Nehemaia 13:21 - Nobonob Baibel

²¹ Ag anam niippig, amge da ag amelagppa nau aomnanu inam ami. “Aɗinu ag aɗ dimittim niitteb? Ag baula anam hekkulag dayeb amu, da heppi, laa uɗat amu hetteb ele ag uɗin aɗualadkkulag,” ami. Da anam ai, ag baula Sabat deɗppa ii uɗippig.

Nehemaia 13:21 Referans Kwoze

1 Pita 2:14

aria ikki danab, king nug maatte, ag eheɗ hak danab nob nau mattana, danab ag kobol ena hetteb ele binalag mekkulagnu daatteb.

Esra 7:26

Auntai laa nug Kayaknu ɗo ii dim lamidtte, da, king, dahil ɗo ele ii dim lamidtte amu, epeɗiak danab ag amu anidna, ag bu mettaglag. Ag nug qeppeg mauhkkutai, o ag nug lamidppeg, wan laappa ukka daakkutai, o ag nuhig keeke oh da, king, dahil daakkunu aɗaglagtai, o ag nug maniguittakppa inaglagtai. Ag ib amu laa epiɗin dim lamidna, danab Kayaknu ɗo, da king, dahil ɗo ele ii dim lamidtte amu, ag nuhigppa anam heig!” King Artekserksis nug pas laa anam ya, Esra mettom.

Nehemaia 13:15

Amu haen amuppa ele amu, da danab laala ag Juda wanppa Sabat deɗppa grep meu, leppu aoglagnu tappaegeg anatte, laa ag ee aeg dad okkaippanu aon uɗin, ee aeg amu, wain doɗ gaɗappa inak, muɗi grepnu meu, ad fig meu, ad meu laala kuɗum ele donki attan mena, ag keeke amu oh aon uɗin, Jerusalem uɗippig ele anadmi. Ag anam heegeg anatten, da baula Sabat deɗppa danab ah ee daden mekkulagnu aon uɗin, dadennu memananu ag amelagppa ami.

Nehemaia 13:20

⌊Da anam hei,⌋ danab laa keeke nuhig Sabat deɗppa awa, aab ooppa dokkunu elele iitta amunu, haen laippu, o haen aɗit danab laala, ag keeke laihnu awa dadennu mak danab, ag ahilkad keeke, daden mekkulagnu aon uɗippig, amge ag uɗieg, ib keldoak daye, ag Jerusalemnu aɗ dimittim tuqan hamu niippig.

Nehemaia 10:32

Maɗ anen anen ohppa laa ag Kayaknu mettid lag, amuppa maɗi ahilkad hekkulagnu elele daaglagnu, ig 4 gram silwa ɗo mak daatte bia mekkunig.