Namba 22:1 - Nobonob Baibel

¹ Amu dimppa Israel danab ah ag Jodannu oolnu noak laih kaɗag uɗitteppanu daatte, ag appa gona, ag haen tutu dayaknu aab kalappig. Wan amuam uɗem, Moap dilag dayom. Aab ag kalappig am laih, Jerikonu ukkakppa dayom.

Namba 22:1 Referans Kwoze

Duteronomi 34:8

Israel danab ah ag deɗ 30 oh Moap atu uɗemppa, appa Moses mahidnana daappig. Ag ahilag kobol dim lamidna, nuhig mahittak heeg ukke, amu haen malakkunu te, ag malappig.

Duteronomi 34:1

Moses nug amu mattia mala nug Moap wan uɗem amu uua aha ukka, Nebo qauko ta ukka, qauko igippa, ag Pisga Igippa atteb, appa teum. Aab Jeriko am, Jodan le laih daatte. Nug te, Yawe Nug Kanan wan oh ippunittom. Amuam Gileat wanppa ukka Dan batak ippunitta,

Duteronomi 3:8

Gemu amu, ig wan oh, Amo dilag king aɗit amu dilah, Jodan leppanu kaɗag uɗitteppanu dayom amu, ig aakku aot malamut. Wan amuam oolnu noak onig Arnon, appa digme ukke ukke, qauko Hermon batom.

Duteronomi 1:5

Israel ag Moap wanppa, Jodan lenu kaɗag uɗitteppanu daaegeg, Moses nug nai mattiom. Nug ɗo nainu digma inam mattiom.

Namba 36:13

Haknunab nai imu dim lamittaknu nai imu ele amu, Yawe Nug Moap uɗemppa, Jodan le ihippa, laih Jerikonu ukkakppa, appa Moses mette, nug Israel mattom.

Namba 34:15

Israel dilag huu okkai aɗit amu, amu Israel dilag huu okkai laa mahaib ele, ag matu aulag wan laih aam bedeppanu, heqo laih, le Jodannu Jeriko guguittak appanu aoppig,” awa aum.

Namba 32:19

Aɗinu? Yawe Nug ig wan aunig, ippa Jodan laih kaɗag uɗitteppanu mekkom amunu, ig wan aunig Israel laala ele oh laih Jodannu qaban nedeppanu amu, ig amu ii aomta,” aon appig.

Namba 26:3

Yawe Nug anam amelahppa aum amunu, Moses, mana mettak danab Eleasar ele, Moap uɗemppa, Jodan le ihippa, laih, Jerikonu ukkakppa, appa aa Israel danab amelagppa apiɗ.

Jeremaia 40:11

Aria, haen Juda laa ag ⌊ban neene, ag ahan ban haenppa oola ukkak danab ah wan laalappa daaglagnu goppig,⌋ amuam ag Moap, Amon, Edom, amu wan laala ohppa goppig amu, ag appa daanna, ag Babilon dilag king nug Juda danab ah ohnab ii diia ukkom, laa oɗo yaak uuatte daappig doon, ag nug Ahikam bekka Gedalaia, nug Sapan alag amu, nug ahilag okkai daakkunu otiom ele doon,

Namba 35:1

Israel danab ah ag haen tutu dayaknu aab, Moap uɗemppa, Jodan le ihippa, laih Jerikonu ukkakppa kalan daaegeg amu, Yawe Nug Moses amegppa aum.