Namba 21:3 - Nobonob Baibel

³ Ag anam unuqitteg, Yawe Nug Israel dilag unuqittak doya, Nug he, Israel ag Kanan danab eɗadna, ag danab ah amu, ahilkad aab okkai ele diin heeg, ag Yawenuib nuhig pelemppa daappig. Israel danab ag anam heppig amunu, aben amu onig Horma ataɗppig.

Namba 21:3 Referans Kwoze

Namba 14:45

Aria, Israel ban daup ag qauko nakok teegeg amu, Amalek, Kanan danab ele appa daappig, ag qaukoppan nona eɗadnana, lamadna gona, Horma appa wana uuadppig.

Duteronomi 1:44

Amge Amo danab appa daappig ag ahan, uppuh huanaknab ahan ban hetteb bia, ag banelag dona lamadppig. Ag ahan, ag lamadna aqadnana, Seir wanppa tena gona, Horma appa wana uuadppig.

Sam 102:17

Nug laa ag keeke iittanab iitta ele amu, Nug ahilag unuqittak dookku. Ao, Nug ahilag unuqittak ii dimettama. ⌊Nug ag ehanadkku.⌋

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Sam 10:17

O Yawe, na daɗek danab ah, na ahilag oo hak amu, na amu doottem. Ao, na ag ahilag unuqittak doona, ɠagattag madattem.

Duteronomi 20:16

Iitta. Wan Yawe, ahilag Kayak, Nug ag aulag daakkunu madatte, amuppan aab okkai amu, ag appa laa uuppeg, bau aib dayom.

Ikki Danab 1:17

Juda danab ag kekeɗ amu eɗattona, ag Kanan danab Sepat daappig ele, ag lailkad Simeon danab ehanadna, banelag goppig. Ag oh gona hena, ag aab okkai amu heeg, aab amu Yawenuib nuhig pelemppa daye, ag aab amu onig Horma ataɗppig.

Josua 12:14

Horma dilag king, amu Arat dilag king ele.

Josua 15:30

Eltolat, Kesil, Horma,

Sam 116:1

Yawe Nug nai dahil dootte. Ge, Nug unuqittak oo doyak ele dahil dootte amunu, da nuhignu ool mauhtte.