Namba 19:13 - Nobonob Baibel

¹³ Aun laa nug danab mauhak gaɗa aɗa, nug le, amuam le heeb danab nug da Yawe, da ele ouqa dayaknu elelenu le amu, amuppa nug da ele ouqa dayaknu elele daakkunu ii hekku dayeb, nug aakku heeb, dahil neekkakppa dahil mettid haknu peh lag am dubuttid tak ele daakku. Nug Israel oolagppanu geɗittak daakkuoitte. Amuam le heeb, danab nug da, Yawe, da ele ouqa dayaknu elelenu le amu, le amu nug ii tauɗ qettak amunu, nug da ele ouqa dayaknu elele iitta. Nug da ele ouqa dayaknu elele iitta amunu, nug anam aakku daakku.

Namba 19:13 Referans Kwoze

Lewitikas 15:31

Kayak Nug anam ana, nug tuɗitta, Moses, Aron ele amelahppa aum. “Am Israel danab ah ag dahil mettid haknu peh lag, lag amuam ahilag haen tutu dayaknu aab kalak ooppa daatte amu, ag lag amu heppeg, dahil neekkakppa dubuttid daamanu, aa danab ah amelagppa aɗi keeke he, danab ah ag da ele ouqa dayaknu elele iitta daatteb, ag amu dooglagnu, aa ag nau aomnanu dabmettak nai apeɗ dooglagoitte. Am ag mettid haknu peh lag dahil heppeg, dahil neekkakppa dubuttid ele daakku amu, ag mauhkkulag.

Lewitikas 22:3

Amu na ag amelagppa nai imu appe doyeg! Gemu, buɗub buɗub doobob, hanhan ag, o ag buɗulkadppan laa, nug da, Yawe, Nug da ele ouqa dayaknu elele iitta dayaya, nug Israel, ag ofa dahilnu tituanak, dahilnu tituana mettak ele daatteb aon dotteb, ag Aron buɗub oolagppan laa, nug mana mettak amunu laa awa lakku, o lakkunu bappaidkku amu, nug dagattolppanu geɗittak daakkuoitte. Da am Yawe,” awa aum.

Lewitikas 7:20

Amge danab aun laa nug Kayak ele ouqa dayaknu elele iitta, nug laippu dayaknu ofanu teppu, Yawenu aon doppig ele, nug teppu amu lakku amu, nug Israel oolagppanu geɗittak daakkuoitte.

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Revelesen 22:11

Anam amu, laa nug kobol eheɗ hette amu, nug tuɗid eheɗ hekku; laa nug danab nau, uɗig wak ele amu, nug tuɗid danab nau, uɗig wak ele daakku. Laa nug tutukku hette amu, nug tuɗid tutukku hekku; laa nug Kayaknu oppiaawak ele daatte amu, nug tuɗid Kayaknu oppiaawak ele daakku,” awa aum.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

Hibru 10:29

Aria, anukka danab nug ɗo tippalom amu, ag nug qeppeg mauhkkunu dayom amunu, gemu danab laa nug Kayak Bekka dimedatte ele, nuhignu attemnab? Danab amu nug geha qagaiettak naɗinab anidkkunu elele. Aɗinu? Nug Kristusnu, Nug am keeke hamu doya, Nug tiignu ele, amuppa Kayak Nug nug ele nug tituanya nai qagapiɗ, amuppa Kayak he, danab amu oppiaawak beum, amge danab amu nug tiig amunu keeke oppiaawak iitta doyom. Laa ele amu, nug Kayak Ouɗi, Nug ehanittak okkai hamu mettaknu diig amu, nug nuhigppa ele kobol eheɗnab heum.

Jon 8:24

Diig amunu da ag amelagppa tatam ami. ‘Ag hipunin ahilag amu ag tonadppeg mauhkkulag.’ Am genab, ag da am Kayak Bekka oolagppa genab ii dooglag dayeb amu, ahilag hipunin genab tonadppeg mauhkkulag,” awa aum.

Prowerb 14:32

Haen uug naunab laa uɗitte amu, nau hak danab ag padal metteb; amge genab tutukku hak danab ag ahilag mauhak haenppa, Kayak Nug padal mak eɗitteb ena dayaknu aben bia ahilag daatte.

