Nehemaia 1:3 - Nobonob Baibel

³ Da amunu oɗ mattai, ag da amelppa appig. “Kekeɗ ag Jerusalemnu aɗ loppaɗeg, nauhakib dayeye, aɗnu od ele aab aɗuppa manappig amunu, Juda ag appa daatteb amu, ag uug nau doon, uɗa nak guittak ele, ag amu ele dootteb,” aon appig.

Nehemaia 1:3 Referans Kwoze

Nehemaia 2:17

Da anam dabmak awen, oiye aɗ italmi dimppa amu, da ag amelagppa ami. “Ag uug ig tonikkom daatte anidtteb. Kekeɗ ag heeg, Jerusalem nauhakib daatte; aɗnu od ele manaeg eoppig. Anam daatte, amge ahappeg, ig Jerusalemnu aɗ bappaidta, ig uɗa nak nau guittak ele baula ii doomta,” awe ami.

2 King 25:10

Amu Nebusaradan, nug daup Nebukatnesar gumappig dilag okkai amu, nug a, Babilon dilag daup ag Jerusalemnu aɗ loppaɗeg nauhom.

Nehemaia 7:6

Amu anukka Babilon dilag king Nebukatnesar nug nuhikkud daup ele ag Juda danab eɗadna, danab ah aɗualadna, diin Babilon ukkaeg, appa ag diia ukka laih me dayak danab ah daappig ele amu, danab ah amu kuɗum ag aakku eɗun Juda wanppa, ahilkad aab anen anenppa, Jerusalem appa ele daaglagnu aakku goppig.

Nehemaia 2:13

Da tuqan ukken, da tatam aɗnu od laa onig Oolnu Noaknu Od, da od amuppa aab dimittim ukke, da eɗuen, le qeppuɗia bette ele laa onig Makkai Okkai laanu Le, da le amu guguitten ukke, le amu qe-eɗitten wain, od laa onig Kinipannu Od, od amuppa wami. Wain ugekke, da Jerusalemnu aɗ kekeɗ dilag daup ag loppaɗeg, nauhak dayom italen ukke, aɗnu od ele aab aɗuppa maippig anidmi.

Nehemaia 2:3

Da baɗami, amge da king amegppa ami. “O king, na hanhan bau daakkutnu ool daatte. Amge da alai aɗi dakkeɗalag, da mamelad aɗi ag aguppa daan oin mauheg boumadppig amu, kekeɗ ag aab okkai amu heeg nauhe, ag aab amu aɗnu od ele aab aɗuppa manatteg eoppig. Ag anam heppig, amu da oolppa uug okkai doottem,” awe ami.

Esra 5:8

Amu ig ihinig dabmak imu na king, na imu dookkutnu am ena, anam dabmettem. Ig ahat, Juda atuppa gota, ig Kayak Attannab, nuhig mettid lag hettebppa temut. Juda danab ag gemu lag amu men okkai okkaippa henana, ag ad okkai ele gililppa metteb. Ag uɗat amunu yagbak doon hetteb; bodoettak iitta hetteb. Ag uɗat amu heegeg, elelenab gotte.

Gayak Nai 5:1

O Yawe, ihinigppa uug naunab beum amu, na amu daut ii atimanu unuqidttem; ig uɗa nak nau guittak ele aot oittem amu, na neegna, amu anidkkutnu oɗ medattem.

Gayak Nai 3:61

O Yawe, laa ag aon aon iunna, ag eheɗ heiɗkkulagnu dabmak aon aɗan oitteb amu, na amu oh doon malame.

Gayak Nai 1:7

Kekeɗ ag Juda danab ah guittak mattaeg, gemu ag wan laalappa daan oinna; ag anukka enaib, enub ele daappignu dabmetteb. Kekeɗ ag eɗadppig haenppa laa ag, ag ehanadkkulagnu laa ii daappig; haen amuppa Juda dilag kekeɗ ag Juda danab ah nauhegeg anadnana, imadppig.

