Namba 35:30 - Nobonob Baibel

³⁰ Amu laa nug laa doyaya qeeb mauhkku dayeb, hettoɗiakppa aɗi heehe anttomnu mattiak danab ag aɗi anidppig hettoɗiak danab amelagppa appeg, laa nug genab anam heum dayeb amu, ag qe mauhak danab amu qeppeg mauhkku; amge danab aɗit, o iitta ewam, ag nug genab anam heum amelagppa anidppig daakkun daatte. Laippu anttom dayeb, amuam elele iitta.

Namba 35:30 Referans Kwoze

Hibru 10:28

Ig doottem, danab laa nug Mosesnu ɗo tippale, aɗi heehe anttomnu mattiak danab aɗit o danab ewam ag anidna, nug eheɗ heum amunu heeg, miag atie, ag nuhignu oo gai-iitta doya oo metta ehanittak kobol ii dim lamidppig. Iitta! Ag nug qeeg mauhom.

Matyu 18:16

Amge nug nahip nai ii doyeb amu, na Kayak naippa nai daatte, amubia hekkutnu, na danab laippu, o aɗit ele diiatppe, na ele gona nai mattieg! Kayak naippa nai amunu daatte am inam. ‘Aɗi heehe anttomnu mattiak danab aɗit, o iitta ewam ag danab laa eheɗ heum appeg amu, nai amunu am genab doyeg! Laippuib ab amu, ag genab bia aib dooppig.’

Duteronomi 19:15

Ag aibnab danab laippuib, laa nug aɗi eheɗ heehe anttomnu mattiak heeb doona, ag nuhig naippaib eheɗ heumtai ele, danab amu eheɗ heum ana ɠagattag qedappig! Aɗi heehe anttomnu mattiak danab aɗit o ewam ag danab laa eheɗ heum appeg amu, nai amunu am genab doyeg! Laippuib ab amu, ag genab bia aib dooppig.

2 Korint 13:1

Gemu da haen ewam batak aakku ag gumatte gokkulnu hettem amunu, Kayak naippa nai inam daatte, ag dooglagnu attem. “Danab laa beɗuppa nai yaaglagnu dayeb amu, aɗi heehe anttomnu mattiak danab aɗit o ewam, ag danab laa eheɗ heum appeg amu, nai amunu am genab doyeg! Laippuib ab amu, ag genab bia aib dooppig.” Da goppi, ag ig ele nai laala ib amuppaib bappaidkkunig.

1 Timoti 5:19

Am danab laippu laa nug, “Ikki danab imu nug eheɗ heum,” ab amu, na amu aib doome. Aɗi heehe anttomnu mattiak danab aɗit o ewam ag anam appeg amu, na doye!

Revelesen 11:3

Anam amu, ⌊da Kayak,⌋ da appi, dahil laa aɗi heehe anttomnu mattiak danab aɗit, aa lamen heɗiag ele takkaya, deɗ 1,260 aa propet nai mehuqkkulah,” awa aum.

Jon 7:51

“Ig ihinig ɗoppa danab laa hettoɗiakppa ii dayom haenppa, nug eheɗ heumnu akkunignu am elelete? Iitta. Nug keeke heum amu ig tatam doota, ig nug epeɗignig,” awa aum.

Namba 35:16

Qe mauhak danab dilag aab okkai am, aun nug ii doyaya laa qe mauhom ele, nug ena daakkunu aab, amge aun laa nug aen mahappa laa qe mauhom dayeb amu, nug am qe mauhak danab aakku daatte. Ag danab duug wak amu heum amu, ag nug qeppeg mauhkku.

Eksodas 21:12

Amu Kayak Nug aum. “Danab laa nug danab laa doyaya makkuɗeb, danab amu mauheb amu, danab nug danab laa makkuɗe mauhom ele amu, ag nug genab qeppeg mauhaɗ!

Lewitikas 24:17

Aun laa nug danab o ah laa qeeb mauheb amu, ag laa amu heum qeppeg mauhaɗ!

Namba 35:31

Ag aun nug genabnab laa doyaya qe mauhom dayeb anidna amu, ag nug qeppeg mauhkku. Ag aib heppeg, nug qagaiettakppa daamanu men doɗoppa uhuqak awom. Iitta! Ag doyaya qe mauhak danab genab qeppeg mauhaɗ!

Duteronomi 27:24

Appeg, Lewi buɗub ag inam akkulag. “Aun laa nug danab laa lokkumakppa qette, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab anam dayaɗ,” akkulag.