Namba 24:18 - Nobonob Baibel

¹⁸ Nug geha Edom danab eɗadkku. Yo, nug geha Seir danab, ag am nuhikkud kekeɗ, nug ag oh eɗadkku. Amge Israel am ɠagattag daaglag.

Namba 24:18 Referans Kwoze

2 Samuel 8:14

Dawit nug Edom eɗattowa, nug nuhikkud daup laala ag Edom daaglagnu maattom. Nug anam maatte, Edom danab ag Dawit waappa daappig. Yawe Nug he, Dawit nug adeppa adeppa kekeɗ ele ban hekkulagnu ukkom amu, nug kekeɗ eɗadttom.

Genesis 27:29

Wanppan wan laalappanu danab ag na waatppa daaglagnu ool daatte. Ao, na amap, amu nug buɗuppud ele ag na waatppa daaglagnu ool hette. Danab laa nug na eheɗ laa anak waappa daakkutnu akku amu, nug eheɗ laa awaknu anak waappa daakkunu ool daatte. Amge danab laa nug itittak ena medakku amu, nug itittak ena aokkunu ool hette.” Aisak nug anam awa aum.

Aisaia 63:1

Laa nug Edomnu uɗitte am aun? Nug Bosranu, lamen kokoɗnab laittak ele uɗitte, amge nug am aun? Nuhig lamen am enanagnab, me nug am aun? Nug danab ɠagattag okkai naɗi ele, amu nug huana tappa uɗitte. Danab amu nug nukka, nug am aun daattenu am inam atte. “Imu da, da aɗi madittem amu, nai amuam genab tutukkuib. Da danab ah padal memananu ehanadkkulnu ɠagattag elelenab ele,” awa atte.

Aisaia 34:5

Amu Yawe atte. “Dahil qep elab nug hab aabppa aɗi uɗat hekkunu nai awa mala, qep amuam Edom danab ah bu madakkunu nekku. Da danab ah wan amuppanu, ag dahilnuib, dahil pelemppa daaglagnu ain malami amunu, am anam bekku,” awa aum.

Sam 60:1

O Kayak, na ig uuigme. Na ihinig kekeɗ ag ig eɗigkkulagnu heme. Na ihinignu oot nauhom. Na anam heme, amge gemu amu, na eɗun, ihinignu ena doon, ehanigkkutnu unuqidttem.

Genesis 32:3

Haen amuppa Jakop awag Esau, nug Edom wanppa, onig laa Seir, nug appa dayom. Dayeye, Jakop nug nuhikkud maɗi nid laa ag Esaunu nai aon gokkulagnu he goppig.

Genesis 27:40

Nahip ban hakppa na keeke aon oikkut. Ao, na, na amap waappa daakkut. Na anam daakkut, amge dimppa na bahi yaak dookkut. Na anam doonna, na wagai mena, uug nug na medatte ele amu, na buɗippe gokku,” Aisak nug anam awa aum.

Namba 20:18

Moses nug nai amu me, Edom dilag king toppa ukkom, amge nug nob ma aum. “Ag wan imu ooppa iinab wana gomana; ag doonna gokkulag amu, ig geha ahat, banelag gota, ag qep elabppa aqagnig,” awa aum.

Namba 24:19

Amu gumitta danab Jakop buɗubppanu amu, nug ba heeb, Seir ooppanu, danab aab okkaippa lokkumna daatteb bia, ag oh padal mekkulag,” awa aum.

Amos 9:11

Yawe Nug atte. “Ag Israel, ag Edom danab oɗo yaak daaglag gumaglagnu, ag wan atu laa oh danab ag anukka da onil waappa daappig ele, ag ag ele gumaglagnu da danab lag na qeum bappaitte, eɗua enanag daatte, laih atten nauhak daatte bappaitte, dayom bia eɗua daatte, da amubia ag Israel, da ahilagppa hekkul.” Yawe, Nug keeke amu oh heeb bekku amu, Nug anam awa atte.

Obadaia 1:2

Amu Yawe Nug atte. “Esau buɗub, da heppi, ag wanppan wan oh oolagppa nakoknab daaglag; danab ag ahilagnu ena iinab doon autna autnanab aoglag.

1 King 11:14

Aria, gemu Yawe Nug Solomonnu eheɗ hak, diig amunu, Nug he, Edom dilag king, nug baegppan danab laa Solomonnu kekeɗ beum. Danab amu onig Hadat.

1 King 11:15

Anukka King Dawit nug ban ha, Edom ban danab aqom. Aqe, Israel ban daup ikki anuqak Joap, nug Edom danab Dawit nug ban amuppa aqom amu, nug ag boumadkkunu ukka, nug appanu danab laa oh daappig amu, nug ag oh aqe mauhppig.