Jeremaia 52:14

Amu Nebusaradan, nug daup Nebukatnesar gumappig dilag okkai amu, nug a, Babilon dilag daup ag Jerusalemnu aɗ loppaɗeg nauhom.

Jeremaia 42:18

Aɗinu anam daakku? Am Yawe Nukka Ɠagattag Oh Ele, Israel dilag Kayak, Nug atte. ‘Da ool nauhe, oppoɗil beebe, Jerusalem danab ah bu eheɗ mattami, amubia ag laa, ag Isip gona daanna oiglag dayeb, da oppoɗil beeb, bu eheɗ ag madakkul. Danab ah laa ag ahilagnu ag eheɗ laa awaknu anak waappa daaglagnu anana, ag anadna, ameg iɗuak doon, ag naippa yaaladnana, ag aon aon aqaglag. Ag Isip gona daan oiglag, ag baula ahilag wan imu iinab anidmana.’ ” Yawe Nug anam awa atte.

Jeremaia 39:8

Appa ag Sedekaianu anam heppig, amge Babilon daup Jerusalem daappig amu, ag kingnu lag enanagnab manaeg ewe, danab ah laulkad ele manatteg ewegeg, ag aab aɗ ele loppaɗeg, nauhakib dayom.

Jeremaia 29:18

Da heppi, kekeɗ ag qep elabppa aqappeg, enug aqeebeb, oɗe nau danab kuɗum aqe mauhtteb ele aqeebeb, wan atu laa ohppan danab ah ag ahilagnu naunab doon, guguattak daaglagnu uun autnanab aoglag. Amu da heppi, gemu Juda daatteb ag wan laalappa diia ukka laih me dayak danab ah daaglag amu, wan amuppan danab ah ag ag eheɗ laa aoglagnu anak waappa daaglagnu anana, ag anadna, amelag iɗuak doon, ag ahilagnu, ‘Keeke hamunab,’ dooglag.

Jeremaia 24:9

Da heppi, Juda danab ah amu ag adeppa adeppa matatun gona daaglag amu, wan atu laa ohppan danab ah ag ahilagnu uuaknab dooglag. Ag ahilagnu, “Danab ah nau,” anan oiglag. Ag Juda danab ah dilagnu hamu bia doon, ag ahilagnu ag am nau bekkunu at daatteb dabmena, ag aon aon aqanna, ag eheɗ laa awaknu anak waappa daaglagnu akkulag.

Jeremaia 5:10

Da bu madakkul. Da ahilag kekeɗ amelagppa ahilagnu inam akkul. ‘Juda danab ah imu ag da, Yawe, ag dahiladnab ii daatteb. Ag am dahil grep dad bia, amu danab ag grep dad heeg nauhtte bia, ag Juda danab ah dilag kekeɗ, ag Juda aqeg! Ao, danab ag muɗi grep ebekkud elabnab meppig qiin diitteb, amubia ag kekeɗ ag Juda danab ah aqeg! Amge ag heppeg, aib iitta meum,’ awe akkul.

Aisaia 43:28

Amunu da heppi, ag Juda, ag ahilag mana mettak danab amu, danab ah laa ag ahilagnu, ag am keeke hamu bia dooglag. Ao, da heppi, ag Jakop buɗub, ag dahilnuib, dahil pelemppa daaglag. Ge, da heppi, ag Israel buɗub ag uɗa nak nau guittak ele dooglag.” Yawe Nug anam atte.

Aisaia 5:5

⌊Iitta! Da amu oh elele hemi⌋ amunu, gemu da muɗi grep dad dahilppa keeke laa hekkulnu dabmemi amu, da ag amelagppa akkul. Gemu da dadnu aɗ keeke qaun ele eppak amu oadppi ukkeb, muɗi grep dad dahil am, doɗ ag wana, ee lanan daaglagnu aben daakku. Ao, da dadnu men aɗ aoɗppi neeb, doɗ ag dad ooppa nona, tappanna, ⌊ee lanan daaglag⌋,” awa aum.

