Namba 23:21 - Nobonob Baibel

²¹ Nauhak laa Jakop buɗub dilagppa bekkunu gemu ii daatte. Ao, Israel danab ah ag qagaiettak laa anidkkulagnu ii daatte. Yawe, ahilag Kayak, Nug ag ele daatteb. Yo, Nug ahilag king daatte, amu ewak amu ahilagppa daatte.

Namba 23:21 Referans Kwoze

Sam 23:4

Amu, O Yawe, da aben laa, appa gatatu nau ele daatte amu, da appa oikkul dayeb, na appa ele da ele daagnih amunu, da ii baɗapa. Nahip sipsip gumattaknu dudqak hokkat, nahip doɗ nau lamittaknu bu ele da oo maɗoɗ meɗattep.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Jeremaia 50:20

Yawe Nug atte. “Haen amuppa laa ag Israel danab ah ag hipunin atten atten heppig ele, ag hipunin amu eɗun anidna dabmekkulagnu mattiglag, amge ag ii anidmana. Ao, laa ag Juda danab ah ag hipunin atten atten heppig ele, ag hipunin amu eɗun anidna dabmekkulagnu mattiglag, amge ag ii anidmana. Aɗinu? Da Yawe, da heppi, Israel danab ah oɗo yaak daaglag. Ag anam daappeg, da amu dilag hipunin uhuqadkkul,” awa atte.

Aisaia 38:17

Am genab, da ehaniɗkkutnu na uug naunab dahilppa bekkunu ib oo ii neme. Na dahilnu oot mauhe, na dahil hipunin oh uhuqna meɗe, iitta mena, da beɗulppa iinab daatteb amunu, na ehaniɗe, da padal ii memi.

Sam 46:11

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Aisaia 33:22

Aɗinu keeke amu bekku? Yawe Nug ihinig gumak danab daatte. Nug ɗo nuhig ig megatte. Yawe Nug ihinig king daatte. Nug ehanikkebeb padal ii memata.

Aisaia 1:18

Amu Yawe Nug atte. “Ag uɗippeg, ig qagmeta, nai mattit, hettoɗit, elele hekkunig. Ahilag hipunin am ⌊naunab,⌋ gau kokoɗnab ⌊lamen hakkab laitte, ihaknu elele iitta⌋ biatai; ⌊hipunin ahilag anambia daatteb dayeb am ena iitta,⌋ amge ⌊da hipunin amu oh uhuqen madakkulnu elele. Anam amu, da uhuqatten madappi,⌋ ag eɗun ⌊lamen ihaeg, eɗua hakkabnab daatte, hakkab amuam snonu hakkab bia,⌋ ag anam bia daaglag. Ge! Ahilag hipunin am ⌊naunab nau,⌋ gau kokoɗnab ⌊lamen hakkab laitte, ihaknu elele iitta⌋ biatai. ⌊Ag anambia daatteb dayeb am genab ena iitta,⌋ amge ⌊da hipunin amu oh uhuqen madakkulnu elele. Anam amu, da uhuqatten madappi,⌋ ag eɗun ⌊lamen ihaeg, eɗua hakkabnab daatte, hakkab amuam sipsip uɗignu hakkab bia,⌋ ag anam bia daaglag.

Rom 6:14

Hipunin am ahilag okkai baula aib dayom. Aɗinu? Gemu ag ɗo waappa ii daatteb. Ag am Kayaknu ehanittak okkai hamu megatte, amu waappa daatteb.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Sam 118:15

Yawe Nug genab tutukku hak danab ehanatte, ag ii padal meppig amunu, ag oolag gamag okkai ahe, Yawe Nug ag ehanatte, ag kekeɗ eɗadppignu ag peh laulkadppa ag huana enan, inam atteb. “Yawe Nug keeke okkainab heum. Genab, Nug nuhig ɠagattag okkaippa ehanikke, ig ii nauhmut! Genabnab, Yawe Nug keeke okkainab heum!” aon enan atteb.

Sam 97:1

Yawe Nug am King! Wanppan danab ah oh ag gamalag ahaɗ! Ao, ag danab ah ag nud ohppa daatteb amu, ag gamalag ahaɗ!

Duteronomi 33:5

Israel danab ah dilag ikki danab ag qagmeppig. Ao, Israel dilag huu okkai danab ah oh ag ikki danab ele oh qagmeppig. Ag qagmeppig amu, haen amuppa Yawe Nug Israel dilag king beum,” awa aum.

Esekiel 48:35

Anam amunu, aab okkai amunu talilittaknu melemel oh am 9,000 mita. Haen amuppa digmeeb, ii tuqa awakppa aab amunu onig am, Yawe Nug Ana Daatte, daakku.”

Sam 103:12

Laih aam bedeppanu, amu laih aam nodeppanu ukkak am umanab daatte, amubia Kayak Nug hipunin ihinig uhuqa mekke, hipunin ihinigppanu ukkanna, umanab daatteb.

