Namba 6:23 - Nobonob Baibel

²³ “Na Aron, nug bekoɗ ele inam appe doyeg!” awa aum. ⌊Nug anam a amu, Moses nug ag amelagppa inam aum.⌋ “Ag Israel danab ah itittak ena mattaglagnu henana amu, ag inam aig!

Namba 6:23 Referans Kwoze

1 Stori 23:13

Amram bekoɗ am Aron, Moses ele. Yawe Nug Aron, nug buɗub ele ag hanhan keeke Yawenu tituanaknab daatteb ele Yawenu tituana mettak daaglagnu, ag doɗ keeke manan, Yawe mettaglagnu, ag Yawenu ɗo maɗoɗnu uɗat hekkulagnu, amu ag hanhan Yawe onig aon, itittak ena danab ah mattaglagnu tituanattom.

Duteronomi 21:5

Mana mettak danab, ag Lewi buɗub daatteb amu, ag ele appa gokkulag. Aɗinu? Yawe, ahilag Kayak, Nug ag nuhig ɗo maɗoɗnu uɗat Nug onigppa hekkulagnu, ag Nug onigppa danab ah itadkkulagnu, ag am haen nai beeb, aun nug genab atte, o aun nug eheɗ heum, o nug qak daye aun eheɗ heum, ag amu hettoɗin akkulagnu otiattom.

Hibru 7:1

Melkisedek, Salem dilag king, nug am Kayak Attannab Laa Oh Eɗattaknu mana mettak danab. Anukka Abraham nug ban ha, king aqowa, eɗua appagppa ugekke, Melkisedek nug Abraham ibppa nug uɗa ta, itittak ena mettom.

Genesis 48:20

Nug anam awowa amu, nug inam ele itatom. “Dimppa Israel danab laa nug layag inam itidkku. ‘Kayak Nug heeb, na Epraim, Manase ele, aa daapiɗ, amubia na daakkutnu ool daatte,’ awa akku,” awa aum. Aria, Jakop anam heum amunu, nug Manase, Epraim waappa meum.

2 Jon 1:3

Anam amu, ig Mamenig Kayak, Nug Bekka Jesus Kristus ele, aa doyak diig genabib, oo mauhak kobol ele dim lamidya, aa ehanittak okkai hamu mettak, oo gai-iitta doya oo metta ehanittak, amu maɗoɗ ele ig mekkaglah.

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

Genesis 47:7

Aria, dimppa Josep nug mameg Jakop omala, Paro gumitta ta, noobppa meum. Ukka me amu, Jakop nug Paro itittak mettom.

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.

Hibru 7:7

Aria ig doottem, danab nug itittak ena medatte ele, nug am okkai, onig ele. Nug laa itittak ena aotte ele eɗidtte.

1 Korint 1:3

Amu ig Mamenig Kayak, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu oonih daatte.

Rom 1:7

Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

Josua 8:33

Nug anam hewowa amu, nug Israel danab ah obate, ameg aɗit daappig. Obatak aɗit ohppa amu, wan laihnu danab daappig, ikki danab, Israel dilag ehanittak anuqak danab, amu epeɗiak danab, ag ele, ag oh ameg aɗit amuppa nona daappig. Ameg laa amu qauko onig Gerisim ukkakppa dayom, laa amu qauko Ebal ukkakppa dayom. Ameg aɗit amu aa Yawenu Tituanak Nainu Kunup kontrak inak ele laih laih daaeheh, mana mettak danab, ag Lewi buɗub amu, ag kunup amu maoppig ele, ag gamagppa daappig. Danab ah oh ag kunup amu neekkidna daappig. Imu oh am anukka Moses, Yawenu maɗi nid, nug Israel danab ah itittak ena aoglagnu, ag anam daan aoglagnu haknunab aum.

Duteronomi 10:8

Haen amuppa Yawe Nug Israel dilag huu okkai Lewi, ag Yawenu Tituanak Nainu Kunup kontrak inak ele maoglagnu otiattom. Nug ag nuhig ɗo maɗoɗnu uɗat Nug noobppa hekkulagnu, amu Nug onigppa danab ah itadkkulagnu ele otiattom. Uɗat amuam ahilag, ina hetteb.

Genesis 47:10

Jakop anam ana amu, nug baula Paro itittowa, nug eɗua ukkom.

Duteronomi 33:1

Itittak imuam, Kayaknu danab Moses nug mauhkkunu haaha, Israel danab ah mattom.

Genesis 24:60

Amu tatam ag Rebeka itidyaya apiɗ. “O lai ihinih, na buɗunad ag kuɗumnab bekkulagnu oonih daatte. Ao, na buɗunad ag kekeɗ ahilag ele tabappeg noob, ahilag keeke aoglagnu oonih daatte,” aoya apiɗ.

Eksodas 39:43

Amu ag keeke amu oh akkan uɗieg, Moses nug ag keeke oh Yawe nug amegppa haknunab aumbianab heppig anttom. Nug anam antta, nug ag itattom.

Namba 6:22

Amu Yawe Nug Moses amegppa aum.

1 King 8:55

Solomon nug hibaitta, nug Israel danab ah oh itittak ena madatta, nug aum.

2 Stori 30:27

Amu Lewi buɗubppan mana mettak danab ag ahan, danab ah itittak ena mattaglagnu heppig. Ag anam heeg, Kayak Nug hab attan, nuhig dayak aben oppiaawak eleppa dayeye, ag danab ah amu itattegeg, Kayak Nug itattak amu doya, ⌊itittak ena ag mattom⌋.