Namba 33:52 - Nobonob Baibel

⁵² ag danab wan amuppa daatteb ele lamatteg! Ag ahilkad kayak hambuppuak dottolkad adppa hoyattak, ahilkad kayak brasppa, o aenppa eppelagppa hadappig ele amu, ag heppeg nauhppeg, ag kayak hambuppuak dilag mettid lag nakok oh ele loppaɗadna heppeg nauheg!

Namba 33:52 Referans Kwoze

Lewitikas 26:1

Ag aib kayak hambuppuak dottolkad hadappig. Ag aib ahilag wanppa kayak hambuppuak dottog laa, o men gappi laa qabappig. Ele amu, ag men hoyak ele laa, keeke amu noobppa dup nona binag mekkulagnu, ahilag wanppa aib meppig. Aɗinu? Da am Yawe, ahilag Kayak.

Eksodas 23:24

Ag amu dilag kayak hambuppuak noolagppa aib dup nona binalag meppig. Ag kayak hambuppuaknu dabmak ele aib dim lamidppig. Ag kayak hambuppuak dottolkad aoɗna, maduduɗadna, heppeg nauhppeg, men gappi ele heppeg nauheg!

Ikki Danab 2:2

Am ahilagnu amu, ag danab ah wan imuppa daatteb ele, ag ag ele nug tituana nai qakkak ii hemana. Iitta. Ag amu dilag qaɗab loppaɗadkkulag,’ awe ami. Amge ag da oɗel ii dim lamidppig. Aɗinu ag anam heppig?

Josua 23:7

Ag aib Kanan danab, wan imuppa daatteb ele layam daappig. Ahilkad kayak aib onilag diippig. Ag aib kayak amu onilagppa ahilag nai ɠagattag qedappig; ag aib ahilagnu dup nona binalag meppig, o ag waalagppa daan, ag oɗelag dim lamidppig.

Duteronomi 33:29

O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.

Duteronomi 31:5

Yawe Nug danab ah wan amuppa daatteb ag eppelagppa maatteb, amu ag da haknunab anak nai ahilagnu ami bia ahilagppa hekkulag.

Josua 9:7

Ag anam aeg amu, Israel ag nai nob mena, Hiwi danab amelagppa appig. “Ag am miag ippanu iitta amu, ig attem heta doognig? Ag am miag ippanu anam doyadkkunig dayeb amu, ig ag ele nug tituanak ii hemata,” aon appig.

Josua 11:15

Am Yawe Nug nuhig maɗi nid Moses amegppa anam haknunab a, anamnab Moses nug Josua amegppa anam hekkununab aum. Amu Josua nug anamnab hekkunu, anak amubia, nug heum. Nug Yawe, Moses amegppa haknunab aum amu, nug nai amu oh tutukku dim lamitta heum.

1 King 11:7

Jerusalem qauko heqo laih aam bedeppanu ukkakppan, appa qauko nakokppa Solomon nug aben aɗit babaittom; laa am Moap dilag kayak Kemos, Kayak Nug nuhignu ooppa uuaknab dootte amu, nug nuhig mettid lag nakok babaittowa, laa am Amon dilag kayak Molek, Kayak Nug nuhignu ele ooppa uuaknab dootte amu, nug nuhig mettid lag nakok ele babaittom.