Nehemaia 13:7 - Nobonob Baibel

⁷ nug “Yo” a, da aakku eɗue Jerusalem uɗimi. Da eɗue uɗien daaiyi, laa ag Eliasip eheɗ heumnu aeg doomi. Ag Eliasip nug Kayak laug, amuppa oo laa Tobia mettom aeg doomi.

Nehemaia 13:7 Referans Kwoze

Nehemaia 13:5

Anam amunu, nug Tobia nug aguppa daakkunu Kayaknu mettid lag, amuppa oo okkai laa mettom. Tatam ag oo amuppa ee aeg main, Kayak mettaglagnu, kalu danab ile muttuɗig enanag bette, Kayaknu mettid lakkanu uɗat haknu keeke laala, ee aeg, wain bau, goɗen elenu obatak eblaih tanig ele ooppanu obatak laippu ele aguppa meppig. Obatak laippu amu, keeke amuam Lewi buɗubppan mana mettak danab iitta dilagnu, ahiettak danab dilagnu, od gumak dilag ele daye, aria maha am ele mana mettak danab dilag dayom, amge gemu Tobia nug aguppa daakkunu dayom.

1 Korint 1:11

O lailad, Kloe baekkudppanu laa ag da amelppa, ag oolagppa nug mehqak laala beeg daatteb, ag amunu aeg doomi.

Gayak Nai 1:10

Kekeɗ ag uɗin, Juda dilag en aon goppig; wanppan wan laala, amuppan danab ag Kayak ii dim lamidtteb ele, ag Yawenu mettid lag ooppa ukkaegeg, Juda danab ah ag amelagppa anadppig. O Kayak, na danab amunu ag na lautppa wana nokkulagnu aib ame; amge ag wana noppig.

Nehemaia 13:1

Amu deɗ ag buk Moses yom ebqeppig amu, ag ebqeegeg, danab ah dooppig. Ag anam ebqeeg doon, ag Amon danab, o Moap danab laa nug, nug buɗub ele ag hanhan Kayaknu danab ah, Israel tamaniak, nug ag ele laippu Kayak laugppa qagmen daaglagnu elele iitta nai dooppig.

Esra 9:1

Amu dimppa Israel dilag ikki laa ag uɗin, da, Esra, ag da amelppa appig. “Danab ag gemu ig miag taliligna daatteb ag, ag kobol nau digdig, Kayak Nug kobol amunu ooppa uuaknab dootte amu, ag kobol amu hetteb. Ag Kanan danab, Hit danab, Peres danab, Jebus danab, Amon danab, Moap danab, Isip danab, Amo danab ele dilag kobol nau dim lamidna heegeg, Israel danab ah ag danab ah amu ele ouqak ii daamnanu ag akka ag awaidna ii daan, ag ele kobol nau hetteb. Israel danab ah, Lewi buɗubppan mana mettak danab, Lewi buɗubppan mana mettak danab iitta ele, ag amu hetteb.

1 Stori 3:24

Elioenai bekkod am Hodawia, Eliasip, Pelaia, Akup, Johanan, Delaia, Anani ele. Ahilag ebqak am eblaih aɗit ele.