Namba 5:2 - Nobonob Baibel

² “Na Israel haknunab nai madappe, ag aun laa nug gaɗa oɗe nau ele, o iitta beɗunu leppu nau laa nette, o iitta laa nug danab mauhe gaɗa aɗom, nug Kayak ele ouqa dayaknu elele iitta amu, ag gona, aben laih aab dimittim kalan daaglagnu maadppeg gokkulag.

Namba 5:2 Referans Kwoze

Lewitikas 21:1

Amu Yawe Nug Moses amegppa aum. “Na nai imu mana mettak danab, am Aron bekkod aakku, na ag amelagppa nai imu appe doyeg!” awa aum. ⌊Nug anam a amu, Moses nug ag amelagppa inam aum.⌋ “Mana mettak danab nug layag nuhigppanab iitta laa mauhom gaɗa ii aɗama. Nug anam hekku dayeb amu, nug Kayak ele ouqa dayaknu elele iitta daakku.

Lewitikas 13:46

Am gaɗa oɗe nau ele nug beɗuppa daatte, amunu haen oh nug anam daakku, haen amu oh nug Kayak ele ouqeya daaglahnu elele iitta amunu, nug aakku haen tutu dayaknu aab kalak amu dimittim daakkuoitte.

Namba 12:14

Anam unuqitte amu, Yawe, Moses amegppa aum. “Nug eheɗ heeb, mameg nug iɗuppa hunulo, amu nug deɗ eblaih aɗit ele da noolppa daakkunu elele iitta daalo. Na heppe, nug deɗ eblaih aɗit ele haen tutu dayaknu aab kalak dimittim dayeb ukkeb, dimppa nug eɗua uɗikku,” awa aum.

Namba 31:19

Ag aun aɗi ag laa aqappig, o iitta laa mauhppig ele gaɗalag aɗualadppig ele, ag oh, deɗ eblaih aɗit ele haen tutu dayaknu aab kalak imu dimittim daaglag. Deɗ ewamppa amu, deɗ eblaih aɗitppa ele ag, aria Midiannu ag aɗualadna, ag eppelagppa daatteb ele, ag ahilagppa ele hena, ag Kayak ele ouqa dayaknu elele daaglagnu beɗulag, oolag ele babaitteg!

2 King 7:3

Haen amuppa Samaria aab okkainu aɗnu od okkai, od amu dimittim amu danab waɗele, ag gaɗa oɗe nau ele, ag appa daappig. Ag daanna, ag akka ahilagnu inam appig. “Aɗinu ig hamu inam daatta, mauhak haen ameg mettem?

Lewitikas 13:8

Am mana mettak danab nug danab amu beɗuppa aegeg amu itala, aegeg am beɗu laih ele awom antta, nug danab amunu nug Kayak ele ouqa dayaknu elele iitta akku. Amuam gaɗa oɗe nau ele.

Lewitikas 14:8

Laa nug Kayak ele ouqeya daaglahnu bekkun daatte, nug Kayak ele ouqa dayaknu kobol heeb, gogppa tekkunu amu, nug inam hekkuoitte. Nug lamen nuhig miha, beɗu uɗig oh hoiyeb ukkeb, nug le laakkuoitte. Nug anam ha, Kayak ele ouqa dayaknu elele amunu, nug eɗua, haen tutu dayaknu aab kalak, amuppa gokkunu elele. Anam aakku hekku, me nug nuhig peh lag ooppa ii noma, nug deɗ eblaih aɗit ele dimittim daakkuoitte.

Lewitikas 23:29

Am aun laa nug deɗ amuppa, nug nukka onig ii qeeb neeb daakku amu, nug Israel oolagppanu geɗittak daakkuoitte.

Namba 5:1

Amu Yawe Nug Moses amegppa aum.

Namba 12:10

Aria, haen lombig mettid haknu peh lag uuitta attan te amu, Miriam nug gaɗa oɗe nau ele hibaitta dayom. Nug beɗu oh hakkab eppa dayom. Aron nug Miriam nug noobppa daakkunu eɗua amu, nug Miriam gaɗa oɗe nau ele dayeye anttom.

Lewitikas 13:45

Aun aɗi ag beɗulagppa gaɗa oɗe nau ele amu, ag lamen ahilkad pattiɗadna, uuppeg anam daappeg, ikkilkad uɗug ii qemana, ag iɗulkad noolkadppanu ukka akkabɗulkadppa batak lamenppa tonaglagoitte. Ag anam henana, ag enan akkulag. ‘Da Kayak ele ouqeɗa daagnihnu elele iitta! Da Kayak ele ouqeɗa daagnihnu elele iitta!’ ena akkulag.