Namba 17:13 - Nobonob Baibel

¹³ Aun laa nug ⌊ooppa aab ele oiyaya,⌋ Yawenu mettid haknu peh lag guguittak doa amu, nug mauhkku amunu, ig oh mauhkkunigtai?” aon appig.

Namba 17:13 Referans Kwoze

Epesus 2:13

Amge gemu ag Kristus Jesusnu daatteb. Ag tatam uma daappig, amge Kayak Nug Kristus tiigppa ag omalatte, Nug gumidna uɗippig.

Aposel 5:5

Aria, haen Ananias nug Pita nai aum amu doya, nug na qa mauhe, danab oh ag amunu nai doona amu, ag huan baɗappig.

Aisaia 28:22

Naɗi, Nug Yawe Nukka Ɠagattag Oh Ele, Nug da amelppa Nug genab wan imu oh heeb nauhkkunu ɗo meum daattenu aum amunu, ag Yawe nai maditte, ag amunu imak uueg! Ag amu ii uuglag dayeb, Yawe Nug bu mettak ahilag tuɗitteb, awaknu daatte eɗittak, okkainab mekku.

Sam 90:7

⌊Ig anam bia daattem.⌋ Aɗinu? Nahip oo nauhak ig heikke nauhttem. Nahip oppoɗi bak he, ig baɗak eheɗ nau doottem.

1 Stori 15:13

Ig tatam Tituanak Nainu Kunup amu aognignu gomut, haen amuppa ig attemnab maot uɗignignu Kayak oɗ ii mettata, ib laappa aot uɗignignu heta, ag Lewi buɗub ag gona, maon ii uɗippig amunu, Yawe, ihinig Kayak, Nug ihinignu oo nauhe, bu mekkom,” awa aum.

Duteronomi 2:16

Amu ban danab amu ohnab ag mauhna malaeg,

Namba 32:13

Yawe Nug Israel dilagnu oo huana nauhe, Nug he, ag atu taɗakppa maɗ 40 oh yawaina oippig. Ag anam oinna, Yawe he, laa kobol eheɗ heppig ele, ag mauhadna iitta meppig.

Namba 16:26

Nug Israel danab ah amelagppa aum. “Ag danab nau imu dilag peh lag awaidna, laih piɗe dayeg! Ahilag keeke laippu laa aibnab lauɗidppig. Ag hipunin heppig, ag amunu mauhkkulag. Ag uuadna ii gokkulag, o iitta ag ahilkad keeke laa lauɗidkkulag dayeb amu, ag ele mauhkkulag,” awa aum.

Genesis 3:3

amge Kayak Nug ad laippu, dad imu gamagppanab daatte umu, nuhig meunu amu, Nug i amenihppa inam aum. ‘Aa aib lapiɗ, aib aɗapiɗ. Aa lakkulah dayeb, aa mauhkkulah.’ Kayak Nug anam i amenihppa aum,” awa aum.

Namba 18:1

Amu Yawe Nug Aron amegppa aum. “Na, na begapad, amu Lewi buɗub laa, ag na buɗun iitta, ag oh dahil mettid haknu peh lagppa uɗat hekkulag, amu appa kobol elele iitta laa beeb, ag oh kobol amunu nob nau aoglagnu daatteb. Amge na, amu na begapad ele, ag am mana mettak danab, amu ahilag uɗatppa kobol elele iitta laa bekku dayeb amu, agib kobol amunu nob nau aoglagnu daatteb.

2 Samuel 24:25

Dawit aben amu anam daden ma, nug qaɗab qewowa, nug manaknu ofa, laippu dayaknu ofa ele qaɗab amuppa manatta, Yawe mettom. Dawit nug amu he, Yawe Nug Dawitnu unuqittak doya, Israel ehanatta he, oɗe nau danab kuɗum aqe mauhtteb ele aakku iitta meum.