Namba 36:6 - Nobonob Baibel

⁶ Amu Yawe Nug Selopehad aɗekkud dilag inam atte. Ag mamelag, nug am Israel dilag huu okkai Manase ted, amu nug aɗekkud anen anen ag danab aun ele ewau matulak aoglagnu oolag heeb, ag aoglag. Keeke laippu aakkuib, danab amu ag Israel dilag huu okkai Manase, ag amu ooppan aab ikki laa danab dayeg! Selopehad aɗekkud ag Israel dilag huu okkai laappanu danab aib diippig.

Namba 36:6 Referans Kwoze

Namba 36:12

Danab ag diippig ele, ag am aab ikki Manase, Josep bekka, nug buɗubppan amunu, ahilkad wan, ag aulag amu, wan amu ag mamelagnu aab ikki, amu Israel dilag huu okkai nuhig ele, amuppaib dayom.

2 Korint 6:14

Laa nug Jesusnu ooppa genab dootte ele, nug laa, Jesusnu ooppa genab ii dootte ele, nug nug ele layamnab aib dayom. Amu elele iitta. Aɗinu? Genab tutukku hak kobol, amu nau hak kobol ele aa oh laippu ouaqataknu elelete? Amahlak amu gatatu ele oh laippu ouqettepte?

Genesis 24:3

na Yawe, Nug hab aabppanu Kayak, wanppanu Kayak ele daatte amu, na Nug onigppa nahip nai ɠagattag qena, na da bekkal wau Kanan danab, da ag oolagppa oittem, na ahilagppanu da bekkalnu ah laa ii aomna.

Namba 27:7

“Selopehad aɗekkud ag atteb am tutukkunab. Na ag wan, ag mamelag aug, amu nuhigppan ag madakkut. Ag ag lailkad oolagppa daappeg, mameg aug ag ahilag daakku.

Namba 36:5

Ag anam aeg amu, Yawe Nug Moses, nug Israel danab ah amelagppa oɗmak amunu nob ma, ab dooglagnunab inam a doya, Moses nug ag amelagppa aum. “Josep buɗub ag atteb amu tutukkunab.

1 Stori 23:22

Eleasar nug bekka laa iitta, nug aɗekkudib amunu, nug aɗekkud ag, ag mamelag amag Kis bekkod diiadppig.