Namba 35:19 - Nobonob Baibel

¹⁹ Hettoɗiak danab ag laa nug layag qe mauhom ele tutukku hettoɗidna malan, danab amu nug doyaya, laa qe mauhom anidna, ag heppeg, danab nug layag doyaya, qe mauhom ele amu, ag nug eɗua, aab digppa ukkeb, laa nug qe mauhak danab nob ma qeeb mauhkkunu daatte amu, nug qeeb mauhkku. Ao, laa nug qe mauhak danab qeeb mauhkkunu daatte amu, nug antta, amu qeeb mauhkku.

Namba 35:19 Referans Kwoze

Josua 20:5

Amu laa nug qe mauhak danab nob ma qeeb mauhkkunu daatte, nug danab amu qeeb mauhkkunu uɗieb amu, aab amunu ikki danab ag danab amu aon, nug eppegppa qeeb mauhkkunu ii memana. Aɗinu? Nug ii doyaya danab qe mauhom. Nug hekkunu dabmaama ii heum.

Josua 20:3

Aun laa nug ii doyaya laa qe mauhom amu, nug aab okkai amunu laa, nug amuppa oola ukka daakku amunu, nug ukka appa dayebeb, laa nug qe mauhak danab nob ma qeeb mauhkkunu daatte, nug danab amu qeeb mauhkkunu elele ii daakku.

Duteronomi 19:12

danab amu heum, nug appagppan ikki danab ag hena, qe mauhak danab amu ii doyaya, laa qe mauhom ehanittak aab amuppanu aon, laa nug qe mauhak danab nob ma, qeeb mauhkkunu daatte amu, ag nug eppegppa meppeg ukkeb, qeeb mauhkku.

Duteronomi 19:6

Amu ii doyaya laa qe mauhomnu ehanittak aab okkai am uma, miag ii daakku dayeb, diig amunu, laa nug qe mauhak danab nob ma qeeb mauhkkunu daatte ele, nug oo nauhak nau doyaya, nug laa tatam danab ii doyaya qe mauhom ele lamitta ukka ukka, ibppa antta, qeeb mauhkkunu elele. Laa nug tatam laa qe mauhom, amge ii doyaya heum, nug nuhignu nau ninig ele matu ii doyom amunu, nug ii mauhlo, amge ib amuppa mauhkku.

Namba 35:27

laa nug qe mauhak danab nob ma qeeb mauhkkunu daatte amu, nug qe mauhak danab aab okkai dimittim anidkku amu, nug qeeb mauhkku. Nug anam hekku amu, nuhignu, ‘Nug am qe mauhak danab,’ dabmak amu ii daama.

Namba 35:24

Nug am laa qeeb mauhkkunu dabma ii heum amunu, nuhikkud mudippan laippu ikki danab, ag nug keeke amunu hettoɗidtteb ele, ag ɗo amuppa nug hettoɗidna, ⌊nug ii mauhmanu⌋ ehanidkkulag.

Namba 35:12

Aab okkai amuam, laa nug laa qe mauhom ele, mauhak layag laa nug qe mauhak danab qeeb mauhkkunu daatte amu, nug wana qeeb mauhmanu, laa layag qe mauhom amu, nug aab amuppa, guppiɗ dimugppa lokkumak dayak bia, nug appa nuhig hettoɗiak ii hak haenppa daakkunu daaglag.

Genesis 4:14

Gemu na da wan imuppanu, na noompanu lamiɗttem amunu, da haen oh aben laippuppaib ii daapa; qati qati oikkul. Danab laa da aniɗa, nug duul ob mauhkkul,” awa aum.

Namba 35:18

O iitta, aun laa nug ad maha laate bannu keeke bia awa, laa makkuɗe mauhtte amu, nug am qe mauhak danab. Ag danab duug wak amu heum, ag nug qeppeg mauhkku.

Namba 35:20

Danabte, o ahte nug oo aeg bak doyaya oiyaya, laa ehaleb, o keeke laa buɗieb ukka, laa qeeb mauhkku, o iitta nug laa kekeɗ metta, eppeg bitakka, laa makkuɗeb mauhkku amu, nug amu, nug aakku qe mauhak danab daatte. Ag laa nug amu heum, ag nug qeppeg mauhaɗ! Laa nug qe mauhak danab nob ma qeeb mauhkkunu daatte ele, nug antta, qe mauhak danab amu qeeb mauhkku.

2 Samuel 14:7

Am gemu da gamulnu aab ikki laa oh ag ahan uɗin, ag da amelppa, ‘Ig nug qepput mauhkkunu amu, na bekkat, nug layag qe mauhom ele amu, na nug ig mekke!’ aon atteb. Ag anam atteb, amge oolagppanab ag ihinig wan aoglagnu oolag hette amunu, ag da bekkal qeppeg mauhkku dayeb amu, ag wan amu aoglag. Ag da bekkal qeppeg mauhkku dayeb amu, kobol amuppa ag heppeg, da dakkanab, ehanittak laa iitta daakkul; aab ottag laippuib qaɗabppa dayebeb, laa nug ukka ottag amu aokku, da qaɗab amubia daakkul. Ag amu hekkulag dayeb amu, da gamul onig Israel ooppa ii daama. Ag amu hekkulag dayeb am, da gamul nug ii dayom bia daakku,” awa aum.

2 Samuel 14:11

Nug anam a amu, ah nug aum. “O dahil king, anam dayeb, laa nug qe mauhak danab nob ma qeeb mauhkkunu daatte amu, nug amu hemanu na Yawe, nahip Kayak, na Nug onig aon, nahip nai ɠagattag qettan, am laa nug da bekkal qeeb ii mauhmanu akkutnu ool daatte,” awa aum. Nug anam a amu, king nug aum. “Yawe Nug genab bau daatte, genab amubia laa nug eheɗ nakok laa na bekkat beɗuppa iinab hema,” awa aum.

Ikki Danab 8:19

Aa anam aeh, amu Gideon nug aum. “Ag am da awalad, amalad ele! Da anil ag menuattom! Am genab, Yawe bauklel daatte, genab amubia, ag dahilad amu ii aqadlop amu, da aa ii aqatlom,” awa aum.

2 Samuel 3:27

Anam daye, haen Apner nug eɗua Hebron uɗie amu, Joap nug aabnu aɗ odppa dayaya, nug Apner ele aa laih danab ii daattebppa goya, aya daayya, nai mattiglahnu he goya, appa Joap nug Apner big qep-ppa ye mauhom. Apner nug Asahel ye mauhom amunu, Joap nug gemu nob ma, Apner ye mauhom.

2 Samuel 3:30

Amu diig aɗinu Joap, nug amag Abisai ele aa Apner qeeh mauhom? Apner aɗi ag Gibeon appa ban henana, appa Apner nug Joap, Abisai ele amalah Asahel qe mauhom, amunu aa anam hepiɗ.