Namba 20:6 - Nobonob Baibel

⁶ Aon aeg amu, Moses, Aron ele aa ahaya, danab ah uuadya, mettid haknu peh lag danab ah appa qagmetteb ele, aa lag amu odppa noya, aa laippun gatelah qaun oya, gomelya, aa iɗulah wanppa meya daaeheh, Yawenu binag amahlak oppiaawak ele aa noolahppa tulom.

Namba 20:6 Referans Kwoze

Namba 14:5

Ag anam aeg amu, Moses, Aron ele aa Yawe unuqidkkulahnu, Israel danab ah laa oh daappig noolagppa laippun gatelah qaun o gomelya iɗulah wanppa mepiɗ.

Namba 16:45

“Aa qe meya, danab ah imu uuadya waya, laih daapeɗ, da laippun heppi, danab ah imu mauhkkulag,” awa aum. Yawe Nug anam aum, amge Moses, Aron ele aa gatelah qaun o gomelya iɗulah wanppa mepiɗ.

Namba 16:22

Yawe Nug anam aum, amge Moses, Aron ele aa laippun gatelah qaun o gomelya iɗulah wanppa meya, aa Kayak unuqidya apiɗ. “O Kayak, na danab ah oh dilag Kayak. Na danab laippuib hipunin heeb amu, danab ah oh imu dilagnu oo nauhak doon, eheɗ hadakkutte?” aoya apiɗ.

Namba 16:19

Amu Kora nug heehe, Israel danab ah oh ag Moses, Aron ele dimatan, ahilah nai ele tappaeg neum amu, nug he, danab ah ag mettid haknu peh lag danab ah appa qagmetteb ele, ag lag amu odppa daaegeg, Yawenu binag amahlak oppiaawak ele Israel danab ah oh noolagppa ne anidppig.

Namba 16:4

Ag anam aeg, Moses nug doya, nug laippun gateg qaun o, gomela, iɗu wanppa ma, ⌊Kayak unuqittom⌋.

Matyu 26:39

Nug anam awowa, Nug nakok baula wana ukka, appa Nug laippun gateg qaun o, gomela, iɗu wanppa ma, unuqitta aum. “O Mama, uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu da ii lapa, amge na dahil dabmaknab aottem ii dim lamidmana. Iitta. Na nahip dabmaknab aottem amuib dim lamidkkutnu ool daatte!” awa aum.

1 Stori 21:16

Amu Dawit nug neekke, attan te, nug Yawenu engel nug hab, wan ele gamalahppa dayaya, nug qep elab eppegppa aɗe, qep amu Jerusalem attan daye antte, nug Israel dilag ikki danab ele, ag oh lamen heɗiag ele takkaladna amu, nug ag ele oh laippun gatelag qaun o, gomelna, iɗulag wanppa meppig.

Josua 7:6

Anam be, Josua nug Israel dilag ikki danab ele ag uug nau doon, ag lamen ahilkad pattiɗna, ag gappud ikkilkadppa mena, ag ahan gona, paha Yawenu Tituanak Nainu Kunup noobppa gatelag qaun o, gomelna, ag iɗulag wanppa mena daaeg ukke, uudoum.

Namba 16:42

Amge haen Israel danab ah ag Moses, Aron ele amelahppa nai hekkulagnu qagmeppig amu, ag mettid haknu peh lag danab ah appa qagmetteb ele, ag amuppa neekkeg ukke, lombig tone, Yawe binag amahlak oppiaawak ele tula neum anidppig.

Namba 14:10

Josua, Kalep ele aa anam apiɗ, amge Israel danab ah laa oh ag Moses, Aron ele menppa makkuɗatkkulagnu madippig. Mattiegeg amu, Yawenu binag amahlak oppiaawak ele mettid haknu peh lag danab ah appa qagmetteb ele, amuppa tuale, Israel danab ah oh ag anidppig.

Namba 12:5

Ag ukkaeg amu, Yawe Nug lombig teppu ele attan tak ooppa na, Nug mettid haknu peh lagnu od oɗeppa dayom. Dayaya amu, Nug Aron, Miriam ele dilah eum. E, aa oh gukkuidya waeh,

Eksodas 17:4

Aakku Moses nug Yawe amegppa ɠagattag inam unuqittom. “Danab ah imu ag men ena, da oiɗppeg mauhkkulnu hetteb. Ag anam hekkulagnu hetteb amunu, da geha ahilagnu aɗi hekkul?” awa aum.

Eksodas 16:10

Moses nug Aron amegppa anam a, aakku Aron nug Israel oh amelagppa nai mattieye, haen amuppa ag neekkeg, atu taɗakppa ugekke, ag Yawenu binag amahlak oppiaawak ele lombigppa be anidppig.

Namba 20:7

Amu Yawe Nug Moses amegppa aum.