Namba 29:25 - Nobonob Baibel

²⁵ Deɗ amuppa ag ele ib etta hipunin haknu ofa henana, ag meeme dawai laippu ele manan, Yawe mettaglag, amge ag deɗ oh hanhan manaknu ofa, amunu ee aegnu ofa, wain gokkaɗaknu ofa ele hetteb amu, ag amu ele anamib hekkulag.

Namba 29:25 Referans Kwoze

Hibru 13:15

Danab laa ag Kayak binag mekkulagnu amu ag doɗ keeke main Nug medatteb, amge ihinignu amu, ig Jesus uɗat naɗi ihinignu heum, ig amuppa, mana mettak bia hanhan Kayak binag metu! Ig amu hekkunignu amu, ig oɗenigppa Kayak Nug am ihinig Naɗi akkunig.

Hibru 10:39

Amge ig am danab ag Jesus dimettan padal metteb ele, danab amu oolagppa ii daattem. Iitta! Ig am danab ag nuhignu oolagppa genab doon, bauklel aotteb ele amu, ag oolagppa daatteb.

Hibru 3:14

Aɗinu? Ig Kristus ele tamanit, laippu daagnignu ib am laippuib. Laa iitta. Ib amuam inam. Ig tatam Kristusnu oonigppa genab doomut amu, ig amuib aɗapput ukkeb, mauhak haen ihinigppa ele ooppa genab doyak nuhignu amu aakkuib aɗagnig dayeb, amuppa ig genab Kristus ele tamanit daattem.

2 Tesalonaika 3:13

Amge O lainkad, ahilagnu amu ag uɗat ena hak kobolnu aib oolag bahi yeeb uuppig.

Galesia 6:9

Amunu ig kobol ena hekkunignu amu ebehinig aib bodoettom. Ig ebehinig bodo-ii-edakku amu, aria geha meu awak haenppa ig meu ena aakku aognig.

Galesia 2:5

Amge ig Nai Ena ag iitta aɗi, ahilagppa hanhan daakkunu oonig dayom amunu, ig gaɗalag Kristen dilag nai amu nakoknab laa ii dabmemut.

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Aposel 13:43

Ag anam ana qatina, Juda kuɗum amu iitta aɗi danab ele, ag Juda dilag mettid dim lamidna Kayak noobppa dup nona binag meppig ele, ag ahan, Pol, Barnabas ele dim lamatppig. Amu aa danab amu ag Kayaknu ehanittak okkai hamu megatte ele, ag amunu oolagppa genab doon oiglagnu apiɗ.

Jon 8:31

Juda danab ag Jesusnu oolagppa genab dooppig ele amu, Nug ag amelagppa aum. “Ag ippunittak nai dahil dim lamidtteb dayeb amu, ag am genab ippunittak awak danab dahiladnab daaglag.

Namba 29:11

Amu ahilag eheɗ haknu nob nau doɗ tiigppa iitta meeb elele medakkunu amu, ag ib etta hipunin haknu ofa henana, ag meeme dawai laippu ele manan, Yawe mettaglag. Am ag deɗ oh hanhan manaknu ofa, amunu ee aegnu ofa ele hetteb, amu ahilag eheɗ haknu nob nau tiigppa iitta meeb elele medakkunu, ag ib etta hipunin haknu ofa ele hetteb amu, ag amu, amu wain gokkaɗaknu ofa amunu ele hekkulag, amge ag mana mettak laala imu ele hekkulag,” awa aum.

Genesis 37:31

Nug anam a amu, dimppa ag meeme laa baag otaɗna, ag Josepnu lamen elab aon, tiigppa aɗaeg noum.

Namba 29:24

Makau gaiɗ, sipsip dawai, sipsip gaiɗ ele oohoak haknu amu, ag ee aegnu ofa, wain gokkaɗaknu ofa, ahilag ebqak epeɗiak daatte, amuppaib hekkulag.

Namba 29:26

Aria, hobul imunu deɗ laa, deɗ tanig eleppa amu, ag mana mettak imu ele hena, Yawe mettaglag: makau gaiɗ eblaih waɗele, sipsip dawai aɗit, sipsip gaiɗ 14 maɗ laippu awak ele; ag beɗulagppa eheɗ laa iitta ele.