Namba 19:21 - Nobonob Baibel

²¹ Israel danab ah ag ɗo imu alet hanhan dim lamidkkulagoitte. Danab nug le, amuam le heeb, danab nug da, Yawe, da ele ouqa dayaknu elelenu le, nug le amu tauɗtte amu, nug ele lamen nuhikkud mihakku; amu aun nug le amu, amuam le heeb danab nug da Yawe, da ele ouqa dayaknu elelenu le amu, nug amu aɗatte amu, nug geha da ele ouqa dayaknu elele iitta dayeb ukkeb, tueb meeb, nug da ele ouqa dayaknu elele daakku.

Namba 19:21 Referans Kwoze

Hibru 10:4

Aɗinu? Makau dawai, meeme ele amu, ag tiilkad am hipunin uhuqkkunu elele iittanab.

Hibru 9:10

Keeke amu oh am ee lanak keeke, le lanak keeke, amu le laaittak kobol digdig ele. Ɗo amu oh am danab beɗulagnuib. Kayak Nug ɗo amu oh danab ag dim lamidppeg ukkeb, dimppa Nug ib bau ooɗaknu haen uɗieb batak daaglagnu he daappig.

Hibru 7:19

Aɗinu? Ɗo nug he, keeke laa elelenab ii beum, amge Kayak Nug ib laa ooɗom. Ib amu nug ɗo eɗittak, enanag. Amu ib amuppa ig Kayak toppa wakkunignu elele daattem.

Lewitikas 11:40

Am aun laa nug doɗ amunu teppu lakku, oo iitta gaɗa mawa ukka laih mekku, nug lamen nuhig ihakkuoitte. Am nug aakku Kayak ele ouqa dayaknu elele iitta dayeb ukkeb, tueb batakku.

Lewitikas 11:25

Laa nug doɗ amunu laa mauhom, gaɗa aɗa maweb gokku dayeb amu, nug nuhig lamen ihadkkuoitte. Nug Kayak ele ouqa dayaknu elele iitta dayeb ukkeb, tueb batakku.

Eksodas 27:21

Amu Aron nug bekkod ele ag geha lam amu dahil mettid haknu peh lag danab ah appa qagmetteb ele, ag peh lag amu ooppa, Oo Gun Ele, Oo Gunnab Ele makkulaknu lamen, Tituanak Nainu Kunup kontrak inak ele am lamen amu dimugppa Oo Gunnab Eleppa daatte amu, ag lamen amu guguittak, Oo Gun Eleppa mekkulag. Ag meppeg dayebeb, ag deɗ oh goɗen lamppa gokkaɗppeg noob, tueb meeb amotppeg, geha lam amu deɗ oh tuebnu ukkeb tuqan, tuqannu ukkeb wakkaɗak, aben da daattem amuppa, da Yawe, da noolppa ewawa dayaɗ! Ag Israel gemu daatteb, amu geha dimppa buɗub buɗub doobob, ag buɗulkad amu ele ag ɗo amu haen oh aɗan henana, mana mettak danab ag lam amu amotppeg, tueb digma ukka, buttua batak ewawa dayaɗ!” awa aum.

Namba 19:7

Amu dimppa mana mettak danab nug lamen nuhig iha, nug ele le laakku. Nug anam hewowa amu, nug haen tutu dayaknu aab kalakppa eɗua dokku, amge nug da, Yawe, nug da ele ouqa dayaknu elele iitta dayeb ukkeb, tueb mekku. Tueb meeb amu, nug da ele ouqa dayaknu elele.

Namba 18:23

Lewi buɗubppan mana mettak danab iitta, ag am dahil mettid haknu peh lag danab ah appa qagmetteb ele, ag amuppa uɗat henana, ag ɗo laa tippalkkulag dayeb, ag eheɗ aakku hena bu aoglag. Buɗub buɗub doobob, ɗo imuam nug alet anam hanhan daakku. Lewi buɗub ag amu, ag Israel oolagppa wan laa, ag aulag daakkunu ii aomna.

Namba 19:8

Danab nug makau balat maitte, nug ele lamen miha, nug le laakku. Amu nug ele da ele ouqa dayaknu elele iitta dayeb ukkeb, tueb meeb, nug da ele ouqa dayaknu elele daakku.

Namba 19:10

Danab nug makau balat mane ewak uhuɗ aotte amu, nug lamen nuhig ihakku, amu nug ele da, Yawe, nug da ele ouqa dayaknu elele iitta dayeb ukkeb, tueb meeb, nug da ele ouqa dayaknu elele daakku. Ɗo imuam hanhan, alet anamib daakku. Ɗo imuam Israel danab, amu wan laihnu danab, ag uɗin, ag oolagppa daatteb ele, ahilag ohnu daatte.