Namba 17:7 - Nobonob Baibel

⁷ Aria, Moses nug peh lag men maha aɗit ɗo nai yaak niitte ele appa daattep, nug amuppa Yawe noobppa hokkat oh qagmaattom.

Namba 17:7 Referans Kwoze

Aposel 7:44

Aria, ig mamelkad aɗi anukka ag atu taɗakppa daappig amu, haen amuppa ag mettid haknu peh lag men maha aɗit ɗo nai yaak niitte ele appa daattep amu, ag peh lag amu ele aon oippig. Ag mettid haknu peh lag heppig amu, ag hekkulagnu dottog Kayak Moses ippunittom amu, ag amubia heppig.

Eksodas 38:21

Imuam keeke oh ag Kayaknu mettid haknu peh lag, amuam mettid haknu peh lag men maha aɗit ɗo nai yaak niitte ele appa daattep, ag peh lag amu hekkulagnu keeke aon, uɗat medappignu ebqak. Moses nug Lewi buɗub amelagppa haknunab a, ag Aron, nug am mana mettak danab, ag nug bekka Itamar waappa daan, keeke amu oh ebqena yaappig.

Namba 18:2

Amu Israel dilag huu okkai Lewi, anukkanu uɗie uɗie, gemu ele daatte amu, na, na laipad ele, ag oh huu amun danab, amu na heppe, na laipad, Lewi buɗubppan mana mettak danab iitta ag uɗippeg, na, na begapad ele ag mettid haknu peh lag men maha aɗit ɗo nai yaak niitte ele appa daattep, ag amuppa, dahil ɗo maɗoɗnu uɗat henan daaglag amu, haen amuppa ag appa ag ehanadkkulagnu diieg!

Namba 1:50

Iitta. Na Lewi buɗub, ag mettid haknu peh lag men maha aɗit ɗo nai yaak niitte ele appa daattep, ag amu dabmettanna atognokkulagnu otiatte! Ag geha mettid haknu peh lag amu ooppanu keeke oh, amu nuhig keeke laa oh elenu gumak danab anuqak daaglag. Ag geha dahil mettid haknu peh lag, nuhig keeke oh ele, ag amu maonna, laih gokkulag; ag amu dabmettan atognonana, ag haen tutu dayaknu aab kalan, mettid haknu peh lag amu talilidna daaglag.

Namba 1:53

Danab laa, nug Lewi buɗub iitta, nug hib guitta haaha, dahil mettid haknu peh lag, nug appa hamu guguitta ukkeb, da oppoɗil beeb, Israel danab ah oh bu madapanu, Lewi buɗub, ag mettid haknu peh lag men maha aɗit ɗo nai yaak niitte ele appa daattep, ag amu talilittak daaglag. Lewi buɗub ag dahil nainu mettid haknu peh lag, ag amunu dabmekkulag.” Yawe Nug anam Moses amegppa aum.

Namba 9:15

Deɗ ag mettid haknu peh lag, amuam peh lag men maha aɗit ɗo nai yaak niitte ele appa daattep, ag amu qabappig, haen amuppa lombig na tonom. Anam tone ukke, tuebnu ukka wakkaɗak amu, lombig mettid haknu peh lag attan daye, aab dittiak bia dayom.

Namba 17:4

Aria, Israel dilag huu okkai anen anenppanu ikki danab anen anen ag hokkat medappeg amu, na hokkat amu dahil mettid haknu peh lag danab ah appa qagmetteb ele, na peh amuppa Tituanak Nainu Kunup kontrak inak ele noobppa maatte! Appa amu da ag ele qagmettem.

Namba 17:6

Amunu Moses nug Israel danab amelagppa a, Israel dilag huu okkai, huu amu ag tatam beppig daatteb amu, huu 12 amu anen anen ohppanu ikki danab ag dudqak hokkat ahilag nug medappig. Aron nug ele huu ebqak 12 amu oolagppa dayom.

Namba 14:10

Josua, Kalep ele aa anam apiɗ, amge Israel danab ah laa oh ag Moses, Aron ele menppa makkuɗatkkulagnu madippig. Mattiegeg amu, Yawenu binag amahlak oppiaawak ele mettid haknu peh lag danab ah appa qagmetteb ele, amuppa tuale, Israel danab ah oh ag anidppig.