Namba 28:15 - Nobonob Baibel

¹⁵ Ag manaknu ofa, nuhig wain gokkaɗaknu ofa ele deɗ ohppa hena amu, ag meeme dawai laippu ib etta hipunin haknu ofa daakkunu ele manan, da meɗaglag,” awa aum.

Namba 28:15 Referans Kwoze

Namba 28:3

Amu Yawe Nug tuɗitta aum. “Na inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Deɗ anen anen oh ag doɗ, aab aɗunu ofa daaglagnu, ag aon, Yawe gumidna wana, Nug mettaglag amu, ag keeke imu maiglag: sipsip gaiɗ aɗit, maɗ laippu awak ele, beɗulahppa eheɗ laa iitta. Ag deɗ anen anen manaknu ofa daaglahnu managlag.

Namba 28:22

Eheɗ haknu nob nau doɗ tiigppa iitta meeb elele medakkunu amu, ag meeme dawai laippu laa, ag ib etta hipunin haknu ofa ele hekkulagnu manan meɗaglag.

Namba 15:24

“Israel oh ag hipunin ii doonna heppig dayeb amu, tamaniak oh ag makau gaiɗ laa manaknu ofa hena, doɗ amu manan, Nug mettaglag. Ag makau gaiɗ, amuppa mana mettak henana, ag Yawe aum bia, ag ee aegnu ofa hena, ag wain gokkaɗaknu ofa ele hekkulag. Mana mettak amunu muttuɗignu, Yawe Nug ooppa ena dootte. Amu ag meeme dawai laa ib etta hipunin haknu ofa daakkunu ele Nug mettaglag.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Rom 8:3

Amu inam. Ig oonig alag nug he, ɗonu ɠagattag am gai-iitta dayom amunu, ɗo nug heeb, ig ena bekkunignu elele iittanab, amge keeke ɗo nug hekkunu elele iitta amu, keeke amu Kayak nukka heum. Kayak Nug nukka Nug Bekka me uɗia, danab beum. Nug beɗu am, ig hipunin danab, ig beɗunig bia tagittom, amge Nug am hipunin laa iitta. Amu Jesus Nug ib etta hipunin haknu ofa dayeb, amuppa Kayak Nug ihinig hipunin uhuqa megakkunu, Nug Jesus me uɗiom. Ib amuppa amu, Kayak Nug danab ah ag hipunin waappa ii daamnanu heum.

Lewitikas 16:15

Nug amu ha malowa, Aron nug danab ah dilagnu ib etta hipunin haknu ofa hekkunu nug meeme baag otaɗeb mauheb, tiig awa, nug Oo Gun Ele, Oo Gunnab Ele makkulaknu lamen, nug lamen amu ooppa, nug makau tiigppa heum bia anam meeme amu tiigppa hekku. Nug tiig amu Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, nug ameg amu tauɗ qedakku. Nug anam hewowa amu, nug haen eblaih aɗit tiig amu aben Tituanak Nainu Kunup ameg noobppa daatte, aben amuppa tauɗ qedakku.

Lewitikas 4:23

Haen nug hipunin heum doya amu, nug meeme dawai laa, eheɗ laa beɗuppa iitta ele amu awa, nug hipunin heumnu mana mettak hekkunu wakkuoitte.

Genesis 37:31

Nug anam a amu, dimppa ag meeme laa baag otaɗna, ag Josepnu lamen elab aon, tiigppa aɗaeg noum.

Namba 28:14

Doɗ anen anen mana mettak henana amu, ag wain gokkaɗaknu ofa ele hekkulag. Makau dawai anen anen elenu amu, ag 2 lita wain aon hekkulag; sipsip dawai elenu amu ag 1 lita maha ele aon hekkulag; sipsip gaiɗ maɗ laippu awak elenu amu, ag 1 lita aon hekkulag. Mana mettak amuam maɗ ooppa, kalam anen anen oh, kalam kunum digma bette, haen amuppa hekkulag. Mana mettak amu oh am, manaknu ofa aakku.

Lewitikas 16:16

Ib amuppa, mana mettak danab nug doɗ amu mana, Kayak medatta, nug heeb, Oo Gunnab Ele am Kayaknu neekkakppa oppiaawak daakku. Nug amu hekkunu diig am, Israel danab ag Kayak ele ouqa dayaknu elele iitta, ag hipunin henana, nai tappe nak ele hetteb amunu, ag aɗi aɗi hipunin heppig, nug amunu amu hekkuoitte. Aria, nug mettid haknu peh lag danab ah appa qagmetteb ele, nug lag amunu ele anamib hekku. Israel ag Kayak ele ouqa dayaknu elele iitta daaegeg, lag amu ag oolagppa daatte amunu, nug anam hekku.

Namba 28:30

Eheɗ haknu nob nau doɗ tiigppa iitta meeb elele medakkunu amu, ag meeme dawai laippu laa manan, Yawe mettaglag.

Namba 29:5

Amu ahilag eheɗ haknu nob nau doɗ tiigppa iitta meeb elele medakkunu amu, ag ib etta hipunin haknu ofa henana, ag meeme dawai laippu manan, Yawe mettaglag.

Namba 29:16

Deɗ amuppa ag ele ib etta hipunin haknu ofa henana, ag meeme dawai laippu ele manan, Yawe mettaglag, amge ag deɗ oh hanhan manaknu ofa, amunu ee aegnu ofa, wain gokkaɗaknu ofa ele hetteb amu, ag amu ele anamib hekkulag.