aon, Juda dilag ikki danab ag Kayak laug amu buuglagnu matteg! Uɗat amu uuppeg daamanu, ag anam heig!