Namba 20:24 - Nobonob Baibel

²⁴ “Aa oh Meriba appa dahil haknunab nai tappaeh neum amunu Aron, nug wan da Israel madakkulnu hettem ele, nug amuppa ii noma. Nug geha ippa mauhkku.

Namba 20:24 Referans Kwoze

Genesis 25:8

nug mauhom. Nug am danab kainonab. Haen elab wanppa oiya, nug mauhom.

Duteronomi 32:50

Qauko na tekkut amu, na appa, na amap Aron nug Hor qaukoppa mauhom, amubia na qauko imuppa mauhkkut.

2 Stori 34:28

⌊Amu Yawe Nug inam ele king amegppa atte.⌋ ‘Anam amu, da heppi, na daanna, maɗoɗ ele mauhppe, ag na gaɗan ele na mamenad boumadppigppa boumidkkulag. Na uug naunab da heppi, aben imuppa, aben imuppan danab ah dilagppa ele bekku amu, na uug amu ii anidmana.’ ” Hulda nug anam ag amelagppa a, ag nai amu aon, ag eɗun gona, king amegppa appig.

Namba 31:2

“Midian danab ah ag Israel eheɗ hadappig amunu, na ag bu matte! Amu dimppa na mauhkkut,” awa aum.

Namba 27:13

Na ⌊piɗe appa daanna⌋ anttona amu, na ele na amap Aron mauhom bia mauhkut.

Ikki Danab 2:10

Aria, danab menuattak huu laippu bia amu, ag oh mauheg, menuattak baula bena, ag Yawe Nug keeke okkai okkai Israel dilagnu heum ii anidnana, ag nuhignu ele dab-ii-meppig.

Namba 4:27

Ag aɗi aɗi hetteb, iitta ag mawak uɗat hettebte, o iitta ag uɗat laala hekkulagte, amu oh am Aron, nug bekkod ele ag abeppeg hekkulag. Ag mana mettak danab, ag aɗi aɗi keeke maoglag, ahilag uɗat amu, ag appeg doyeg!

Genesis 49:29

Jakop nug bekkod itatta mala amu, nug ⌊baula⌋ aum. “Anukka Abraham nug wan laa, men oɗe ele, Hit danab Epron, nuhigppanu daden meum. Wan amu onig Makpela, Kanan wanppa Mamre guguittak daatte. Ag Abraham, nug wau Sarah ele, amu Aisak, nug wau Rebeka ele appa boumadppig. Da waal Lea ele appa boummi. Amu gemu da mauhkkul hettem amunu, da ele appa boumiɗkkulag. Abraham nug wan amu, men oɗe ele Hit danab, nuhigppan awom,” awa aum. Jakop Nug anam awowa amu, nug eɗua, nuhig niiak abenppa niiaya, nug mauhom.

Genesis 35:29

Nug kainonab ma, nug mauhe, nug bekoɗ Esau, Jakop ele boumpiɗ.

Genesis 25:17

Aria, Ismael nug maɗ 137 dayaya, nug mauhe,

Genesis 15:15

Amge na daanna oikkutnu am inam. Na oot maɗoɗ ele dayebeb ukkeb, kaino elelenab mena mauhkkut.

Eksodas 17:7

Israel ag Yawe ma anttak mettan, “Yawe ig ele daattemte?” appig amunu, Moses nug aben amu onig laa, Masa ataɗom. Aria, Israel ag Moses ele nug mehqeppig amunu, Moses nug aben amu onig laa Meriba ele ataɗom.

Namba 20:5

Na aɗinu, ig Isipnu aigna omaikke, atu naunab imuppa uɗimut? Ippa amu wit, o ad fig, o muɗi grep, o pomigranet keeke iitta. Amu le lanaknu ele iitta!” aon appig.

Namba 20:26

Aron nug appa mauhkku amunu, na mana mettak uɗatnu bala nuhig amu uɗidna, nug bekka Eleasar aɗuidppe taɗ!” awa aum.

Duteronomi 33:8

Aria, Moses nug amu awowa, nug Israel dilag huu okkai Lewinu imu aum. “O Yawe, Lewi ag nahipnu oo metta ii uuak kobol dim lamidnana hetteb, amu na Urim, Tumim ele ag mattame. Am na Masa appa Lewi buɗub dilagppa ma anttak mettak ahilagppa heme. Ao, Meriba leppa, appa na Lewi buɗub ele mehqak heppig.