Namba 22:32 - Nobonob Baibel

³² Balam nug engel antte, Yawenu engel nug Balam oɗ mettom. “Na aɗi diignu nahip donki haen ewam imu bu qeme? Na doonna, eheɗ hekkutnu hettem, da anidttem amunu, da heppi, nahip ib keldoak daakkunu uɗimi daattem.

Namba 22:32 Referans Kwoze

Aposel 13:10

“Na Satan bekka. Na kobol ena oh dilag kekeɗ. Hambuppuak kobol oh amu kobol naunab oh ele na beɗunppa ambaknab. Na hanhan Naɗinu ib tutukku oh heppe, kaliak daaglagnu hettem amu, na kobol amu genab iinab uumna?

Prowerb 28:18

Laa nug Kayaknu neekkakppa danab ooppa kaliak laa iitta ele amu, Kayak he, nug padal ii mette; amge laa nug eheɗ haknu nug tiigppa daatte ele, nug pahanab na qekku.

Namba 22:22

⌊Amu Balam nug Kayak aɗi hekkunu aum amu ii dim lamitta, eheɗ hekkunu dabmeum⌋ amunu, nug ugekke, Kayak Nug Balamnu oo huana nauhe, Yawenu engel na, nug kekeɗab ib gamagppa dayom. Balam nug donki nuhigppa ugekke, nuhig maɗi nid aɗit laa nug ele oh goppig.

Prowerb 28:6

Laa daɗek danab daatte, amge nug Kayaknu neekkakppa danab ooppa kaliak laa iitta ele daatte, amuam enanag; amge laa nug danab enub ele, me nug danab nug eheɗ haknu tiigppa daatte, amuam naunab.

Prowerb 14:2

Aun nug genab tutukku hak kobol dim lamidtte, nug Yawenu ebehi oh bodoetta le mette; amge laa nug oiyak kaliak dim lamidtte amu, nug Yawenu ena iinab dootte.

Maika 6:5

O danab ah dahilad, ag da, da Yawe, ag da kobol genab tutukku ele hanhan hettem dooglagnu, ag Moap dilag king Balak, nug ag Israel eheɗ hadakkunu dabmeum ele amu, ag nuhig nai nau amu dabmenana, ag Beor bekka Balam nug aɗi nai eɗua, Balak amegppa aum amu, ag amu oh dabmenan dayeg! Laa amu, ag Israel, ag Sitim daanna, ag ahan, Jodan le mataɗna, Gilgal goppig amu, ag amu ele dabmenan dayeg!” Yawe Nug anam awa atte.

Jona 4:11

Anam amge, da ele Niniwe dilagnu dabmein, ool dootte. Aab okkai amuppa nid naunau eheɗ laa ii heppig ele kuɗum daatteb; ahilag ebqak 120,000 eɗittak. Doɗ kuɗum ele daatteb,” awa aum.

Sam 147:9

Nugib doɗ ee madatte. Ao, haen alɗal nalkad ele ag eenu enug aqe gaaeg amu, Nug ee madatte.

Sam 145:9

Yawe Nug danab ah oh dilagppa ena hette. Nug aɗi keeke Nug eppegppa heum ele amu, Nug amu ohnu oo bodoetta le mette.

Sam 36:6

Nahip genab tutukku hak kobol amu naɗinab, qauko attannab hume tak, amubia daatte. Ao, nahip nai doya mala hettoɗia epeɗia elele mettak kobol am naɗinab, am yu gamag unuqagnab noa ukkak bia daatte. O Yawe, na danab ah atognoadnana, doɗ ele atognoadttem.

Duteronomi 25:4

Na makau okkai ebehi ele ee aeg, dappunkkeg ele piɗe piɗe daaglagnu uɗat ha, ee laabob, na aib lanak uukkunu oɗe hautna qakkame.

Duteronomi 23:4

Danab amu ag, ag haen ag Israel ag Isipnu ahan ukkaeg, ag ena hena, ee, le ele ii madappig. Iitta. Ag Beor bekka Balam, Peto ted Aram Naharaim uppanu amu, ag nug uɗia, ag eheɗ laa awaknu anak waappa daaglagnu akkunu, nug uɗat medappig.

Namba 22:35

Balam nug anam aum, amge Yawenu engel nug amegppa aum. “Na danab imu ele gokkulag, amge na aɗi madikkutnu akkul ele aakkuib mattie!” awa aum. Awa a amu, Balam nug anuqak danab Balaknu ele oh goppig.

Namba 22:28

Anam he amu, Yawe Nug he, donki amu oɗe obate, danab laa nai mattiak bia Balam amegppa nai mattia aum. “Da aɗi eheɗ laa hemi amunu, na da haen ewam imu bu iume?” awa aum.

Namba 22:20

Balam nug anam a amu, nai awa ukkak danab ag appa daaegeg, Kayak Nug Balam gumitta na aum. “Danab imu ag na ele oh gokkulagnu appeg dookkutnu uɗippig dayeb amu, na bappaidppe oh ukkeg, amge da na aɗi keeke hekkutnu akkul amu, aakkuib hekkut,” awa aum.

Namba 22:33

Donki nug da aakku haen ewam amuppa aniɗaɗa eɗuom. Nug ii qe melo amu, da gemu na nittalom, amge da donki nug ii oppatlom,” awa aum.

Prowerb 16:2

Danab nug nuhig haknu, “Da iikku ena, tutukku hettem,” dabmette; amge Yawe Nug diig aɗinu nug hette am epeɗidtte.