Namba 9:20 - Nobonob Baibel

²⁰ Haen laala amu lombig nug mettid haknu peh lag igippa deɗ kuɗum ii dayom amunu, Yawe Nug lombigppa ag daaglagnunab ippuanatom bia, ag aben amuppa deɗ kuɗum ii daadppig. Amge Yawe Nug lombigppa ag gokkulagnunab ippuanatte, ag ahan godappig.

Namba 9:20 Referans Kwoze

Namba 9:19

Haen lombig nug haen elab mettid haknu peh lag igippa dayeye amu, Israel ag Yawe oɗe doon, ag ahan laih ii godappig.

Namba 9:21

Haen laala amu lombig nug tueb ukka, buttua batak aakkuib daattom, amu buttua aha ukke amu, ag ahan dim lamidttappig. O lombig nug tuqante laippu, amun laippu ele dayomte, lombig nug aha ukke anidna amu, ag ahan godappig.

Sam 48:14

Aɗinu? Kayak Nug ⌊he, keeke amu anam⌋ aakku daatte amunu, ag buɗulkad amelagppa appeg dooglagnu, ag anam antteg! Kayak, Nug am ihinig Kayak hanhannu daatte. Nug omaikkebeb ukkeb, ihinig mauhak batakku.

Prowerb 3:5

Amu na meut ohppa Yawenu ootppa genab doye! Ao, na diignu doyak tutukku nahip aib anuqak dabmettanna oime.

Prowerb 3:6

Keeke oh na hekkutnu dabmettem amu, tatam Kayaknu dabmewona hekkut. Na anam heppe, Nug geha heeb, na ippun tutukku daakku.

Namba 9:18

Yawe Nug lombig amuppa he, Israel danab ah ag ahan godappig, amu lombig amuppaib Nug he, ag haen tutu dayaknu aab kalattappig. Haen lombig nug aben amuppaib mettid haknu peh lag ikkippa dayeye amu, ag aben amuppaib daattappig. Amuam Yawenu haknunab anak dayeye, ag anam heppig.

Namba 10:13

Ag gona, Sinai daaeg ukke, Kayak he, ag ahappig amu, amuam ahilag aha ukkak anuqak; ag haen amu ii nak Sinainu ahan ii goppig. Yawe Nug Moses amegppa haknunab aum bia heppig.

Duteronomi 7:21

Yawe, ahilag Kayak, Nug am ɠagattag okkai ele, danab Nug antta, ebehi oh bodoetta le mette elenu Kayak amunu, ag danab amu dilagnu baɗak eheɗ nau aib dooppig.