Nehemaia 12:26 - Nobonob Baibel

²⁶ Danab amu ag Jesua bekka Joiakim, nug Josadak alag, amu nug dayeye, Juda dilag gawana Nehemaia ele dayeye, mana mettak danab Esra, nug am yaak danab ele, nug ele dayeye, danab amu oh ag haen amuppa daanna, ag ahilag uɗat amu heppig.

Nehemaia 12:26 Referans Kwoze

Nehemaia 8:9

Esra nug nai amu ebqeeqe, danab, ah, nid daappig ele amu, ⌊ag ɗo nai doon, elele ii heppig anidna,⌋ ag oh gaappig. Ag gaappig amunu, Juda dilag gawana Nehemaia, mana mettak danab Esra, nug ele yaak danab amu, aria Lewi buɗubppan mana mettak danab iitta, ag danab ah nai amunu meu tutukku ippunadppig, ag ele, ag oh appig. “Imuam deɗ Yawe, ahilag Kayak, Nug amunu, nuhignu tituanak daatte anidtte. Ag aib mahippig, aib gaappig,” aon appig.

Esra 7:11

Esra nug am mana mettak danab, nai yaak danab ele laa, ippunittak danab ele dayom. Nug Yawenu haknunab nai, ɗo iɗu iɗu ele, Israel ag doon dim lamidkkulagnu daappig amu, nug amu ohnu ippunittak okkai awa, doyak okkainab ele dayom. Nug anam daye, King Artekserksis nug pas laa nug mettom. Pas amuppa nai dayom am iikku.

Esra 7:6

Matu anak amuib, Esra amu, nug am nai yaak danab, nug Babilon appanu uɗia, Jerusalem beum. Nug am ippunittak danab laa, nug Mosesnu ɗo nainu sul okkai ha malom. Yawe, Israel dilag Kayak, Nug ɗo amu Israel danab ah mattom. Kayak Nug Esra ehanittom amunu, Esra nug keeke laa oh amunu king oɗ mettom ele, king nug nug mettom.

2 Stori 9:26

Nug wan atu oh Yupretis leppanu ukka ukka, Pilistia dilag wannu tom, Isip dilag tomppa batak amu, wan amu oh dilag king ag nug waappa daaegeg, nug ag gumattom.

Nehemaia 8:1

ag ahan Jerusalem uɗin, ag aɗnu od onig Lenu Od, ag haɗap laa amu guguittak dayomppa qagmena daappig. Ag qagmen daanna, ag yaak danab Esra, nug Ɗo Nai Buk, Yawe Nug nai amu Israel danab ah dim lamidkkulagnunab Moses amegppa a, Moses nug bukppa yom amu, ag Esra nug Mosesnu buk amu awa uɗia, ebqeeb dooglagnu appig.