Namba 31:50 - Nobonob Baibel

⁵⁰ Amunu ig anen anen golnu keeke Midian dilagppan aomut ele amu, ig Yawe mettagnignu akkat uɗimut. Keeke amuam nuhignu mana mettak bia aakku. Keeke ig Midian dilagppan aomut ele amu inam; eɗi, eppelag baagppan eɗi, ahilkad doyaknu at ringppa daatteb, daulagppan bala, am kalele ele. Ig keeke amu ihinig eheɗ haknu nob nau amuppa iitta mekkunu hepput, elele medakkunu aakku Yawe noobppa hettem,” aon appig.

Namba 31:50 Referans Kwoze

Eksodas 30:12

“Na Israel danab onilag aon, uɗugppa yaabppe, danab laib laib oh ag mauhmananu, ag qagaiettak amuppa daamnanu uhuqak aoglagnu, ag men doɗo laa, da meɗaglag amunu, haen ag anam heppeg amu, geha oɗe nau danab kuɗum aqe mauhtteb ele beeb, ag padal ii memana.

Sam 116:17

O Yawe, da na noomppa ena heme anaknu ofa hein medakkul. Ao, da Yawe unuqidkkul.

Sam 116:12

Da aɗitai keeke laa Yawe Nug dahilnu ena heumnu nob ena medakkulnu laa iitta.

Sam 107:15

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Lewitikas 17:11

Aɗinu? Keeke oh bau daatteb ele amu, ag tiigppa bau daatteb. Qaɗabppa amu, mana mettak danab nug heeb, ahilag eheɗ haknu nob nau tiigppa iitta meeb elele medakkunu hette amunu, da ag eheɗ haknu nob nau tiigppa iitta meeb elele medakkunu hekkulagnu tiig ag mattami.

Eksodas 35:22

Am danab ah ele oh, ag oolag heum ele amu, ag bala digdig iɗu iɗu ele akkan, aon uɗippig. Amuam pin momoppa maknu, eppelagppanu ring, ring daulagppanu, kalele baalagppanu, amu gol bala digdig laa ele. Am danab ah ag keeke amu aon uɗin, amuppa ag huma epponitta mettaknu ofa hena, Yawe medappig.

Namba 31:49

ag nug amegppa appig. “Ig nahip maɗi nid amu, ig daup ihinig, ig ag gumadttem ele amu, ig ag ebaqadmut, amu laippu laa ii qettoɗom.

Namba 31:51

Ag anam aeg amu Moses, mana mettak danab Eleasar ele aa ag eppelagppan gol amu aopiɗ. Keeke oh golppa kobol kobol ele hattak.