Namba 21:6 - Nobonob Baibel

⁶ Ag naittuɗ mena, anam mattieg amu, Yawe Nug he, mat nau, danab emalatteg mauhtteb ele, mat amu laa ag bena emalattegeg, Israel danab ah kuɗum mauhadppig.

Namba 21:6 Referans Kwoze

1 Korint 10:9

Ig Kayak ma anttak, Israel oolagppa laa heppig amubia, ig aib hemut. Ag oolagppa laala ag anam heeg, mat ag emalatteg mauhppig.

Jeremaia 8:17

Yawe Nug atte. “Ag dabmeig! Da heppi, mat nau ahilagppa bekkulag. Ao, da heppi, makkai eheɗ, laa nug heeb, ag nau ahilagnu ii hemananu elele iitta, makkai eheɗ amu ag oolagppa bena daaglag. Mat nau amu ag anam ahilagppa bena emaladkkulag.” Yawe Nug anam aakku atte.

Duteronomi 8:15

Nug ag atu taɗak naɗi, danab antta baɗatte ele, Nug amuppa omalatte uɗippig, amu aib amelag atiom. Atu taɗak amuppa am mat nau, apiap ele, aam gakkaɗak huananab, le ele iitta, amge Nug menppan le he ne mattom.

Aisaia 30:6

Nai meunab ele Negeb wanppan doɗ dilagnu, Yawe he, Aisaia doyom ele am iikku. Ag ⌊Juda dilag⌋ nai awa ukkak danab, ag en okkai ena ena donki attan mena gotteb. Ge! Ag am en amu kamel attan meeg, mawatteg gotteb. Ag amu henana, ag wan laa, wan amuam wan ɠagattag iitta, wan amuam ag ehanadkkulagnu elele iitta, ag wan amuppa gotteb. Ag appa gokkulagnu gonana, wan ena iittanab, wan danab uug madatte, wan amuppa laion ⌊dawai,⌋ laion anig, amu mat nau digdig ele daatteb amu, ag anam daaegeg ag gotteb.

Aisaia 14:29

“O ag Pilistia danab ah oh, king laa nug uug matte, ag uug maoppig amu, nug aakku iitta meum, amge diig amunu ag Pilistia ag amunu aib gamalag ahom. Aɗinu? King amu buɗub, nug mameg nau ahilagppa heum amu, buɗub amu nug nau hak amu eɗittak, naunab hadakku. King mauhom ele nug am mat nau, danab emaleb mauhkku, o iitta ehanittak awa, ii mauhma, bau daakku bia dayom, amge nug buɗub am mat nau, danab emaleb, laippun, pahanab mauhkku aakkuib, amubia daakku.

Esekiel 14:15

Amu Naɗi Yawe, Nug atte. “Anamtai bekku, o wan amuppan danab ah eheɗ anam heppeg, da heppi, doɗ dakkuɗ nau ag wan amuppa oinna, danab, ah, nid ele aqappeg iitta meppeg, wan amu hele-ettak dayebeb, doɗ ag kuɗum daaglag amunu, danab laa nug wan amu tom laihnu ukka, tom laappa gokkunu elele iitta daakku dayeb amu,