Namba 24:3 - Nobonob Baibel

^3-4 Kayak Ouɗi nuhigppa uɗie amu, nug nai meunab ele mattiom. Nug inam aum. “Laa ag amelagppa keeke miagib anidtteb. Ao, laa ag Kayak nai mattieye dootteb. Laa ag Kayak Nukka ɠagattag Oh Ele tulegleg ippunatte anidtteb. Ao, laa ag Kayak noobppa gateg qaun ona, gomelna, iɗulag wanppa meeg, Kayak he, ag amelag obat-tte. Laa dilagnu anam daatte, amu ag oolagppan laa nug nai meunab ele imu maditte. Amu laa amuam da Balam, Beor bekka.

Namba 24:3 Referans Kwoze

Namba 23:7

Balam eɗua uɗia, Balak hibaitta dayeye antta, nug digma, Yawe aɗi nai amegppa aum amu, nug nai meunab ele amu mattiom. Nug aum. “Balak nug da appal Aramnu ahe, ippa uɗikkulnu aum. Yo, Moap dilag king nug he, da qauko, kaɗag uɗitteppanu daatteb, da appanu ippa uɗimi. ‘Na uɗin, dahilnu Jakop buɗub ag eheɗ laa awaknu anak waappa daaglagnu a!’ awa aum. ‘Ao, na uɗin, Israel ag nauhkkulagnu a!’ awa aum.

Namba 23:18

Balak nug Balam anam oɗ mette amu, Balam nug digma, Yawe oɗeppanu nai meunab ele mattiom. Nug aum. “Balak, na ahan, na nai doye! Ao, Sipor bekka, na da doiɗe!

Namba 22:31

Balam nug donki nai nob me amu, Yawe Nug he, nuhig engel, nug nuhig qep elab aɗaɗa, ibppa hibaitta dayeye anttom. Antta, nug laippun gateg qaun o, gomela auta awa, nug iɗu wanppa meum.

Namba 24:15

Amu Balam nug nai meunab ele imu mattiom. Nug inam aum. “Laa ag amelagppa keeke miagib anidtteb; Ao, laa ag Kayak nai mattieye dootteb; Ge, ag Laa Attannab Laa Oh Eɗattak, ag Nug eppegppanu doyak aotteb; Laa ag Kayak Nukka ɠagattag Oh Ele tulegleg ippunatte anidtteb; Ao, laa ag Kayak noobppa gatelag qaun ona, gomelna, iɗulag wanppa meeg, Kayak he, ag amelag obat-tte. Laa dilagnu anam daatte, amu ag oolagppan laa nug nai meunab ele imu maditte. Amu laa amuam da Balam, Beor bekka.

Job 29:1

Amu Job nug anam mattia mala, nug nai tuɗitta aum

1 King 22:17

Ahap nug anam a, aria Mikaia nug amegppa aum. “Da matu Israel dilag ban danab ag aben qaukoppa sipsip gumak danab iitta bia hamu matatun gona daaegeg anadmi. Am Yawe Nug inam a doomi. ‘Danab imu ag gumak laa iitta amunu, ag oh anen anen ag laulkadppa, maɗoɗ ele eɗun ukkeg!’ ” awa aum.

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.