Namba 18:4 - Nobonob Baibel

⁴ Danab amu ag na ele, dahil mettid haknu peh lakka, danab ah appa qagmetteb ele, ag appa peh amunu atognoattak uɗat oh hekkulag. Danab ag oolagppan iitta amu, amunu laippu laa nug na daattem eleppa appa iinab wama.

Namba 18:4 Referans Kwoze

1 Samuel 6:19

Amu Betsemesnu danab laala ag Yawenu Tituanak Nainu Kunup ooppa neegppeg nokkunu kunup amunu ameg kolappig. Ag kolana, ag neekkeg, Tituanak Nainu Kunup ooppa ukkom amunu, Yawe he, danab 70 amu ag aakku mauhppig. Ag mauhppig amunu, appan danab ag Yawe Nug he, danab kuɗumnab mauhppig, ag diig amunu mahiak okkai heppig.

Namba 3:10

Aron, nug bekkod ele amu, ag mana mettak danab daaglagnu otiatte! Ag aakkuib amu hekkulagnu daatteb. Danab laa nug amu heeb amu, ag qeppeg mauhkkuoitte,” awa aum.

Namba 1:51

Ag dahil mettid haknu peh lag amu hiɗan, aon laih laih gokkulag haenppa amu, Lewi buɗub agib hiɗaglag. Haen ag dahil mettid haknu peh lag qappaglag amu, Lewi buɗub agib qappaglag. Aun laa ag amu gukkuittak wappeg amu, ag aqappeg mauhkkulag.

Namba 18:3

Danab amu ag nahip nai waappa daanna, ag appa peh laugppa aɗi uɗat laa ag hekkulagnu ami amu, ag uɗat amu oh hekkulagoitte, amge ag dahil mettid haknu peh lag ooppan keeke daatteb, o qaɗab ele gukkuidna ii wamana. Ag anam hekkulag amu, geha danab amu, ag ele, ag oh mauhkkulag.

Namba 18:5

Dahil oppoɗi bak Israel danab ah laa dilagnu baula bemanu amu, ag Lewi buɗubppan mana mettak danab daatteb, ag mettid haknu peh lag ooppa, amu qaɗab ele, ag amuppa uɗat henana atognokkulag. Laal iitta.

Namba 31:30

Ag anam hena malana amu, ag Israel danab ah dilag amu ii mattak haenppa, ag makau 50 ebaqana, laippu am da, Yawe, ag da meɗaglagnu otieg! Anam heppeg ukkeb ukkeb, makau oh am ebaqak daakku. Sipsip ele anamib hekkulag, donki ele anamib hekkulag, meeme ele anamib hekkulag, amu ah ele anamib hekkulag. Keeke amu oh am Lewi buɗub mattaglag. Ag aakku da, Yawe, ag dahil mettid haknu peh lag dabmedatteb.” Yawe anam aum.

Esekiel 44:14

Anam, amge da ii geɗadppa. Iitta. Da heppi, ag da laulppa uɗat digdig laa daatte, ag amu hekkulag.

Namba 1:53

Danab laa, nug Lewi buɗub iitta, nug hib guitta haaha, dahil mettid haknu peh lag, nug appa hamu guguitta ukkeb, da oppoɗil beeb, Israel danab ah oh bu madapanu, Lewi buɗub, ag mettid haknu peh lag men maha aɗit ɗo nai yaak niitte ele appa daattep, ag amu talilittak daaglag. Lewi buɗub ag dahil nainu mettid haknu peh lag, ag amunu dabmekkulag.” Yawe Nug anam Moses amegppa aum.

Namba 8:26

Ag lailkad, dahil mettid haknu peh lag danab ah appa qagmetteb ele, ag appa uɗat hetteb ele, ag ag ehanadkkulag, amge ag akka amu, ag uɗat iinab hemana. Na ɗo imuppa, Lewi buɗubppan mana mettak danab iitta ag uɗat atten atten hekkulagnu ippunadkkut,” awa aum.