Nehemaia 12:39 - Nobonob Baibel

³⁹ ig od laa onig Epraimnu Od qe-eɗidta gota, od onig Jasernanu Od qe-eɗidta gota gota, od laa onig Kakainu Od qe-eɗidta gota, ig lag attan ta ukkak menppa hak aɗit laa, laa onig Hananelnu Lag, laa onig am Danab 100 Dilag Lag, ig lag aɗit amu eɗata, ig od laa onig Sipsipnu Od, ig amuppa wata, od laa onig Aab Gumak Danab Dilag Od, ig amuppa batamut.

Nehemaia 12:39 Referans Kwoze

Nehemaia 3:1

⌊Danab imu ag am Jerusalemnu aɗ, aɗnu od ele heppig.⌋ Mana mettak ikki danab Eliasip, mana mettak danab laa ele ag od onig Sipsip Od tatam eɗun babaittona, ag od okkainu od naunau ele bappaidna aihadna, Kayaknu tituanna mettona, ag aɗ appanu digmena eɗun babaittegeg ukke, lag attan ta ukkak menppa hak onig Danab 100 Dilag Lag, amuppa batappig. Ag aɗ laih amuppa malona, ag Kayaknu tituanna mettona, ag tuɗidna, appanu ag aɗ eɗun babaittegeg ukke, lag attan ta ukkak menppa hak onig Hananelnu Lag batappig.

Nehemaia 8:16

Yawe anukka Moses anam ippunitte ye anidppig amunu, ag qagmeppig ele, ag danab ah oh amelagppa aeg doon, ag gona, ad eppelkad amubia aon uɗin, ahilkad lag koɗokko uɗem mettakppa, o lag od haɗap-ppa, o Kayak laugnu haɗap-ppa, o Lenu Od guguittak, haɗap daatteppa, o aɗnu od laa onig Epraimnu Od, od amu guguittak, haɗap daatteppa peh hadappig.

Nehemaia 3:6

Aria Pasea bekka Joiada, Besodea bekka Mesulam ele aa od laa onig Od Anukkanabnu eɗuya bappaidpiɗ. Aa od amunu ebehi okkai okkai buuidya, aa od okkai amunu od naunau heya aihattoya, od amu ohnu manak qaknu keeke ele mepiɗ.

Nehemaia 3:3

Hasena bekkod ag od laa onig Kakai Od, ag od amu eɗun bappaidppig. Ag od amunu ebehi okkai okkai buuidna, ag od okkai amunu od naunau hena aihattona, ag od amu oh manak qaknu keeke ele meppig.

Nehemaia 3:25

Daug amu laihppan ukkak am Usai bekka Palal nug eɗua babaittom. Laih nug babaittom am lag attan ta ukkak menppa hak laa, king laug enanagnab aben attan dayom, lag amu guguittak, amu king laug haɗap laa, kingnu gumak danab appa daappig ele guguittak, appa digmeum. Nug babaittomppanu Paros bekka Pedaia, amu Kayaknu mettid lagnu maɗi nid ele, ag tuɗidna, aɗnu laih amu eɗun bappaidppig. Ag babaitteg ukke ukke, aɗ kaɗag uɗitteppanu daatte, aɗ amuppa od onig Le Awaknu Od, ag amuppa batappig. Lag attan ta ukkak menppa hak, lag amu ag batappigppa guguittak daatte. Kayaknu mettid lagnu maɗi nid, ag am qauko nakok onig Opel, ag amuppa daappig.

2 King 14:13

Amu Betsemes appa ag ban henana, banppa Israel dilag king Jehoas nug Ahasia alag Amasaia, nug Joas bekka, Juda dilag king amu, nug nug aɗom. Jehoas nug Amasaia aɗa, nug Jerusalem ukka, nug Jerusalem ooppa ukka he, nuhikkud daup ag Jerusalemnu aɗ laih laa od onig Epraim Od, appanu ukka ukka, od laa onig Daugppan Od, appa batak ag aɗ amu oh loppaɗppig. Aɗ laih amunu elab am 200 mita keeke.

Jon 5:2

Jerusalem aab aɗubnu od laa onig Sipsip Dilag Od, od amu guguittak amu le ameg laa dayom. Aram dilag naippa amu ag, “Betsaida,” aon atteb. Le amu agappa danab daaglagnu ag ulah lag tanig ele, geɗiak iitta heppig.

Sepanaia 1:10

Amu Yawe Nug ele atte. “Deɗ da Yawe, da Juda danab ah bu madakkul amu, danab ah aɗnu od onig Kakainu Od guguittak daatteb amu, ag gaaglag. Amu danab ah ag aab ooppa aben bau heppig amuppa, ag mahiak okkai hekkulag. Amu aab ooppa qauko nakok daattebppa amu, appanu oqotti naɗi oobob dooglag.

Jeremaia 32:2

Haen nug Jeremaia amegppa amunu aum amu, Babilon dilag king, amu nuhikkud daup ele ag Jerusalem oo mattan, aqaglagnu maadna daaegeg, propet Jeremaia nug King Sedekaia oɗeppan nai bia, nug Juda dilag daup king gumappig ele laulag, lag amuam Juda dilag kingnu lag enanagnab guguittak, nug lag amunu haɗap-ppa maniguittak dayom.

Jeremaia 31:38

Amu Nug atte. “Haen uɗitte amu, haen amuppa, danab ag aab okkai imu dahilnu eɗun bappaidkkulag. Ag Hananelnu lag attan ta ukkak menppa hakppa digmeppeg ukkeb, aɗnu od onig Daugppan Od, appa batak eɗun bappaidkkulag.

Nehemaia 12:40

Ig piɗe piɗe anam oimut amunu, ig oh gota teta, danab obatak aɗit ahi ettan, Kayak amegppa, “Ena hen mekkame” heppig ele, amu ag Kayak laug ooppa goppig. Ag ooppa ukkaeg, da, Juda dilag ehanittak anuqak danab obatak laippu ele oh ooppa gomut.