Namba 27:21 - Nobonob Baibel

²¹ Dimppa na mauhppe, nug attem attem hekkunu doyak aokkunu amu, nug mana mettak danab Eleasar noobppa hippaidkku, amu Elieser nug ehanittak amu aokkunu nug Urim, ⌊Tumim ele,⌋ keeke aɗit amuppa aokku. Josua, nuhig haknunab naippaib Israel danab ah oh ag keeke hekkulagnu ahan hekkulag; aria, nuhig haknunab naippaib ag keeke hekkulagnu uun ii hemana. Nug, Israel danab ah laa oh ele, ag oh anamib hekkulag.” Yawe Nug Moses amegppa anam aum.

Namba 27:21 Referans Kwoze

1 Samuel 28:6

Saul nug anam baɗa haaha, geha nug attem hekkunu Yawe oɗ mettom, amge oɗmak amu nob mak amu, Yawe Nug tul niiakppa, o Urim, ⌊Tumim⌋ eleppa, o propet laa oɗeppa oɗmak nob laa ii mettom. Iittanab iitta.

Josua 9:14

Gibeon danab ag anam aeg, Israel dilag ikki danab ag danab amu dilag bret italppig, amge ag amunu Yawe ii unuqidna, oɗ ele ii medappig.

Eksodas 28:30

Amu na Urim, Tumim ele, Aron nug amuppa nug da, Yawe, nug dahil dabmak attem daatte, nug amu dootte ele amu, na keeke aɗit amu ele ahilah abenppa, momo tonaknu lamenppa daattep amu, na aguppa inatppe dayeɗ! Na anam hekkut amu, haen oh Aron nug da, Yawe, nug da gukkuiɗa uɗiebeb, men aɗit amu, aa nug momoppa, uttu taub nuhig guguittak, nug da, Yawe, dahil dabmak doya, dabmedakkunu aakku daaglah amunu, nug Israel dilagnu aɗi dabmak aokkunu daakku dayeb amu, nug aakku aokku.

Nehemaia 7:65

Ag anam daappig amunu, Juda dilag gawana nug ag anam hamu daan, ag ee Kayaknu tituanaknab daatte ii lamananu aum. Ag uun, ii lappeg ukkeb ukkeb, mana mettak danab laa nug Urim, Tumim eleppan doyak aokku batak.

Esra 2:63

Ag anam daaeg, Juda dilag gawana nug ag anam hamu daan, ag ee Kayaknu tituanaknab daatte ii lamananu aum. Ag uun, ii lappeg ukkeb ukkeb, mana mettak danab laa nug Urim, Tumim eleppan doyak aokku batak.

1 Samuel 30:7

Dawit nug anam haaha, nug Ahimelek bekka, Abiatar, nug am mana mettak danab, nug inam amegppa aum. “Lamen enanag-epod aon uɗie!” awa aum. Nug anam a, Abiatar nug awa uɗiom.

1 Samuel 23:9

Saul nug nuhikkud ban danab qagmatte, dimppa Dawit nug Saul uɗia, nug qeeb mauhkkunu ha babaittom, nug nai amu doya, nug mana mettak danab Abiatar amegppa aum. “Lamen enanag-epod amu aon uɗie!” awa aum.

Ikki Danab 20:18

Amge ag ban ii heppig daanna amu, Israel ag Betel gona, Kayak oɗ mettan appig. “Israel dilag huu okkai atten nug banelag ukka, anuqa Benyamin danab ele ban hekkulag?” anan oɗ medappig. Ag anam Yawe oɗ mettaeg amu, Nug ag oɗelagppa awa aum. “Juda ag tatam anuqkkulag,” awa aum.

Ikki Danab 1:1

Josua mauhe dimppa amu, Israel danab ah ag Yawe oɗ mettan appig. “Israel dilag huu okkai atten am tatam banelag ukkeb, Kanan danab ele ban hekkulag?” aon oɗ meppig.

Duteronomi 33:8

Aria, Moses nug amu awowa, nug Israel dilag huu okkai Lewinu imu aum. “O Yawe, Lewi ag nahipnu oo metta ii uuak kobol dim lamidnana hetteb, amu na Urim, Tumim ele ag mattame. Am na Masa appa Lewi buɗub dilagppa ma anttak mettak ahilagppa heme. Ao, Meriba leppa, appa na Lewi buɗub ele mehqak heppig.

Lewitikas 8:8

Aakku Moses nug momo tonaknu lamen Aron aɗuitte te, nug Urim, Tumim ele diiata, lamen amunu battam ooppa inatom.

Namba 27:5

Ag anam appig amunu, Moses nug ahilag oɗmak amu awa, Yawe amegppa aum.

Namba 27:20

Amu ele, Israel danab ah ag nug oɗe dooglagnu, na ehah nahip ⌊da eppelppanu aome ele amu,⌋ na amu laala heppe, nuhigppa ukkaɗ!

Namba 27:22

Yawe anam amegppa a amu, Moses nug Yawe hekkununab aum bia heum. Nug Josua onigppa e uɗie he, Josua nug mana mettak danab Eleasar, Israel danab ah oh ele noolagppa hibaittom.

1 Samuel 14:19

Saul nug mana mettak danab Ahaiya amegppa anam mattieye, oqotti Pilistia dilag haen tutu dayaknu aab kalakppa okkainab ahom amunu, Saul nug Ahaiya amegppa aum. “Uuppe, ig ban hekkunignu gokkunig amunu, Tituanak Nainu Kunup aon aib uɗime!” awa aum.

2 Samuel 21:1

Amu Dawit king dayeye, haen amuppa Israel wanppa gu ii neene, maɗ ewam anam daye, danab ah ag eenu tutu maknab daappig. Ag anam daappig amunu, Dawit nug Yawe amunu oɗ metta unuqittom. Dawit unuqitte, Yawe Nug nug amegppa aum. “Saul nug baekkudppan ele ag eheɗ hena, ag Gibeon danab ii aqadlob am aqaeg mauheg, ag tiilag, Saul nug baekkudppan ele eppelagppa daatte amunu, uug imu wan imuppa beum,” awa aum.

Malakai 2:7

Nug amu heumnu diig am: Mana mettak danab nug doyak tutukkuib madikkunu daatte. Ao, danab ah ag mana mettak danab dilagppanu ippunittak aoglagnu daatte. Diig laa am, mana mettak danab anen anen ag am Yawe Nukka Ɠagattag Oh Elenu nai awa ukkak danab daatteb.

Namba 27:2

ag mettid haknu peh lag danab ah appa qagmetteb ele, ag lag amu odppa nona, Moses, mana mettak danab Eleasar, amu Israel oh dilag ikki danab ele noolagppa hippaidna daanna, ag appig.

Duteronomi 31:3

Amge Yawe, ahilag Kayak, Nugnab geha le mataɗa, ag noolag awa, anuqa gokku. Nug geha heeb, ag Israel ag danab wan anen anenppa appa ana daatteb ele, ag lamadna heppeg nauhppeg, ahilkad wan ag aon gumaglag. Yawe Nug nai aum bia, Josua nug ahilag ikki danab dayebeb, ag ele gokkulag.