Namba 19:20

Amge danab laa nug keeke laa he, nug da ele ouqa dayaknu elele iitta daatte, amge nug da ele ouqa dayaknu ɗo ii dim lamidtte dayeb, nug da ele ouqa dayaknu elele iitta daatte dayeb, amuppa nug he, da, Yawe, dahil neekkakppa dahil mettid haknu peh lag dubuttid tak ele daatte amunu, nug Israel oolagppanu geɗittak daakkuoitte. Amunu diig am, le heeb, danab nug da, Yawe, da ele ouqa dayaknu elelenu le amu, laa nug le amu nuhigppa ii tauɗ qettom amunu, nug da ele ouqa dayaknu elele iitta.

Namba 19:18

Anam dayeb, danab laa nug da ele ouqa dayaknu elele daatte amu, nug uud onig hisop awa, le uhuɗ ele kaboliak amu, nug amuppa ma, nug peh tauɗ qedatta, amu nug keeke peh ooppa daatteb, danab appa daaegeg danab mauhom, amu ele tauɗ qadakku. Amu nug ele aun laa mauhak ebehi aɗom, o iitta qe mauhak gaɗa aɗom, o iitta hamu mauhak gaɗa aɗom, o iitta mauhaknu moɗ aɗom amu, nug nug ele tauɗ qedakku.

Namba 19:9

Danab laa nug da ele ouqa dayaknu elele, nug makau balat ewom, nug uhuɗ amu awa, ⌊waa, keekeppa ina,⌋ haen tutu dayaknu aab kalak amu dimittim, aben Kayaknu neekkakppa dubuttid iitta, nug appa mekku. Amunu Israel danab ah ag makau uhuɗ amu le, amuam le heeb danab nug da Yawe, da ele ouqa dayaknu elelenu le amu, ag le amu bappaidkkulagnu uhuɗ aɗappeg daakku. Le amunu uɗat am, heeb, hipunin iitta mekkunu daatte.

Namba 15:30

Ɗo amuam danab ah ag ii doonna hipunin hekkulag, ahilagnu, amge aun nug hipunin doyaya hette, nug Yawenu dabittak nai aakku atte. Nug Israel oolagppanu geɗittak daakkuoitte. Israel tedte, iitta wan laihnu danabte, keeke amu oh am hamu; nug Israel oolagppanu geɗittak daakkuoitte.

Namba 8:7

Ag oppiak ele daaglagnu amu, na inam iikkude he! Na le, amuam le heeb danab nug da Yawe, da ele ouqa dayaknu elelenu le amu, na le amu tauɗ qadakkut. Na amu hewona, na heppe, ag beɗulagppan uɗig oh aagppeg ukkeb, ag lamen ahilkad ele ihaladkkulag. Ib amuppa ag oppiak ele daaglag.

Lewitikas 20:3

Da nuhignu eheɗ hekkulnu doyeye dayen, da heppi, nug Israel oolagppan geɗittak daakku. Aɗinu? Nug nid nuhikkud Molek mettom amunu, da anam hekkul. Nug amu ha, nug aakku he, dahil neekkakppa dahil mettid haknu peh lag dubuttid teum daatte; nug ele he, da onil oppiaawak ele laa dilag neekkakppa nauhom daatte.

Lewitikas 5:17

Laa nug ii doyaya ib apiɗitta, Yawenu ɗoppa ⌊nuhig keekeppan⌋ keeke laa haknu aib daatte ele, nug amu tippalkku dayeb, nug aakku hipunin hekku. Anam amu, nug beɗuppa aab ele dayebeb, bu aokku.

Lewitikas 5:6

Nug nuhig hipunin miag uhuqowa, nug hipunin amu heum, amunu nug sipsip balatte, o meeme balatte laa awa, Yawe toppa wakkuoitte. Amuam nuhig ib etta hipunin haknu ofa aakku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele medakku.

Lewitikas 5:3

O iitta, aun nug danab o ah beɗulagnu leppu nau keeke, Kayak Nug amunu am keeke dubittid ele dootte amu, nug amu aɗeb, diig amunu, nug Kayak ele ouqak daakkunu elele iitta daakku. Nug aɗom am iitai dookku, amge ib amuppa nug Kayak ele ouqa dayaknu elele iitta daya, nug amu doya, nug aakku beɗuppa aab ele daakku.

