Namba 32:27 - Nobonob Baibel

²⁷ Amge ig nahipad maɗi nid amu, ig oh, ig geha Yawe noobppa ban hekkunignu bannu keeke aɗualadta, Jodan le mataɗta, laih uppa gokkunig. Ig geha na ame bianab hekkunig. Na am ihinig naɗi, ig amu nahip maɗi nid,” aon appig.

Namba 32:27 Referans Kwoze

Josua 4:12

Israel dilag huu okkai Ruben, Gad, amu Israel dilag huu okkai Manase mahaib ele, amu dilag ban danab, ag Israel danab ah laa noolagppa, Moses amelagppa aum bia, ag hena, Jodan le mataɗna goppig. Ag bannu bappaidna goppig.

Namba 36:2

“Yawe Nug na, ihinig naɗi, Nug na ig Israel, na om ena yaak kobolppa hena, aulag wan paniadna, ihinig daakkunu megakkutnunab aum. Amu Nug na ig lainig Selopehad aug wan amu, ig nug aɗekkud madakutnunab ele aum.

Namba 32:17

Amge ig danab amu, ig bannu keeke aɗat, Israel laa oh ele noolag aot diit, aben ag daaglagppa gopput, ag aben amu aon malan daaglag. Ig anam hekkunignu dabmettem, amge haen gamag imuppa, wan imuppan danab ag ihinkad ah, nid ele aqamnanu, ihinkad ah, nid ele ag aab okkai ɠagattag aɗ eleppa daaglagnu dabmettem.

Namba 12:11

Antta, nug Moses amegppa aum. “Dahil naɗi, da Miriam ele i dabmak tutukku iittappa heɗa, kobol amu dim lamidɗa, hipunin imu hemuɗ, amu na hipunin amu uhuqna metakkutnu oɗ medattem.

Namba 11:28

Amu danab bau anam a, amu Josua, Nan bekka, haen nug danab bau dayaya, nug digma, Moses ehanittatta dayom ele, nug aum. “Danab okkai dahil, appe uueɗ!” awa aum.

Namba 32:28

Ag anam aeg amu, Moses nug mana mettak danab Eleasar, Nan bekka Josua, amu Israel dilag huu okkai ooppan baelkadppan anen anen dilag ikki danab ag Gad buɗub, amu Ruben buɗub ele, danab amu ag attem attem hekkulagnu amu amelagppa aum.