Namba 33:46 - Nobonob Baibel

⁴⁶ Ag Dibon Gad uun, ahan gona, Almon Diplataim appa haen tutu dayaknu aab kalan daappig.

Namba 33:46 Referans Kwoze

Esekiel 6:14

Da heppi, uug naunab ahilagppa beeb, wan ahilagppa tom adeppa adeppa daatte, am nauhakib daakku; amuam yau uɗitteppanu tomppa, appa am atu taɗak nau, tom amuppan ukka, yawalti uɗitteppanu tomppa aab onig Dibla daatteppa, tom amu batak am atu anamib daakku. Da amu heppi, ag dooglag, da am Yawe.” Yawe Nug anam awa atte.

Jeremaia 48:22

Dibon, Nebo, Bet Diplataim,

Jeremaia 48:18

Ag danab ah Dibon daatteb, ag binag amahlak oppiaawak ele, ag binag amu uun, ag nena, wan qaɗaiettaknab, amuppa dayeg! Aɗinu? Laa nug Moap heeb nauhkku amu, nug ahilagppa banelag uɗia, nug ban ha, ahilag aab ɠagattag aɗ ele oh heeb nauhkkulag.

Aisaia 15:2

Moap danab ah Dibon aabppa daatteb, ag amu doon, ahilag mettid lakka, ahilag kayak hambuppuak dilag mettid lag nakokppa ele tena, appa gaaglag. Ao, kekeɗ ag aab aɗit Nebo, Medeba ele, ag amu heppeg nauhpeɗ, Moap danab ah ag amunu dabmenana, ag qanaglag. Moap danab ah ag uug naunab doon gaan, ag ohnab ikkilag uɗug otaɗna, bikkalag ele daaglag. Ag id ele aoglag.

Namba 32:34

Gad danab ag aab Dibon, Atarot, Aroer, Atrot Sopan, Jaser, Jogbeha, Betnimra amu Betharan ele eɗun bappalatteg, ag aab okkai ɠagattag aɗ ele daaegeg, ag ahilkad sipsip, meeme ele dilag aɗ ele italadppig.

Namba 21:16

Anam aakku amu, Israel danab ag Arnon le uuidna, ahan gona, aben onig Ber, appa goppig. Le moɗ amuppa Yawe Nug Moses amegppa aum. “Danab ah diin qagmaadppe, geha da ag le madakkul,” awa aum.

Namba 33:45

Ag Iye Abarim uun, ahan gona, Dibon Gad appa haen tutu dayaknu aab kalan daappig.

Namba 33:47

Ag Almon Diplataim uun, ahan gona, Nebo guguittak, Abarim qaukoppa daatte, appa haen tutu dayaknu aab kalan daappig.