Sam 46:7

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 32:5

Da anam hei ukke, deɗ laa da hipunin dahil mehuqe, amenppa oh miag ami. Da kobol nau dahil ii lokkummi. Da oh miagib mattien, na Yawe, na amenppa ai, na hipunin dahil uhuqna meɗae, da oolppa aab dayom am iitta meum. Sila.

Sam 32:2

Danab laa Yawe Nug nuhig hipunin uhuqa mettom daatte, bu laa aokkunu ii daatte amu, danab amu nug itittak ena awom daatte. Ao, danab laa nug ooppa hambuppuak laa ii daatte amu, nug itittak ena awom daatte.

2 Stori 13:12

Kayak Nug ig ele daattem. Nug ihinig okkai daatte. Nuhig mana mettak danab ag ig ban hekkunignu trampet iwalppeg, ig amuppa ban haknu ewak doot, ban hekkunig. O Israel dilag daup, ag Yawe, Nug ag mamelkad aɗi dilag Kayak, ag Nug ele aib ban heppig. Aɗinu? Ag amu hekkulag dayeb amu, ag Nug ii eɗidmana,” awa aum.

Ikki Danab 6:13

Yawenu engel nug anam aum, amge Gideon nug oɗeppa awa aum. “O Naɗi, gadon, amge Yawe Nug ig ele daattem dayeb amu, aɗinu keeke imu oh ihinigppa inam beum? Amu aɗinu Yawe Nug uɗat okkai, danab haknu elele iitta, ig mamenkad aɗi dilagnu he, ig mamenkad ag ig amenigppa amunu appig amu, aɗinu Nug anam ii hette? Yawe Nug ig Isipnu aikka iite uɗiom? Amge gemu amu, Yawe Nug ig uuikka, Midian eppelagppa meikkom,” awa aum.

Eksodas 34:9

Moses anam ha, nug aum. “O Naɗi, genab danab ah imu ag am oɗe dim lamidmananu dabmak ɠagattag eppak danab ah amunu, na dahilnu ena doottem dayeb, na Naɗi, na ig ele gokkunignu oɗ medattem. Na geha ihinig nau hak, ihinig hipunin ele oh uhuqna mekkan, na ig am danab ah nahipadnab tutukku anam awigkkutnu oɗ medattem,” awa aum.

Eksodas 13:21

Ag ukkaegeg, Yawe Nug amunppa lombig attan tak ooppa dayaya, ib ippunadkkunu anuqa ugakka, tuqan amu, Nug aab ewak attan tak ooppa dayaya, amahlak madakkunu anuqa ugekke goppig. Nug anam heum amunu, ag amun, tuqan ele gokkulagnu elele.

2 Korint 6:16

Ig Kayaknu mettid lag amu kayak hambuppuak dottolkad ele ouaqadkkunigte? Amu oh am iitta! Ag dootteb Kayak bauklel ele nuhig mettid lag amu igib iikku. Anukka Kayak Nug nuhikkud danab ah dilagnu inam aum. “Geha da ag ele oh daatta, ag oolagppa oikkul. Da ahilag Kayak daakkul, ag am dahilad danab ah daaglag.”

2 Korint 5:19

Amu nai ihinig amu iikku. Kayak Nug Kristusnu uɗatppa danab ah oh ele oolag laippu daaglagnu ib babaitta, Nug ag ahilag hipuninnu nob madakkunu ii dabmeum. Aria Nug he, danab ah ag Nug ele oolag laippu bekkulagnu ib babaittak daatte, Nug nai amu mehuqaknu uɗat amu ig mekke hettem.

2 Korint 2:14

Am gemu da Kayak amegppa, “Ena heme,” awe attem. Nug ig ehanikkekke, ig Kristusnu ɠagattagppa ban eɗidtata, Kayak nai mehuqutut, danab ag aakku Kristusnu dootteb. Doyak amuam muttuɗig enanag aben ohppa gotte, amubia hette.

Rom 8:1

Amunu danab ah ag Kristus Jesusnu daatteb, ag hipuninnu nob nau aoglagnu ii daatteb.

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

Eksodas 3:12

Amu Kayak Nug inam aum. “Da na ele daagnih. Amu geha na da, da na Israel ehanadkkutnu meitti gome ootppa genab dookkutnu at am, haen na Israel danab ah omaladppe, ag Isip uuglag, haen amuppa ag oh uɗin, ag qauko imuppa da noolppa dup nona binal mekkulag,” awa aum.

Namba 14:18

‘Da, da Yawe, da paha oo nauhak ii doottem. Dahil oo mauhaknab kobol am amba, leta nette. Da ele hipunin, nai dahil tappe nak ele uhuqa mettak hettem. Amge da danab ah ag hipunin hetteb ele bu madattem; uuatti hamu ii gotteb. Ge, danab ag hipunin hetteb ele amu, da ag bu aqatti ukke, ag buɗulkad menuattak huu laippu bia ewam o waɗele batak amu, bu qak amunu uug ag ele aqadtte,’ aon ame.

