Namba 7:88 - Nobonob Baibel

⁸⁸ Laippu dayaknu ofa haknu, amu doɗ ohnu ebqak ahilag am makau okkai ebehi ele 24, sipsip dawai 60, meeme dawai 60, amu sipsip gaiɗ 60 maɗ laippu awak ele akkan uɗippig. Mana mettak amu oh am qaɗab goɗen gokkaɗakppa tituana hak dimppa, qaɗab amuam Yawenu tituana mettak daakkunu manadna, Nug mettaglagnu daappig.

Namba 7:88 Referans Kwoze

Namba 7:10

Moses nug qaɗab goɗen gokkaɗakppa tituanom, haen amuppa Yawe Nug nug amegppa aum. “Na qaɗab dahilnu tituana meɗak daakkunu na appe, Israel dilag okkai 12 ag deɗ anen anen, doɗ main meɗaglagnu, ahilag keeke akkan dona meɗeg! Ag oh deɗ laippuppa ii meɗamna,” awa aum. Yawe Nug anam aum amunu, ikki danab ag deɗ piɗe piɗeppa, ahilag keeke akkan wappig. Ag keeke amu aon, mettid haknu peh lag appa, qaɗab noobppa, ag Yawe gumidna wana, Nug medappig.

Namba 7:1

Moses nug mettid haknu peh lag qappa malowa amu, deɗ amuppa, nug peh amu, amuppan keeke ele, aria qaɗab, amu mana mettak danab, ag qaɗab amuppa keeke aɗi aɗi aɗan amunu uɗat hekkulag ele, nug keeke amu oh goɗen gokkaɗakppa tituanatta, Yawenu tituana mettom.

Namba 7:84

Aria, Moses nug qaɗab goɗen gokkaɗakppa tituana malom, qaɗab amu Yawenu tituana mettak daakkunu amu, Israel dilag ikki danab ag amu hekkulagnu ag ahilkad keeke akkan wana, Yawe medappig, keeke amu oh am inam. Ag silwa tappiɗ 12, tiig amuppanu awa tauɗeb ukkaknu tappiɗ silwappa hak 12, amu gol tappiɗ 12 ele akkan wappig.

Lewitikas 3:9

Laippu dayaknu ofa laih amu Yawe medakkuoitte. Amuam Yawe mettaknu aab aɗunu ofa aakku. Maha laih nug mana, Yawe medakku, amuam boob ittag ele oh, gome ebehippa guguittak okkulak, amu ittag ooppan keeke aɗak daatte oh,

Namba 7:87

Doɗ oh mana mettak haknu daappig, amuam inam. Doɗ manaknu ofa haknu am makau gaiɗ 12, sipsip dawai 12, amu sipsip gaiɗ 12 maɗ laippu awak ele. Yawe aum amubia ikki danab ag ee aegnu ofa haknu ee aeg amu doɗ anen anennu, doɗ ele oh akkan wappig. Ib etta, hipunin haknu ofa haknu am meeme dawai 12 akkan goppig.