Sam 79:4

Danab ah ig guguikkak daatteb ele, ag ig aon aon iqatteb. Ao, danab ah ig talilikkak daatteb amu, ag ihinignu, “Keeke hamunab,” doon, ag imigtteb.

Esta 1:1

Kaya imuppa keeke beppig ele amu, King Ekserksis nug Persia dilag king dayom haenppa beppig. Ekserksis imu, nug Persia wanppanu prowins 127 oh gumom. Prowins amuam India appanu digma ukka, Kus wanak.

Nehemaia 11:3

Israel danab ah laa, mana mettak danab laala, Lewi buɗubppan mana mettak danab iitta laala, Kayaknu mettid lagnu maɗi nid laala, amu Solomonnu maɗi nid buɗub laala ele ag Judanu aab laalappa, ag anen anen ag laulkadppa, o ahilkad wanppa daappig. Amu Juda buɗub laala, Benyamin buɗub laala ele ag Jerusalem appa daappig. Aria, imuam Israelnu laala, ag prowins dilag okkai daan, Jerusalem appa daappig onilkad. Laa Judanu am inam: Usia bekka Ataia. Usia mameg am Sekaraia. Sekaraia mameg am Amaraia. Amaraia mameg am Sepatia. Sepatia mameg am Mahalalel. Mahalalel am Peres buɗub laa.

Esra 2:1

Amu anukka Babilon dilag king Nebukatnesar nug nuhikkud daup ele ag Juda danab eɗadna, danab ah aɗualadna, diin Babilon ukkaeg, appa ag diia ukka laih me dayak danab ah daappig ele amu, danab ah amu kuɗum ag aakku eɗun Juda wanppa, ahilkad aab anen anenppa, Jerusalem appa ele daaglagnu aakku goppig.

1 King 9:7

da geha ag Israel danab ah da wan ag mattami imu amu, da wan imuppanu lamatten, mettid lag imu, da onil aguppa daakkunu dahilnu tituana meɗak daakkunu hemi amu, geha da baula amunu ii dabmepa. Am laa ele, wan atu ohppa, danab ah ag Israel ag nau bekkunu at daatte dabmena, ag aon aon aqaglag.

Prowerb 25:28

Danab nug nukka nug nuhig oiyak pehettak atognoak ii hette amu; amuam aab okkai laa aɗ loppaɗa, na qak daatte, amubia.

Gayak Nai 2:9

Kekeɗ ag heeg, Sion aɗnu od nena qena, wanppa niitteb; od manak qaknu keeke teppu ele amu, kekeɗ ag heeg nauhppig. Juda dilag king, anuqak danab laa ele, anukka Sion daappig amu; ag gemu wan laalappa wan laappa diia ukka laih me dayak danab daatteb. Laa gemu Kayaknu ɗo nai laa ii ippunadtte; propet ag ele Yawe eppegppanu tulelegppa aɗi keeke ele ii anidtteb.

Lewitikas 26:31

Da heppi, ahilag aab okkai am nauhak daappeg, dup noa binag mak aben oh loppaɗppi neeb, ahilag mana mettaknu amu, da ool iinab hema. Mana mettak amunu muttuɗignu amu, da ool enanagnab doolo, amge da anam ii doopa.

Lewitikas 26:33

Da heppi, ag tamtam gona, wanppan wan anen anen, amu oolagppa ag daappeg, da heppi, danab ag banelag uɗin, ban heppeg ukkeb ukkeb aqaglag. Ahilag wan am nauhaknab dayeb, aab okkai ahilkad loppaɗe nak daaglag.

2 Stori 36:19

Babilon dilag daup ag Kayaknu mettid lag, danab okkai okkai laulkad enanagnab ele manatteg ewe, ag appa keeke oh, keeke amu awaknu am daden okkai ele, ele heeg nauhppig. Amu ag aab Jerusalemnu aɗ ele loppaɗeg, nauhakib dayom.