Namba 14:19

O Yawe, na ame amubia, na danab ah dilagnu oo mauhaknab doon autna aottem amunu, da na danab ah imu dilag hipunin uhuqna madakkutnu oɗ medattem. Danab ah ag Isip uun uɗippig uɗie, gemu batak, na ahilag hipunin uhuqna madattem amunu, na anamib hekkutnu oɗ medattem.” Moses nug Yawe anam unuqittom.

Duteronomi 9:24

Ag hanhan Yawe oɗe tappaeg nette anidttem. Ag kobol amu ii uutteb, hakib hetteb. Haen oh da ag doyadttem ele amu, ag anamib aakku hetteb.

Duteronomi 31:23

Aria, Yawe ⌊aum bia, Moses, Josua ele aa mettid haknu peh lag odppa daaeheh, Yawe amu mattia mala,⌋ Nug Nan Bekka Josua, ehah nai imu mettom: “Na ɠagattag daan, ootppa ɠagattag ele doye! Aɗinu? Da Israel danab ah wan madakkulnu, dahil nai ɠagattag qette ami amu, na ag amuppa omaladna nokkutoitte. Da ag ele daagnig,” awa aum.

Duteronomi 32:5

Amge Israel danab ah ag nuhignu amu, ag Nug dimettan, ii dim lamidna oitteb. Ge, ag anam hena oinna, ag genab nuhig nid daattebte? Iitta! Ag hambuppuak hak danab, ag kobol kaliak amu dim lamidtteb.

Lewitikas 9:24

Aakku, Yawe toppan aab aɗu na, manaknu ofa, amu ittag ele qaɗabppa dayom, am laippun ewa iitta meum. Haen danab ah ag amu oh anidna, ag maɗoɗppan gamag ahak doon ena, ag laippun gatelag qaun ona, gomelna, iɗulag wanppa meppig.

Namba 9:22

Haen lombig nug mettid haknu peh lag igippa deɗ aɗit, o iitta kalam laippu, o iitta maɗ laippu keeke daattom amu, Israel ag haen tutu dayaknu aab kalappig, ag aguppaib daadppig, ag ahan laih laa ii godappig. Amge haen lombig nug aha ukkom amu, ag ahan godappig.

Namba 16:3

Danab amu ag qagmena, Moses, Aron ele aa ahilag dabmakppa eheɗ hepiɗ amu appeg dooglahnu gumatna tena, ag amelahppa appig. “Aa ena haknu tom tippalya, eheɗ hepiɗ! Aɗinu? Tamaniak danab ah imu oh ag Yawenu tituanak daatteb; Yawe Nug ag oolagppa aakku daatte. Aa aɗinu, Yawenu danab ah imu tippalattak attannab daattep doottep?” aon appig.

1 Samuel 25:28

O naɗi, da, da nahip maɗi ah amu, da na dahil eheɗ hak uhuqna meɗakkutnu oɗ medattem. Aɗinu? Na, na am dahil naɗi, na hanhan ukke, Yawe Nug oo hette amubia na gona, Yawenu kekeɗ ele ban hena aqadttem amunu, Yawe Nug geha heeb, na, na buɗunad oolagppanu laala ele ag ahilag haen anen anenppa ag geha king daaglagnu ɠagattag tuqa ii awak bia aɗaglag. Anam bekku amunu, gemu haen na daattem imuppa, laa nug nai genab geha ana, ‘Dawit nug eheɗ heum,’ akkunu elele daakkunu da ool ii daatte.

Sam 99:2

Yawe Nug Sion appa daatte; Nug ɠagattagnab daatte. Nug wan atu oh dilag danab ah eɗadtte.

Sam 135:21

Yawe Nug Sion appa daatte. Ag Sion daatteb amu, ag Nug binag meig! Ao, Nug Jerusalem daatte. Ag Nug binag meig! Ag Yawe binag meig!

Aisaia 33:21

Amu ig aab amuppa daapput, Yawe Nug ihinig gumikkak ɠagattag okkai ele dayaya gumigkku. Ig aguppa danab ag le okkai okkai, le naunau ele daugppa daatteb bia daagnig, amge kekeɗ dilag uub naɗi, ban haknu amu, ag appa ii temana. Ao, ban haknu uub ɠagattag laa appa ii goma.

Joel 2:27

Amu beeb, ag Israel, ag da ag oolagppa daattem doon, da am Yawe, da ahilag Kayak daattem doon, amu kayak laa ii daatte, ag amu dooglag. Amu danab ah dahilad ag, ag baula uɗa nak ii doomna.” Yawe Nug anam atte.