Namba 31:54 - Nobonob Baibel

⁵⁴ Moses, mana mettak danab Eleasar ele aa ban daup ikki danab dilagppan gol amu diiya, mettid haknu peh lag danab ah appa qagmetteb ele, aa amuppa aoya nopiɗ. Amuam Yawe aɗi heum, amu Israel ag anidppeg, dabmak ahilagppa daakkunu at daakkunu mepiɗ.

Namba 31:54 Referans Kwoze

Eksodas 30:16

Na Israel danab ag qagaiettak amuppa daamnanu uhuqak aoglagnu men doɗo amu da meɗaglag amu, na men doɗo amu ahilagnu aoppe, men doɗo amuam dahil mettid haknu peh lag danab ah appa qagmetteb ele, am lag dahil amu dabmettaknu daakku. Am geha haen oh amuam da Yawe, da hei, Israel danab ag ii mauhppig amu, am amunu at daakku,” awa aum.

Sekaraia 6:14

Amu haɗ amuam Yawenu mettid lagppa appa, danab ah ag Heldai, Tobia, Jedaia, amu Sepanaia bekka Josaia ele dabmettaglagnu daakku.

Aposel 10:4

Nug anam a amu, Kornilius nug ameg behabe, engel neekkittatta, huanak baɗaɗa nug aum. “O naɗi, amu aɗitai?” awa aum. A aria engel nug amegppa aum. “Kayak Nug nahip unuqittak doya, amu daɗek ehanittak kobol nahip ele antta, nahipnu dabmette.

Luk 22:19

Nug anam awowa, Nug bret awa, Mameg amegppa, “Ena heme” awowa, pane ne, pania madatta Nug aum. “Imuam da beɗul, da amuppa ag ehanadkkulnu madattem. Ag dahilnu dabmekkulagnu lanaknu kobol imu heig!” awa aum.

Sam 145:7

Ag geha nahip ena hak okkainabnu oolag gamag ahak okkainab dooglag. Ao, ag nahip genab tutukku hak kobolnu ahi ettaladkkulag.

Sam 115:1

O Yawe, danab ah ag ig Israel, ag ig binanig okkai mekkaglagnu am oonig ii daatte. Iitta! Ig genabnab danab ah laa ag binanig maknu oonig ii daatte. Amu na oo mauhaknab kobol dim lamidnana, na oo metta ii uuak kobol ele dim lamidttem amunu, diig amunu danab ah ag na binan mekkulag am tutukku.

Sam 18:49

O Yawe, na anam hettem amunu, da na onin danab ah oh oolagppa humakkul. Ao, da na onin humakkulnu ahi edakkul.

Josua 4:7

Oɗ madappeg amu, ag inam appeg dooglag. ‘Yawenu Tituanak Nainu Kunup kontrak inak ele amu, kunup amu ukka, le daugppa dayeye, Yawe Nug he, Jodan leppa tak imuagppa, attan amuppanu le nekkunu ii heehe, kunup dayomppanu le ippu imuagppa, uppa qagmeum. Haen kunup amu Jodan le mataɗom amu, Yawe he, Jodan le amu otaɗe, nak iittanu eɗua le ibuppa nakok attan titiɗom. Anam beum amu, men amu Israel danab ah ag haen oh amunu dabmekkulagnu at daatte.’ Ag anam aon akkulag.” Josua nug ag amegppa anam aum.

Namba 16:40

Yawe Nug Moses amegppa a, Moses nug amelagppa nug anamnab hekkunu aum bianab heum. Anam haknu diig am, at amuam Israel danab ag amelagppa hanhan daakku. Anam dayeb amu, ag anidna, auntai laal iitta, Aron buɗubppan ag aakkuib Yawe noobppa kalu danab ile, muttuɗig enanag bette ele amu amotkkulag. Kora laikkud ele ag anam hena mauhppig, am laa ag ele anam helob amu, ag ele mauhlob.

Eksodas 28:12

Ag amu hewona amu, ag men aɗit amu lamen enanag-epodnu qatti aɗit gukka laih laih tonat-ttep amu, ag amuppa qakkalatppeg, am geha Israel dilag huu okkai 12 dilag at daaglah. Anam daaglah amunu, am geha Aron nug gugappa ag onilag mawebeb, da Yawe, da anttena, da dahilad danab ah doyeye, deɗ oh dabmekkul.

Esra 7:5

Buki mameg am Abisua. Abrisua mameg am Pinias. Pinias mameg am Eleasar. Eleasar mameg am Aron. Aron nug mana mettak ikki danab dayom.