Hibru 9:10

Keeke amu oh am ee lanak keeke, le lanak keeke, amu le laaittak kobol digdig ele. Ɗo amu oh am danab beɗulagnuib. Kayak Nug ɗo amu oh danab ag dim lamidppeg ukkeb, dimppa Nug ib bau ooɗaknu haen uɗieb batak daaglagnu he daappig.

Lewitikas 7:21

Aun laa nug aɗi keeke Kayaknu neekkakppa dubuttid ele daatte, amuam danab Yawe ele ouqak daakkunu elele iitta, o doɗ ii lanaknu epeɗiak daatte, o aɗi keeke laa Kayaknu neekkakppa dubuttid ele, laa nug amu aɗowa, nug laippu dayaknu ofa, auntai Yawenu ha mettom ele amu, nug doɗ amu teppu laa awa lakku dayeb, nug Israel oolagppanu geɗittak daakkuoitte,” awa aum.

Namba 19:14

Amu haknu amu, ɗo inam daatte. Haen danab laa nug pehppa mauhtte, aun nug haen amuppa peh ooppa daatte, o mauhak dimppa aun nug peh ooppa notte amu, geha nug deɗ eblaih aɗit ele nug da ele ouqa dayaknu elele iitta daakku.

Namba 19:19

Am danab nug da ele ouqa dayaknu elele daatte amu, nug deɗ ewamppa, amu deɗ eblaih aɗitppa ele, nug danab nug da ele ouqa dayaknu elele iitta, nug nug le amu tauɗ qedakku. Nug anam heeb ukkeb, deɗ eblaih aɗitppa nug nug tauɗ qetteb, nug da ele ouqak dayaknu elele daakku. Danab nug da ele ouqa dayaknu elele bette amu, nug lamen iha, nug le layowa, tueb amu nug da ele ouqa dayaknu elele daakku.

Esekiel 44:26

Amge mana mettak danab nug mauhak gaɗa anam gumitta gokku dayeb amu, nug Kayak ele ouqa dayaknu elele iitta amunu, nug eɗua, Kayak ele ouqa dayaknu elele daakkunu kobol hekku. Nug ha mala, nug eɗua, Kayak ele ouqa dayaknu elele daakku, amge nug deɗ eblaih aɗit baula hamu dayaya,

Eksodas 30:33

Danab aun laa nug goɗen imubianab laa hekku, o danab aun nug danab hamu laa, nug mana mettak danab iitta, aun nug danab amu igippa goɗen imu gokkaɗkku amu, ag heppeg, danab amu nug Israel oolagppanu geɗittak daakkuoitte,” awa aum.

Lewitikas 22:4

⌊Amu Yawe Nug tuɗitta, Moses amegppa aum.⌋ “Am mana mettak danab Aron buɗub laa ag gaɗa oɗe nau ele, o ag beɗuppan leppu nau nette ele, amu he, ag Kayak ele ouqa dayaknu elele iitta, amu ag ofa Kayaknu tituanak daatteb ele, ag mana mettak amu ii lamana. Ag daappeg, mana mettak danab nug ag Kayak ele ouqa dayaknu elele ab doona, ag lakkulag. Am mana mettak danab laa nug aɗi keeke laa, keeke amuam mauhak gaɗa lauɗittomte, o keeke laa beɗu hipab leppu nak aɗom lauɗittomte, diig amunu keeke amuam Kayaknu neekkakppa dubuttid teum daatte ele, amu mana mettak danab amu nug keeke amu aɗakku dayeb, nug Kayak ele ouqa dayaknu elele iitta daakku.

Namba 9:13

Ɗo amuam aun aɗi ag Kayak ele ouqa dayaknu elele iitta, o aun aɗi ag laih ukka, eɗua ii uɗiak ele, ag Pasowanu Hobul dayak haknu haen dayeye, ahilagnuib. Amu danab laa nug da ele ouqa dayaknu elele, o iitta, laa nug laih ukka, eɗua ii uɗiak ii hak ele amu, nug haenppa Pasowanu Hobul hekkunu tippalkku dayeb amu, nug Israel oolagppanu geɗittak daakkuoitte. Anam daakkun diig am, nug haen da ag ippunadmi, nug haen amuppa doɗ amu awa, da gumiɗa ii uɗia, da ii meɗom. Danab nug anam hekku amu, nug eheɗ hekku, nug amunu bu aokku.