Namba 35:20 - Nobonob Baibel

^20-21 Danabte, o ahte nug oo aeg bak doyaya oiyaya, laa ehaleb, o keeke laa buɗieb ukka, laa qeeb mauhkku, o iitta nug laa kekeɗ metta, eppeg bitakka, laa makkuɗeb mauhkku amu, nug amu, nug aakku qe mauhak danab daatte. Ag laa nug amu heum, ag nug qeppeg mauhaɗ! Laa nug qe mauhak danab nob ma qeeb mauhkkunu daatte ele, nug antta, qe mauhak danab amu qeeb mauhkku.

Namba 35:20 Referans Kwoze

Eksodas 21:14

Amuam danab nug layag ii doyaya qe mauhttenu ɗo, amge danab laa nug hekkunu lokkumakppa dabmaama, maittak eheɗ awa, danab laa qeeb mauhkku dayeb amu, ag danab amu qeppeg mauhaɗ! Genab! Nug ena daakkunu qaiqaɗ ukka, dahil qaɗabppa ta aɗakku dayeb am keeke hamu. Ag amu aib dabmeppig. Ag nug amuppanu aon gona, qeppeg mauhaɗ!

Duteronomi 19:11

Amge laa nug layagnu nau ninig ele doya, nug dabma meitta dayaya, nug layag ⌊doyaya⌋ qeeb mauheb, nug oola, laa ii doyaya qe mauhomnu ehanittak aab okkai amuppa ukkeb,

2 Samuel 20:10

Joap nug anam he, Amasa nug qep Joap eppeg nanehppa dayom am ii dabmeum amunu, Joap nug qep amuppa Amasa oo ye, Amasa biig wanppa neum. Joap nug Amasa haen laippu aakkuib qep-ppa ye, Amasa mauhom. Joap nug anam he, nug amag Abisai ele aa Bikri bekka Seba dim lamidpiɗ.

2 Samuel 3:27

Anam daye, haen Apner nug eɗua Hebron uɗie amu, Joap nug aabnu aɗ odppa dayaya, nug Apner ele aa laih danab ii daattebppa goya, aya daayya, nai mattiglahnu he goya, appa Joap nug Apner big qep-ppa ye mauhom. Apner nug Asahel ye mauhom amunu, Joap nug gemu nob ma, Apner ye mauhom.

Genesis 4:8

Nug anam aum, amge geha Kain nug Abel amegppa aum. “I dad okkaippa noɗu!” awa aum. Anam a amu, aa goya oiyya, Kain nug ban ha, amag Abel makkuɗe mauhom.

Aposel 23:21

Amge ag hambubutteb amunu, na ahilag nai amu aib dim lamidme. Aɗinu? Ag Juda danab 40 eɗittak amu ag Pol qeppeg mauhkkunu inam nai ɠagattag qettan appig. ‘Ig ee le ele paha ii lamata. Iitta. Ig hamu daapput ukkeb, ig Pol qepput mauheb dimppa ig eɗut ee lakkunig.’ Ag anam appig. Ag anam hekkulagnu mattin bappaidppig amu geha iikku ag na ahilag nai amu doon, aɗi appe dooglagnu ameg mak daatteb,” awa aum.

Aposel 20:3

Grik wanppa ta, appa nug kalam ewam dayowa, amu dimppa nug aha, uub awa Siria gokkunu haaha, Juda ag nug qeppeg mauhkkunu nai qagappig doyom amunu, nug eɗua Makedonia gokkunu dabmeum.

Luk 4:29

ag ahan, Jesus aona, aab okkai dimittim goppig. Aab okkai ahilag amu qauko attan appa dayom amunu, ag Jesus aona, qauko amuppa tena, aon aab giginppa wana, buɗippeg baippa nokkunu heppig

Mak 6:19

Jon aum, diig amunu ele Herot wau Herodias nug oo aeg be, nug Jon qeeb mauhkkunu heum, amge elele iitta.

Prowerb 28:17

Danab nug laa qe mauhtte amu, nug moɗppa nokkunu oola gotte; auntai laa nug nuhig haknu nob aomanu aib ehanittom.

Prowerb 26:24

Danab nug laa guittak medakkunu hette amu, nug aɗi nai maditte, amuppa nug am danab ena dooglagnu hekkutai; amge nug ooppa, nug hambuppua, kobol nau hekkunu maittak aotte.

2 Samuel 13:22

Amu Apsalom nug, nug Amnon amegppa nai ena nakok laa, o nai eheɗ nakok laa ii mattiom, amge nug Amnon he, nug appinag uɗa nak nau guittak ele doyaya oiyom dabmeum amunu, nug Amnonnu nau ninig ele doyom.

1 Samuel 24:11

O mama, antte! Gemu geha iikku da nahip lamen elab amu nob nakok otaɗe aomi iikku, amge da na ii nittai mauhme. Am na amu anidna, dabmena, geha na diig amuppa na oot maitteb dookkut; da na nidappi ii mauhmana! Iittanab! Laa amu, da nahip nai tabappi nekkunu, o nahip aben aokkulnu ii hettem. Da nahip-ppa keeke eheɗ laa ii hettem, amge na am da iuppe mauhkkulnu banel oittem.

1 Samuel 20:1

Amu be dimppa amu, Dawit nug aab onig Naiot, Rama guguittak dayom amu, nug aab amu uua, nug Jonatan anidkkunu ukkom. Nug ukka, Jonatan gumitta ta, nug Jonatan oɗ mettom. “Da kobol nau aɗi hemi? Da ɗo aɗi tippalmi? Da keeke nau aɗi hemi amunu, na mamen nug amuppa guittak doyaya, gemu nug da iweb mauhkkulnu hette?” awa aum.

1 Samuel 18:25

Ag Saul amegppa anam aeg, Saul nug he, ag Dawit amegppa akkulagnu eɗun goppig. Ag nug amegppa inam akkulagnu aum. “Aɗeg daden en amu, king nug keeke laalanu oo ii daatte. Iitta. Nug inamnu oo daatte. Geha na gona, Pilistia ban danab 100 aqappe mauhppeg, geha na hipalag gaɗa amu otaɗadna, akkan Saul toppa uɗie, amu geha ah daden daakku. King nug Pilistia ag kobol nau kuɗum ig Israel ihinigppa heppig doya, nug Pilistia ag amunu nob nau aoglagnu laa amu, ag anam mauhkkulagnu oo daatte.” Saul nug ag Dawit amegppa anam akkulagnu aum, amge Saulnu dabmaknab am, “Geha Pilistia ag banppa Dawit qeppeg mauhkku,” dayom.

Genesis 4:5

amge Kainnu, nuhig mana mettak elenu amu, Yawe Nug ena ii antte, Kain nug oo huana nauhe, nug iɗu ele nauha, tigugɗe dayom.

Namba 35:19

Hettoɗiak danab ag laa nug layag qe mauhom ele tutukku hettoɗidna malan, danab amu nug doyaya, laa qe mauhom anidna, ag heppeg, danab nug layag doyaya, qe mauhom ele amu, ag nug eɗua, aab digppa ukkeb, laa nug qe mauhak danab nob ma qeeb mauhkkunu daatte amu, nug qeeb mauhkku. Ao, laa nug qe mauhak danab qeeb mauhkkunu daatte amu, nug antta, amu qeeb mauhkku.