Namba 22:31 - Nobonob Baibel

³¹ Balam nug donki nai nob me amu, Yawe Nug he, nuhig engel, nug nuhig qep elab aɗaɗa, ibppa hibaitta dayeye anttom. Antta, nug laippun gateg qaun o, gomela auta awa, nug iɗu wanppa meum.

Namba 22:31 Referans Kwoze

Genesis 21:19

Kayak Nug anam awowa, Nug Hagar ehanitte, Hagar nug le moɗ antta, nug ukka, nippud doɗ gaɗappa hak, amuppa nug le ita, nid le mettom.

Luk 24:31

aa amelah oppate, aa Nug am Jesus anidya doyeheh, Nug uuaatom. Uuaate, aa Nug baula ii anidya,

Luk 24:16

Ag oh goppig, amge aa Nug am Jesus, aa ii doopiɗ. Aɗinu? Aa amelah ii oppatom.

Jon 18:6

Hippaidna daaegeg, Jesus amelagppa, “Da iikku,” awa a, ag bittumttum gona, wanppa nena qeppig.

Sam 9:20

O Yawe, na heppe, wan imuppan wan ohppan danab ah ag eheɗ nau baɗaglagnu oɗ medattem! Ao, na heppe, ag am danab aakkuib daatteb dooglagnu unuqidttem. Sila.

1 Stori 21:16

Amu Dawit nug neekke, attan te, nug Yawenu engel nug hab, wan ele gamalahppa dayaya, nug qep elab eppegppa aɗe, qep amu Jerusalem attan daye antte, nug Israel dilag ikki danab ele, ag oh lamen heɗiag ele takkaladna amu, nug ag ele oh laippun gatelag qaun o, gomelna, iɗulag wanppa meppig.

Eksodas 34:8

Yawe Nug nai amu mattia male, Moses nug pahanab gateg qaun o, gomela, iɗu wanppa ma, Yawe binag meum.

Namba 22:30

Anam a amu, donki nug Balam amegppa aum. “Da nahip donki iittate? Na anukka digmena, haen oh da gomelppa daanna oiyeye uɗie, gemu ele da gomelppa anamib iite daanna oittem? Kobol da gemu hemi imu bia amu, da deɗ laa hemite?” awa aum. Donki nug anam a amu, Balam nug nai nob ma, “Iitta,” awa aum.

Josua 5:13

Deɗ laa Josua nug ukka, Jeriko gukkuittak daya, nug ameg huma, danab laa nug Josua noobppa hibaitta dayeye anttom. Danab amu nug qep elab laa eppegppa aɗa dayom amunu, Josua nug gumitta ta, oɗ metta aum. “Na ihinig ban danab laa daattemte, iitta na kekeɗ ihinignu ban danab laate?” awa oɗ mettom.

Josua 5:14

Josua nug anam oɗ mette amu, danab amu nug nob ma aum. “Da ahilagnu laa iitta; da kekeɗ dilagnu laa ele iitta. Aɗinu? Da Yawenu ban daup ikki daattem,” awa aum. Nug anam a amu, Josua laippun gateg qaun o, gomela, iɗu wanppa ma, nug aum. “Da amu nahip maɗi nid laa. O naɗi, na da aɗi nahip hekkulnu oot daatte?” awa aum.