Namba 22:4 - Nobonob Baibel

^4-5 Amu Moap ag huananab baɗana, ag Midian dilag ikki danab amelagppa appig. “Makau okkai ebehi ele laa gikkiɗah latte bia, geha danab ah imu ag keeke talilikkak daatteb imu oh aon malaglag,” aon appig. Amunu Balak, Sipor bekka, nug haen amuppa Moap dilag king dayom, nug nai awa ukkak danab maatte, ag gona Beor bekka Balam gumidna goppig. Balam nug appag diig Peto, le naɗi guguittak appa dayom; amu nai awa ukkaknu danab amu ag nug uɗia, Moap ehanadkkunu appeg dookkunu goppig. Balak nug nai imu nai awa ukkak danab ag Balam appeg dookkunu amelagppa aum. “Danab ah ag Isip uun, ahan uɗin, wan oh tonan malan, ag da gukkuiɗak haen tutu dayaknu aab kalan daatteb.

Namba 22:4 Referans Kwoze

Namba 31:8

Danab aqappig oolagppa amu Ewi, Rekem, Sur, Hur, Reba ele. Danab amu, ag am Midian ooppanu king tanig ele. Ag Balam, Beor bekka, ag nug ele qep elabppa qeeg mauhom.

Jeremaia 48:38

Lag oh attan, koɗokko uɗem ukkakppa, aab haɗap ohppa ele Moap danab ah ag eheɗib gaaglag. Amu Yawe Nug atte. “Oo doyak okkai amu daakkunu diig am, da heppi, Moap nauhkku. Waa ena iitta laa, danab laa waa amunu oo ii hette, laa nug waa amu o aoɗtte, amubia da heppi, Moap nauhkku.” Yawe Nug anam awa atte.

Ikki Danab 11:25

Na am Sipor bekka Balak, Moap dilag king eɗidttemte? Nug Israel ag Amo dilag wan amu aoeg, nug aha, ‘Wan amuam dahil, ag meɗeg!’ aumte? Nug ban ukkomte? Iitta! Nug anam ii heum.

Namba 24:17

Da laa anidttem, amge gemu iitta. Ao, da nug anidttem, amge umanab daatte. King naɗi laa hoɗoppai bia, geha Jakop buɗubppanu uɗikku. Yo, king naɗi laa geha Israel danab ah dilagppanu uɗikku. Nug geha Moap danab uɗalkad aoɗadkku. Yo, nug geha Set buɗubppan danab ⌊am Moap danab, nug ag⌋ ikkilkad oh aoɗadkku.

Namba 22:7

Balak nug nai awa ukkak danab, ag am Moap dilag, Midian dilag ikki danab ele, nug ag Balam amegppa nai amu appeg dookkunu amelagppa a, ag men doɗo Balam uɗat amu hekkunu daden mettaglagnu ele aon, nug gumidna goppig. Ag Balam toppa tena amu, ag Balak aɗi aum, nug amegppa appig.

Namba 22:2

Sipor bekka Balak nug Moap dilag king dayom. Nug Israel ag Amo dilagppa aɗi heppig, amu Israel ag danab ah ganenab ele amu, nug, Moap danab ah ele ag dooppig amunu, ag eheɗ nau baɗappig. Amu genab! Israel danab ah ag kuɗumnab, ag Amo dilagppa attem heppig, amunu ele Moap danab ah ag amu doon, ag baɗak okkainab dooppig.

Eksodas 15:15

Edomnu ikki danab ag eheɗ nau baɗaglag. Ao, Moap danab ɠagattag ele amu, ag ebehilag huanaknab hahaɗadkku. Kanan danab ah dilag ɠagattag am eɗua, le mekku.

Namba 25:6

Nug anam aawo amu, Israel danab laa nug Midian ah laa omala, nug baekkudppa daappigppa uɗiom. Moses nug danab ah oh ele ag mettid haknu peh lag danab ah appa qagmetteb ele, ag appa gaanna daaegeg, danab nug ah amu omala waum. Nug omala, ag oh noolagppa waum.

Namba 31:1

Amu Yawe Nug Moses amegppa aum.

Ikki Danab 6:1

Israel danab ah ag anam daaeg ukke, ag baula Yawenu neekkakppa eheɗ heppig amunu, Yawe Nug ag diia, Midian eppelagppa maatte, ag maɗ eblaih aɗit ele anam daappig.

1 King 11:18

Ag tatam Midian wanppa gonana, ag appanu ahan, Parannu atu taɗakppa goppig. Gona, Paran appa danab laa diieg, ag oh Isip wanppa goppig. Ag Isip tena, Isip dilag king Paro anidkkulagnu gumidna goppig. Antteg, Paro nug lag laa Hadat mettowa, wan laih nakok laa ele mette gumeeme, king nug ee ele mettom.