Namba 17:8 - Nobonob Baibel

⁸ Nug appa qagmaatte daaegeg, wagɗe deɗ amuppa Moses nug peh lag men maha aɗit ɗo nai yaak niitte ele appa daattep, nug amuppa noum. Nug amuppa noa amu, nug Aronnu hokkat am qaɗu bak aakkuib ii anttom. Iitta! Qaɗu bena, haɗag qena, haɗag mappateg, hokkat am meu almon oeg anttom. Aronnu hokkat am Lewi buɗubppanu dayom.

Namba 17:8 Referans Kwoze

Esekiel 17:24

Amu wanppan ad oh ag danab daaloblob, ag dahilnu inam doolob, ‘Nug Yawe, Nug he, ad elab ag tutu daatteb, amu Nug he, ad naunau ag elab tetteb. Nug he, ad bau ag bunaɗtteb, amu nug he, ad bunaɗak ag bau daatteb. “Da, Yawe, da nai madittem. Da aɗi keeke hekkulnu ami amu hekkul.” ’ ” Naɗi Yawe Nug anam atte.

Namba 17:5

Na anam maadppe daappeg, danab laa da nug mana mettak danab daakkunu tituanmi ele amu, nuhig dudqak hokkat amu qaɗu bekku. Ib amuppa da heppi, Israel danab ag nahipnu naittuɗ heegeg da doottem ele amu uuglag,” awa aum.

Aisaia 4:2

Aria haen amuppa amu, Yawenu wan, am Israel amu, wan amuam aben anttaknu enanag, onig binag oppiaawak ele daakku. Am geha wanppanu ee meulkad ena huan obeppeg, Israel danab ah qagaiettaknu ii mauhppig daatteb, ag amu oh anidna, diig amunu ag oolag gamag huan ahebeb, danab ah laa ag binalag mekkulag.

Esekiel 19:14

Gadon, anam daye, muɗi amu eppeg okkai laappanu aab aha, muɗi amu meu aakku he, iitta meum. Gadon, muɗi amuppa eppeg laippu laa, kingnu qakun daakkunu laa ii daatte, eppeg oh am gai-iitta.” Yawe Nug Esekiel nai amu mettom. Amu nai amuam nai oo doyak ele, amu laa nug Israelnu oo doyak dookku dayeb, nug nai imu edakkun daatte.

Sam 110:2

Yawe Nug heeb, na danab ah kuɗum Sionnu gumadppe, nahip gumak am ɠagattag daakku. Ao, na kekeɗ nahipad ag talilidna daatteb gumadkkut.

Genesis 40:10

Muɗi grep amuam eppeg ewam. Aria, uɗug be, pahanab haɗag beeg, meu ele bena, paha lep meppig.

Hibru 9:4

Aben amuppa kalu danab ileb muttuɗig enanag baknu qaɗab golppa hak, amu nug tituana nai qakkak kunup, ag amu adppa hewona, ad amu qaɗeppa ooppa ele gol mewona, ag nug ameg am golppaib heppig amu, keeke aɗit amu aa aguppa daapiɗ. Amu kunup amu ooppa gol id laa, amuppa ag maana inappig, aria Aronnu bu ita beum ele, amu men otala aɗit, amuppa ɗo nai yaalattak ele, keeke amu oh kunup amu ooppa daappig.

Esekiel 19:12

Muɗi amu enanag anam dayom, amge laa ag oppoɗilag be amelag kokoɗ eppe, ag hiɗan, wanppa buɗieg ukkom. Ag buɗieg ukka dayeye, kaɗag gakkaɗaknab uɗia he, bunaɗom. Ge, danab ag meu oh aoeg, ulah he, eppeg bunaɗeg, aab ewom.

Solomonnu Ahi 2:3

Apel adnu dadppa, apel ad laa am apel ad laa oh eɗattak daatte; apel ad laa anam daatte bia amu, laa, nug dahilnu oo mauhtte, nug apel ad amubia nid bau laa oh oolagppa eɗattak daatte. Da apel ad amu waappa, logoppa daakkulnu enanagnab doottem; apel ad meu lakkulnu ele ena doottem. Anamib, da danab dahil ele daagnihnu enanagnab doyeye; keeke aɗi nug da meɗatte amu, da amunu ele da oolppa ena doottem.

Namba 16:5

Nug hewowa amu, nug Kora laikkud ele amelagppa aum. “Butti amu, Yawe Nug aun am nuhig, aun am nuhignu tituanak daatte ele ippunigkku. Yawe Nug heeb, danab amu nug Yawe guguitta wakku. Ao, danab aun Yawe nug tituantte amu, Yawe Nug heeb, danab amu nug, Nug guguitta wakku.

Namba 17:9

Anam daye amu, Moses nug Yawe noobppanu dudqak hokkat oh diia, Israel danab oh ippuanattom. Ag anadna, danab anen anen ag ahilkad hokkat eɗun diin goppig.