Namba 8:17 - Nobonob Baibel

¹⁷ Israel ooppa nid danab tatamnu, doɗ dawai tatamnu ele amu dahilad. Haen da Isip dilag nid ⌊danab⌋ tatamnu, doɗ amu ele oh aqadmi amu, da ag Israel, da ag oolagppanu nid danab tatamnu, doɗ dawai tatamnu ele oh dahilad daaglagnu anam tituanadmi.

Namba 8:17 Referans Kwoze

Eksodas 13:2

“Ag Israel amu, ag ahilkad nid danab tatamnu oh amu, ag dahil daaglagnu tituanna meɗeg! Ahilkad nid danab tatamnu, amu ahilkad doɗ manan oh nalkad dawai tatamnu ele, amu oh am dahil,” awa aum.

Luk 2:23

Kayaknu ɗoppa Israel danab ag anam hekkulagnu yaak daatte am inam. “Nid danab tatamnu, ag anilkad menuadppeg, ag diin Naɗi eppegppa maadppeg, ag nuhignu tituana mettak daaglag.”

Jems 1:18

Iitta! Nug nukka dabmak nuhig dim lamitta, Nug nai nuhig doyak diig genabibppanu, Nug amuppa ha, ig Nug danab ag attem daaglagnu dabmeum ele amu, ig amubia daagnignu Nug bauklel ig mekkom.

Hibru 11:28

Moses nug Kayaknu ooppa genab doyom amunu, aqaknu engel nug Israel dilag nid danab tatamnu menuattak gukkuatta ii wamanu, nug Israel ele ag Pasowanu Hobul hena, ag sipsip tiilkad laulkad od uguppa tauɗ qedappig.

Hibru 10:29

Aria, anukka danab nug ɗo tippalom amu, ag nug qeppeg mauhkkunu dayom amunu, gemu danab laa nug Kayak Bekka dimedatte ele, nuhignu attemnab? Danab amu nug geha qagaiettak naɗinab anidkkunu elele. Aɗinu? Nug Kristusnu, Nug am keeke hamu doya, Nug tiignu ele, amuppa Kayak Nug nug ele nug tituanya nai qagapiɗ, amuppa Kayak he, danab amu oppiaawak beum, amge danab amu nug tiig amunu keeke oppiaawak iitta doyom. Laa ele amu, nug Kayak Ouɗi, Nug ehanittak okkai hamu mettaknu diig amu, nug nuhigppa ele kobol eheɗnab heum.

Jon 17:19

Da dahilad imu ag da aniɗna, nahip nai pehettak dim lamidna, oppiaawak daaglagnu amu, da na oɗen tutukkunab dim lamidttem.

Jon 10:36

amunu aɗinu ag dahilnu, ‘Nug Kayaknu dabittak nai maditte,’ atteb? Kayak Nug da tituaniɗa, meiɗe wanppa uɗimi. Nug anam heum, amu anukka Nug wan imuppan danab laa dilag, ‘Ag am Kayak ganiappud,’ aum amunu, ‘Da am Kayak Bekka,’ haen da ami am, aɗinu ag amunu, ‘Nug Kayak aben aokkunu hette,’ aon appig.

Esekiel 20:12

Da ag tituanatti, ag dahilnu tituanak daaegeg, da ag amu dabmettalagnu at daakkunu da ag dahil Sabat deɗ ag mattami. Da ag da, Yawe, da hei, ag dahilnu tituanak daatteb dooglagnu Sabat deɗ, at daakkunu ag mattami.

Sam 135:8

Nug he, nid ⌊danab⌋ tatamnu oh, doɗ nalkad ⌊dawai⌋ tatamnu ele Isip appa mauhppig.

Sam 105:36

Nug anam ha male, Yawe Nug nid ⌊danab⌋ tatamnu Isip dilag oh aqom. Nug baelkadppa anen anenppa nid danab tatamnu, nid amu nug anig mameg nuhigppa nid danab menuadkkulahnu digmepiɗ ele amu, Nug nid ⌊danab⌋ amu oh aqom.

Sam 78:51

Kayak Nug Isip danab ah dilag nid ⌊danab⌋ tatamnu he mauhppig. Ao, Isip danab ag am Ham buɗub, amu Kayak Nug he, ahilkad nid danab tatamnu oh mauhppig.

Namba 3:13

Aɗinu? Haen da Isip appa Isip dilag nid ⌊danab⌋ tatamnu oh aqadmi amu, da Israel dilag nid ⌊danab⌋ tatamnu ag dahilad daaglagnu tituanadmi. Danabnu nid ⌊danab⌋ tatamnu, o iitta doɗnu ⌊dawai⌋ tatamnu, amu oh am dahilad. Ag dahilad daatteb. Da am Yawe.” Yawe Nug anam aum.

Lewitikas 27:26

Ag makau okkai ebehi ele ⌊dawai⌋ tatamnu laate, o sipsip ⌊dawai⌋ tatamnu laate Yawenu tituanna mettaglagnu elele iitta. Doɗ amuam doɗ ⌊dawai⌋ tatamnu, am Yawenu aakku daatteb amunu, ag anam hekkulagnu elele iitta.

Eksodas 29:44

Kobol amu ohppa amu, da dahil mettid haknu peh lag danab ah appa qagmetteb ele, da mettid haknu peh lag amu, qaɗab, Aron, amu nug bekkod ele, amu oh dahilnu tituana mettak daaglagnu aakku da heppi, ag anam daaglag. Aron, bekkod ele ag anam daanna, ag dahil mana mettak danab daaglag.

Eksodas 12:29

Ag kobol amu heppig, aria tuqan tugmag Yawe Nug Isip dilag nid ⌊danab⌋ tatamnu aqe mauhppig. Nug Isip nid ⌊danab⌋ tatamnu oh, Isip dilag king Paronu, danab okkai dilag, danab hamu dilag, amu danab maniguittak nau gatatu ele daappigppa ele, Nug ahilkad nid ⌊danab⌋ tatamnu oh aqe mauhppig. Nug doɗ, makau, sipsip, meeme keeke, Nug amu nalkad ⌊dawai⌋ tatamnu ele aqe mauhppig.

Namba 8:18

Amge da gemu amu, Israel ooppan nid danab tatamnu oh abenlag aoglagnu, da Lewi buɗub ag diimi.